مش قلتلكوا اﻻسعار هتغلى.. الحقوا اشتروا بأه الدوﻻر هيغلى رسميا اهو

**m-sabry** · 03-07-2016 07:41 PM

الخبر طلع صحيح اهو:
(رويترز: محافظ البنك المركزي يلمح لخفص سعر الجنيه
طارق عامر: انخفاض قيمة الجنيه له ايجابيات لتنمية الصادرات..)

ده طبعا معناه زيادة سعر الدوﻻر والعمﻻت اﻻجنبية كلها ﻻنها مرتبطة بالدوﻻر..
وبالتالي ارتفاع اسعار السيارات.. وكل السلع طبعا كرد فعل..

وبغض النظر عن صحة القرار من عدمه.. لكن طلع فعﻻ ارتفاع اﻻسعار حقيقة مش إشاعة..

**m-sabry** · 03-07-2016 07:59 PM

انا عارف لﻷسف ان اللي بيرفع اﻻسعار هو زيادة الطلب وعارف ان الخبر هيخلي الكل يجري يشتري وبالتالي السعر يزسد فعﻻ.. بس هنعمل ايه.. كده كده اﻻسعار هتغلى فقلت اعرفكم انتوا اﻻول يمكن حد من اﻻعضاء يلحق يحجز او يشترى بسعر معقوب قبل زيادة اﻻسعار اللي بقت شيء مؤكد لﻷسف..
وعلى فكرة انا دايما بأيد حمﻻت مقاطعة الشراء بس ده لما يكون رفع اﻻسعار بدون مبرر.. لكن لﻷسف المرة دي الوكﻻء والتجار هيكونوا مضطرين لرفع السعر بسبب ارتفاع تكلفة اﻻستيراد سواء للعربيات المصنعة بالخارج بالكامل او لﻷجزاء الرئيسية في العربيات المجمعة محليا.. ولﻷسف حتى لو مصر بتصنع سيارة بالكامل بنسبة 100% مكون محلي فبرضو سعرها هيزيد بسبب زيادة سعر السلع البلديلة (المستوردة يعني) وده شيء في علم اﻻقتصاد

**M.Elwan** · 03-07-2016 11:04 PM

هو فعلا نشر حوار في الاهرام انهارده بيأكد فعلا على المعني ده
بس متنساش انه لو علي طارق عامر كان خفض الجنيه انهارده قبل بكره بس النوع ده من القرارات هي قرارات سياسية بالاساس لانها بتأذي المواطن بشكل مباشر في اساسيات عيشته وبالتالي بيأثر علي النظام الحاكم بشكل كامل
يعني عشان طارق عامر ياخد قرار زي ده لازم يتم تاييد القرار ده من الحكومة والرئيس قبل التنفيذ ويمكن ده اللي معطل القرار حتي الان