الموضوع: ينفع اجيب صني زيرو واركبلها مثبت ومحدد سرعة وكاست gps ؟ أصل دي نقط تفوق اللوجان عليها

Keyless GO بتاع النيسان ( استعمال مستمر و راحه تامه فى الدخول و الخروج و التدوير ) .. افيد من مثبت السرعه بتاع رينو ( فى السفر بس)

محدد السرعه هو اللى ميزه كويسه من وجهه نظرى و عمليه .. لو كان هو ده اللى بيفرمل العربيه عند الاقتراب من عائق ( لا اعتقد ان الميزه دى موجوده ) .. لو كان غير كده( فقط لتحديد السرعه القصوى ) يبقى غير هام من وجهه نظرى

الكاسيت النافيجيشن ده سهل تشتريه باكثر من سعر و منه حتلاقى صينى كمان .. و لو موش عايز .. يبقى اى سمارت فون سيؤدى المهمه .. و اعتقد مودرن موتورز شفت لها فيديوهات تركيب كاسيت نافيجيشن للسنترا ( و ده موزع معتمد )



اعتقد بس موش متأكد .. تركيب مثبت سرعه موش بالسهوله ( الاصلى ) .. لازم الضفيره تكون مجهزه و الطاره نفسها تكون الفلاته بتاعتها فيها الامكانيه لكده

لو العربيه فيها التجهيزات اللازمه او تسمح بالاضافه ( احتمال لان العربيه فيها زراير تحكم فى الطاره ) .. شوفه على Ebay او امازون او Ali Express
فيه اجهزه بتركب للمهمه دى حتلاقيها على امازون .. بس موش الاصلى بتاع العربيه سواء فى الشكل او المستوى



النيسان بصفه عامه قطع غياره معقوله جدا .. انا كنت بصيت عليها من فتره للسنترا و كانت اسعار ممتازه

عتقد بس موش متأكد .. تركيب مثبت سرعه موش بالسهوله ( الاصلى ) .. لازم الضفيره تكون مجهزه و الطاره نفسها تكون الفلاته بتاعتها فيها الامكانيه لكده

لو العربيه فيها التجهيزات اللازمه او تسمح بالاضافه ( احتمال لان العربيه فيها زراير تحكم فى الطاره ) .. شوفه على Ebay او امازون او Ali Express
فيه اجهزه بتركب للمهمه دى حتلاقيها على امازون .. بس موش الاصلى بتاع العربيه سواء فى الشكل او المستوى

Shop nissan sunny cruise control online Gallery - Buy nissan sunny cruise control for unbeatable low prices on AliExpress.com



http://www.aliexpress.com/item/Steer...b-904483956669

و لو الضفيره موش كامله فى مصر .. راسل الموقع و اعتقد ممكن تلاقى جزء الضفيره المكمل او Bypass او شيئ من هذا القبيل .. احتمال

عموما اللى يفيدك الموقع و كهربائى شاطر ( ما اقلهم )

اخي الكريم جزاك الله خيرا على المعلومات القيمة.. بالنسبة لل GPS ممكن فعلاً اركبه في المستقبل.. انا حاليا اساسا بشغله على موبايلي واحطه على الداش بورد امام عدادات عربيتي الفيرنا ومريحني جداً وببلاش

أما مثبت السرعة فأن مش فاهم هو بيحتاج ايه بالظبط لتركيبه لأني مش فاهم فكرة عمله أساساً !! يعني هو بس بيحتاج تغيير ضفيرة كهربا لتركيبه في العربية؟؟ لو كده فأعتقد انها حاجة سهلة حتى لو كانت مكلفة بس واضح انها مش هتكون شغلانة كبيرة.. لكن لو بيحتاج تغيير أجزاء كتير وشغلانة كبيرة يبقى بصراحة هخاف أركبه خوفا من انه يبوظ حاجة أهم في العربية..
لكن انا بصراحة دايما بحلم بعربية فيها مثبت سرعة .. ده حلم حياتي.. مع اني عارف انه مبيستخدمش كتير (في السفر بس يعني وبشكل نادر)

اما عن محدد السرعة cruise control فبيقولوا انه غير مثبت السرعة.. مثبت السرعة بيمنع زيادة السرعة عن حد معين اما محدد السرعة فبيخلي العربية تمشي على سرعة واحد ثابتة تحددها انت طول ما انت دايس على دواسة البنزين (متزدش عنها ولا تقل عنها برضو) لكن لما ترفع رجلك عن دواسة البنزين فالعربية بتبدأ تهدي علشان لو كنت عاوز تقف وساعتها لو دست على الفرامل فالسرعة طبعاً هتقل معاك عادي وممكن تقف كمان لو حبيت.. وده طبعاً لضمان السلامة والأمان.. هي كل فكرته انه بيخليك متشغلش بالك بقوة ضغطك على دواسة البنزين فسواء دست جامد او قليل بتفضل العرية ثابتة على سرعتها.. وده برضو مريح في السفر اوي..

انا صحيح مش بسافر كتير بس نفسي يكون عندي الاوبشنز دي..

ارجو النصيحة من الاعضاء الكرام ياترى مثبت ومحدد السرعة دول شيء مهم زي ما انا شايف ولا مش مهم اوي والافضل اني اختار النيسان صني بدل اللوجان علشان قطع غيارها متوفرة وأرخص؟؟؟

انا محتار وعلى وشك الشراء ان شاء الله أرجو النصيحة...وجزاكم الله خيرا

cruise control هو مثبت السرعة

محدد السرعه اسمه Speed limiter >> اعتقد ده علشان العربيه لا تتعدى سرعه قصوى معينه انت بتبرمجها

أما مثبت السرعة فأن مش فاهم هو بيحتاج ايه بالظبط لتركيبه لأني مش فاهم فكرة عمله أساساً !! يعني هو بس بيحتاج تغيير ضفيرة كهربا لتركيبه في العربية؟؟ لو كده فأعتقد انها حاجة سهلة حتى لو كانت مكلفة بس واضح انها مش هتكون شغلانة كبيرة.. لكن لو بيحتاج تغيير أجزاء كتير وشغلانة كبيرة يبقى بصراحة هخاف أركبه خوفا من انه يبوظ حاجة أهم في العربية..

الصور دى توضح لك اكتر .. هى موجوده فى الروابط اللى فوق

بيبقى فى الضفيره مكان لتركيب الفيش دى و كمان اعتقد لازم تتأكد ان الكمبيوتر بيدعم

و احتمال يكون عندهم جزء ضفيره او دنجل مثلا لاستعمال الكروز كنترول .. الله اعلم

لازم تسأل كهربائى شااااااااااطر .. و لازم تدى بيانات عربيتك للموقع علشان يقول لك ينفع ام لا

شكرا ياباشا بجد جزاك الله خيراً انا صحيح لسه مش فاهم اوي يعني ايه ضفيرة والكلام الكبير ده بس بقرأ وبحاول افهم وان شاء الله هوصل... انا فتحت اللينكات اللي حضرتك حطيتها وعجبتني جداً بس المشكلة اني خايف يكون ده يخرج العربية من الضمان..
هل حضرتك عندك فكرة لو اشتريت حاجة من دي ممكن اركبها في التوكيل ولا لأ ؟؟ ولا هيلغولي الضمان ؟؟؟

انا تقريبا فهمت حضرتك تقصد ايه.. يعني مثلاً ممكن تكون ضفيرة الكهربا بتاعة الصني هي هي بتاعة عربية تانية نيسان فيها اوبشن مثبت السرعة بس مش حاططين الاوبشن ده في الصني لتقليل تكلفتها وسعرها مثلاً..
فلو كانت الضفيرة مجهزة لتركيب مثبت السرعة يبقى ينفع اشتري الجهاز ده واركبه في العربية ولو مش مجهزة يبقى هحتاج أغير الضفيرة دي كلها.. وكل ده برضو بشرط ان كمبيوتر العربية نفسه يكون برضو بيدعم الاوبشن ده.. صح كده؟ انا فاهم صح ولا بخرف ؟؟؟

بس ياترى هعرف منين إذا كانت الضفيرة والكمبيوتر بتوع الصني الجديدة بيدعموا مثبت السرعة ولا لأ ؟؟!!!!!
ياريت لو اي حد من الاعضاء عنده فكره يقولي..

المشاركة الأصلية كتبت بواسطة m-sabry

انا تقريبا فهمت حضرتك تقصد ايه.. يعني مثلاً ممكن تكون ضفيرة الكهربا بتاعة الصني هي هي بتاعة عربية تانية نيسان فيها اوبشن مثبت السرعة بس مش حاططين الاوبشن ده في الصني لتقليل تكلفتها وسعرها مثلاً..
فلو كانت الضفيرة مجهزة لتركيب مثبت السرعة يبقى ينفع اشتري الجهاز ده واركبه في العربية

تمام .. و طبعا هو موش حينزل عربيه باوبشن اقل و يحط الضفيره اللى تسمح بالاوبشن الاعلى .. يقوم يبوظ بيع العربيه الوبشن الاعلى عنده .. حيتعمد ان الضفيره تكون غير كامله

ولو مش مجهزة يبقى هحتاج أغير الضفيرة دي كلها.. وكل ده برضو بشرط ان كمبيوتر العربية نفسه يكون برضو بيدعم الاوبشن ده.. صح كده؟ انا فاهم صح ولا بخرف ؟؟؟

كل ده تخمين .. بس الاكيد لازم الفيش اللى فى الصور دى تكون ليها النتايه بتاعتها فى ضفيره الدريكسيون .. و كمان بيكون جوه الطاره فلاته علشان توصل الفيش دى لخارج الدريكسيون

و اعتقد الضفيره اللى بتتغير موش ضفيره العربيه كلها و لكن الضفيره الداخليه للتابلوه و خلافه

بس ياترى هعرف منين إذا كانت الضفيرة والكمبيوتر بتوع الصني الجديدة بيدعموا مثبت السرعة ولا لأ ؟؟!!!!!
ياريت لو اي حد من الاعضاء عنده فكره يقولي..

ممكن شركات الكماليات دى بتبيع لك الجزء الناقص من الضفيره او بتبيع لك الفلاته المناسبه كمان .. ده بالاضافه للجهاز اللى فى الصوره يعنى الاسعار حتكون اعلى

و الخلاصه هى مراسله الشركه الصينيه ببيانات العربيه .. ليوضحوا لك هل ده ممكن ام لا

و كمان ممكن تسأل فى التوكيل هل تركيب المثبت مممكن يعملوه لك .. الاكيد حيقولوا لا حتى لو ممكن .. لان ده حيوقف سوق العربيه اللى بسعر اعلى و فيها الاوبشن ده

و اسأل هم لو انت اشتريت القطعه هل ممكن يركبوها ام ان الضفيره تخرج من الضمان ؟؟ ام غير مسموح اصلا

اظن النقاش زياده عن كده فى الموضوع ده حيكون غير مفيد فى المعلومات الفنيه .. لان ده عايز واحد متخصص