دايهاتسو شاريد تسعينات

**samy_xl** · 15-07-2016 12:00 AM

السلام علبكم ورحمة الله

رجالة الدايهاتسو كنت عندي استفسار عن الشاريد من موديل 90 ل 94
ايه ظروفها من حيث قطع الغيار وايه مشاكلها
انا حاليا في مقارنة مابينها ومابين الماروتي بس مشكلة الماروتي بدون تكييف
ولو في حد من اسكندرية يعرف اسعار قطع غيارها واماكن بيعها
مع العلم انا معايا حوالي 20 الف

وشكرا ليكم

**rotato** · 24-07-2016 02:36 AM

والله كنت داخل اسال نفس السؤال بالتفصيل

**dr_haitham79** · 11-08-2016 12:44 AM

هى عربية اعتمادية
وجميلة وناعمة وقطع غيارها فى اسكندرية موجودة عند نجم فى شارع صلاح الدين
غير اماكن بيع قطع الغيار فى بورسعيد والقاهرة فى التوفيقية والحرفيين.
لكن تعتبر غالية
والميكانيكية اللى بيفهمو فيها قليلين
واللعب فيها من غير متخصص بيزعلها جامد.
لو بختار بينها وبين ماروتى: هختار ماروتى مع انها اقل منها
وده بسبب انتشار قطع الغيار وسهولة صيانتها وحداثة الموديل
وان كان على التكييف تقدر تركبه وهيكلف فى حدود 3 الاف جنيه وتعمل عزل كويس وخلاص.
وفيه موضوع هنا فى المنتدى عن تركيب تكييف للماروتى.

**svneleven** · 11-08-2016 06:08 AM

العربية ظي كانت معايه تقريبا سنة 2006. الصراحة كرهتني في العربيات. واضح ان العربية اللي معايا كانت متبهدلة من صاحبها السابق. لان كل الناس استغربو و قالو العربية دي اعتمادية و حمالة اسية. المهم العربية نفسها حلوه وواسعه و مريحة. المهم تقع علي واحده نضيفة. قطع الغيار غالية. الفتيس كان ب 1000 جنيه في 2006 عند سيد الفراش في الحرفيين.