اقوى مقارنة تفصيلية ٢٠١٧ بين رينو لوجان اعلى فئة وشيفروليه اوبترا ونيسان صني اعلى فئة

**tasaka** · 14-07-2016 06:14 PM

المشاركة الأصلية كتبت بواسطة salam100100

بالنسبه للصنى انا لسه ممون انهاردا الصبح
مشيت 450 كم وحطيت 33 ليتر

يعنى ليتر البنزين بيمشينى 450/33= 13.6 كم
يعنى لكل 100 كم بتستهلك 100/13.6= 7.3 ليتر
المعدل دا داخل المدينه بالتكييف طول الوقت

فالسفر على السرعات العاليه بتستهلك 6.8 ليتر لكل 100 كم عن تجربيه

اعتقد دى انسب طريقه لحساب متوسط الاستهلاك هى عن طريق انك بتيتدى بتنك فول وبتمون تانى على تنك اوشك على الانتهاء
دا بيديك مؤشر كويس جدا على اد ايه التنك بيمشيك اد ايه

فعلا تنك البنزين بتاع الصنى صغير ودا عيب فالعربيه- وبيبان فالسفر المسافات الكبيره

استهلاك ممتاز لو انت حاسبه صح .. و بالتكييف كمان .. ما شاء الله ربنا يبارك

معنى كده كمان ان النيسان ممكن يكون استهلاكها متقارب اكثر داخل و خارج المدينه .. و ده اللى خلى التانك صغير

**m-sabry** · 16-07-2016 03:12 AM

المشاركة الأصلية كتبت بواسطة tasaka

عموما ما تشغلش بالك .. لان مفيش حاجه اسمها معدل استهلاك فى مصر .. مفيش طرق مفتوحه .. و الوقفه فى الاشاره بالربع ساعه .. و المشى اول و ثانى بطيئ .. يعنى الاستهلاكعالى جدا لكل العربيات

شكرا على المجهود الرائع و المعلومات القيمة عن معدل استهلاك الوقود.... وبصراحة معاك حق .. في الآخر كله واحد تقريباً في مصر.. الزحمة مش بترحم..
خالص تحياتي...

**m-sabry** · 16-07-2016 03:14 AM

المشاركة الأصلية كتبت بواسطة salam100100

بالنسبه للصنى انا لسه ممون انهاردا الصبح
مشيت 450 كم وحطيت 33 ليتر

يعنى ليتر البنزين بيمشينى 450/33= 13.6 كم
يعنى لكل 100 كم بتستهلك 100/13.6= 7.3 ليتر
المعدل دا داخل المدينه بالتكييف طول الوقت

فالسفر على السرعات العاليه بتستهلك 6.8 ليتر لكل 100 كم عن تجربيه

اعتقد دى انسب طريقه لحساب متوسط الاستهلاك هى عن طريق انك بتيتدى بتنك فول وبتمون تانى على تنك اوشك على الانتهاء
دا بيديك مؤشر كويس جدا على اد ايه التنك بيمشيك اد ايه

فعلا تنك البنزين بتاع الصنى صغير ودا عيب فالعربيه- وبيبان فالسفر المسافات الكبيره

ياباشا متشكرين بجد على اهتماماك وانك حسبت لنا بنفسك استهلاك الصني.. يعني معلومة حديثة ومفيدة.. ربنا يبارك لك فيها.. ويكتب للجميع اللي فيه الخير يارب..
تحياتي

**m-sabry** · 16-07-2016 03:21 AM

المشاركة الأصلية كتبت بواسطة tasaka

استهلاك ممتاز لو انت حاسبه صح .. و بالتكييف كمان .. ما شاء الله ربنا يبارك

معنى كده كمان ان النيسان ممكن يكون استهلاكها متقارب اكثر داخل و خارج المدينه .. و ده اللى خلى التانك صغير

انا كان فيه حد قالي فعلا ان موتور الصني إتعدل مؤخراً لأنه كان معروف عنه انه بيتسهلك بنزين كتير.. والتعديل ده تم علشان يعالج المشكلة دي.. وان الموديلات الحديثة إستهلاكها بقى كويس.. بس لأني مكنتش متأكد من المعلومة مرضيتش اكتبها بصراحة.. وللأسف مفيش امكانية لتعديل موضوع المقارنة..
شكرا على التوضيح..

**tasaka** · 16-07-2016 03:38 AM

المشاركة الأصلية كتبت بواسطة m-sabry

انا كان فيه حد قالي فعلا ان موتور الصني إتعدل مؤخراً لأنه كان معروف عنه انه بيتسهلك بنزين كتير.. والتعديل ده تم علشان يعالج المشكلة دي.. وان الموديلات الحديثة إستهلاكها بقى كويس.. بس لأني مكنتش متأكد من المعلومة مرضيتش اكتبها بصراحة.. وللأسف مفيش امكانية لتعديل موضوع المقارنة..
شكرا على التوضيح..

النيسان و الميتسوبيشى و التويوتا .. دائما من زمان جدا استهلاكهم متقارب

بس دائما النيسان اعلى سنه صغيره ( موش كتير ) .. بدون تعديل موتور او خلافه

الهوندا استهلاكها عالى على ما اظن

بالنسبه لنيسان من 2006 الى 2010 تقريبا ما كانش فيهم حساس اكسجين على ما فهمت من خدمه العملاء سنتها .. و بعد كده زودوا الحساس ده فى 2011 .. الكلام ده للشكل القديم علشان يوفر بنزين

**Egymagic** · 16-07-2016 01:44 PM

حضرتك متاكد ان الاوبترا فيها نظام الثبات/الاتزان الالكتروني esp ؟

**عاصم أحمد** · 01-08-2016 04:55 AM

شكرا جزيلا على المشاركة الرائعة والممتعة دي , وكنت محتاج أعرف أخبار العربية إيه في المطبات الجميلة بتاعت شوارعنا المصرية وهل العربية بتحك في المطبات لو فيها خمسة أشخاص ؟ مع جزيل الشكر لحضرتك .

**hussienali** · 01-08-2016 01:49 PM

ترتيب السيارات عن الارض بعد اذنك

**Markmek** · 12-08-2016 01:32 AM

كل ما يتعلق عن الاوبترا.في عام 2011 صنعت شركة سايك الصينية السيارة "Baojun 630 sedan" وذلك بالشراكة مع شركة جنرال موتورز وذلك لاقتحام السوق الصيني بسيارة تنافس الشركات الأخرى، بتصميم عصري يجذب شريحة السائقين الشباب. وفي أواخر عام 2014 بدأت شركة جنرال موتورز بتصدير السيارة "Baojun 630 sedan" الصينية إلى السوق الأفريقية، وبدأت بالجزائر ثم مصر، وقامت بتغيير الاسم والشعار، ووضعت شعار شيفروليه وأسم "أوبترا"، لتصبح تلك السيارة الصينية هي شيفروليه أوبترا 2015.
وعند البحث على مواصفات وصور السيارتين ستجد أنه لا يوجد فرق بينهما على الإطلاق، وتداول رواد مواقع التواصل الاجتماعي صوراً للمقارنة بين "Baojun 630" وشيفروليه أوبترا 2015، وأنهم سيارة واحدة، وتداولوا هاشتاج #شيفروليه_اوبترا_طلعت_صيني.

**tahayt** · 13-08-2016 12:57 PM

العربيات يا فندم بيتعرف مميزاتها و عيوبها بعد ما بتتجرب في السوق فتره ، يعني الصني و اللوجان اتعرف عيوبهم فعلا بسبب انتشارهم ، لكن الاوبترا عرفت مميزاتها و عيوبها منين ، من شكلها و كتالوجها !!!!