اسئلة قبل شراء بي واي دي

**Ashraf_Ibrahim** · 09-07-2016 12:21 AM

السلام عليكم
كيف حالكم يا معشر ملاك البي واي دي
عيدكم سعيد وعساكم من عواده
في الواقع بفكر اجيب بي واي دي موديل من ٢٠١٢ - ٢٠١٥
كان عندي مجموعة اسئلة محتاج اجابتها منكم بصفتكم اهل الخبرة
انا طبعا عاوزها اتوماتيك وعدادها ميزيدش عن ٤٠٠٠٠ كم
سعرها هيبقا كام ؟!
وهل تنصحوني بالموديلات قبل ٢٠١٤ عشان الموتور ال ١٦٠٠ واللا تنصحوني بالموديل ٢٠١٥؟!
هل العربية اعتمادية ؟! طبقا لظروف شغلي بسافر كتير وتقريبا بمشي ١٠٠٠ كم كل اسبوع فهل العربية هتسد وهل الفتيس الاوتوماتيك جيد واللا فيه نتشات وكدة ؟!
بالنسبة لقطع الغيار اسعارها ايه ؟!
بالنسبة للصيانة سامع اشعار في شركة الامل فحابب اعرف المراكز الموثوق منها والمجربة حوالين شبرا
اخيرا لو حد يتكرم عاوز اجرب العربية فهل فيه طريقة اجربها تبع التوكيل واللا مفيش test drive هناك ؟!
انتظر ردودكم على احر من الجمر حتى اتخذ قراري واطير عربيتي وانتقل للبي واي دي

ودمتم بخير

**Mohamed Desoky** · 09-07-2016 01:58 AM

البى واى دى حلوه بس توكيل الامل ده مفيش حد شكر فيه خالص لو هتجيبها ابعد عن التوكيل وعلى فكره هيا اقوى من الفيرنا البودى والصاج افضل من الفيرنا لكن توكيل الامل ده وحش جدا وربنا يوفقك ؟

**Ashraf_Ibrahim** · 09-07-2016 03:47 AM

المشاركة الأصلية كتبت بواسطة ahmed_eng2001

اهم حاجة ... ان حضرتك تعرف انك راكب عربية صينى .... فلا تطلب من العربية اكثر مما تستطيع ...
من البروفايل ...حضرتك معاك فيرنا ؟

موتور الفيرنا افضل فى السحب و التسارع .... البى واى دى .. اوسع و صالونها مريح ... و الاوبشنز فيها اكتر
قطع الغيار الاصلية ارخص من الفيرنا شوية ....

انا افضل الموتور ال 1600 .. علشان بسيط و مش معقد ... و ممكن تركب عليه قطع غيار اللانسر

و بصفة عامة ... طول ما ايدك فى العربية ... و مش بتبخل عليها ... حتديك اداء كويس جدا

و فى انتظار اراء اخرى

انا طبعا عارف انها صيني
الفكرة كلها اني عاوز موديل فوق ٢٠١٢ في رينج ٩٠٠٠٠ فأعتقد هي افضل خيار
اما عن الصيانات فمعتقدش ان حد بيلتزم بمواعيد الصيانات زيي
بما اني فيرناوي طبعا فأنا ملك الغرز والجري بس عموما العربية سواق

**Ashraf_Ibrahim** · 09-07-2016 03:50 AM

المشاركة الأصلية كتبت بواسطة mohamed desoky

البى واى دى حلوه بس توكيل الامل ده مفيش حد شكر فيه خالص لو هتجيبها ابعد عن التوكيل وعلى فكره هيا اقوى من الفيرنا البودى والصاج افضل من الفيرنا لكن توكيل الامل ده وحش جدا وربنا يوفقك ؟

التوكيلات كلها سيئة تقريبا
ما دام العيب مش قاتل خلاص لا مشكلة
ربنا يسترها علينا جميعا

*في انتظار بقية الشباب !

**Ashraf_Ibrahim** · 09-07-2016 04:22 PM

المشاركة الأصلية كتبت بواسطة mozart face777

يغور اى حاجة من وش الامل وحسن سليمان وولادة

ماحنا اتفقنا ان طول ما جهاز حماية المستهلك والغرفة التجارية نايمين على ودانهم طول ما التوكيلات هتغدينا فوق دماغنا !
خلينا في العربية نفسها ما لها وما عليها !؟

**Ashraf_Ibrahim** · 10-07-2016 01:27 AM

المشاركة الأصلية كتبت بواسطة shaky

السيارة ممتازة وخصوصا 1600 سى سى موتور الموتسوبيشى وعملية جدا وغفشة وصاج ممتازين وعن تجربة انا كنت من فترة فى اسكندرية وراكن وعربية كارينز خبطت العربية وهى واقفة خبطة جامدة ولما شوفت الخبطة لقيت الكارينز بابة كلة داخل لجوة لكن عندى الحمد لله خدش بسيط

اشكرك يا شاكي
طيب احنا كدة بنتكلم في ٢٠١٤ بحد اقصى
انا ملاحظ ان كلامنا على الموتور ال ١٦٠٠ انه افضل
الفتيس الجديد واللا القديم افضل طيب؟!
ولو بنتكلم في عربية عدادها تحت ٤٠٠٠٠ وموديل بحد ادنى ٢٠١٢
تعملها كام دي؟!