طرمبة باور - صني 2008

**Ahmedology** · 23-04-2016 05:32 PM

السلام عليكم.
معايا صني 2008 مانوال وكنت بدأت أعاني من تقل واضح في الدركسيون خاصةً وأنا باخد يو تيرن وللا حاجة، رحت للميكانيكي قاللي طرمبة الباور عايزة تتغير، المشكلة دلوأتي سألت عليها في العالمية والدولية قالولي مش بنجيب منها جديد، والاستيراد عاملة 450 جنيه، رحت محمد جابر قاللي موجودة تايواني ب 1200 جنيه!
سؤالي دلوأتي للأفاضل، هية بتتباع بكام في التوكيل؟ وهل فيه حد ممكن يكون بيبيع منها جديد برة التوكيل غير محمد جابر عشان حاسس سعره مبالغ فيه؟ وللا أتوكل على الله واخد الاستيراد من العالمية وخلاص؟
وشكراً جزيلاً مقدماً..

**ahmed.zahra** · 24-04-2016 01:25 PM

هاتها استيراد من الحرفيين

**Ahmedology** · 24-04-2016 03:37 PM

شكراً يا فندم أنا شكلي حعمل كدة فعلاً..

**kh_fawzy** · 24-04-2016 03:59 PM

طب مش ممكن تجرب تغير البليه بتاعتها

**Ahmedology** · 04-05-2016 01:26 PM

جبتها إستيراد فعلاً وركبتها وللأسف بعد ما ركبتها وغيرت الزيت المشكلة فضلت زي ما هية، ظبطت ضغط العجل وكل حاجة وبرضه الدركسيون تقيل.. الميكانيكي للأسف طلع تشخيصه غلط، وضيعلي فلوسي ووقتي على الفاضي حسبي الله ونعم الوكيل.. المهم لمّا بقوله لسة زيّ ما هية بيقوللي روح لعفشجي يشوفهالك. :(