الموضوع: ** البيتل الألمانى و البرازيلى و المكسيكى و الأمريكى و .....!!! **

السلام عليكم و رحمة الله و بركاته

العربيات البيتل فيه منها ألمانى و برازيلى و مكسيكى و أمريكى و بريطانى و جنوب أفريقى كمان , و شكل المكسيكى و الأمريكى و البريطانى و اللى بيتميزو بإن الإكصدام عريض و بفوانيس إشارة من قدام و كمان الشكمان ليه فتح واحد من الصاج الخلفى و الكراسى الداخلية أفخم بس قماش مش جلد زى الألمانى و التابلوه أفخم و الطارة كمان و تكييف و CD كمان فى الموديلات من سنة 2000 و شكل الموديل دا تم إنتاجه حتى عام 2004 بنفس الشكل فى المكسيك و جنوب أفريقيا و بسعات لترية من 1200 cc إلى 1600 cc و دى بعض الصور ليها.























أما البرازيلى فهو الشكل القديم للألمانى الستينات مع إختلاف التابلوه و بنفس السعات اللترية من 1200 إلى 1600 cc










و دى صور الجنوب أفريقى :








أما الالمانى فهو غنى عن التعريف طبعاً و هو الأصل فى المتانة و قوة التحمل و فيه موديلات كتير زى الكوبيه و 1200 و 1300 و 1500 و S و SL و غيره من سنه 1954 و موديلات الستينات و هذه الموديلات اللى على أساسهم تم إنتاج البرازيلى و المكسيكى و خلافه و هناك موديلات السبعينات























* و لا ننسى السوبر بيتل 1302 و 1303 و اللى تم إنتاجهم فى ألمانيا فقط و عندما قامت ألمانيا ببيع خطوط الإنتاج قامت ببيع خطوط إنتاج البيتل 1300 فقط و لم تبيع خطوط إنتاج 1302 و 1303.
و تتميز تلك الموديلات السوبر بأنها على عفشة ( سوست و مساعدين ) و ليس دنجل و بالتالى راحة و رفاهية أكثر للسيارة و للركاب





و كبوت طويل ضخم أمامى و إشارات على الرفارف الأمامية كبيرة و السعات اللترية للماتور من 1300 و 1600 cc
* البيتل 1302 أنتجت فى عامى 1971 و 1972 فقط و هناك موديلات من 1302 إصدار خاص يطلق عليه سوبر لوكس يتميز بوجود كساحة أمامية و إشارات بالإكصدام الأمامى و تابلوه فبر جلد على الصاج و هوايات أرضية .

































* البيتل 1303 تم إنتاجها من سنة 1973 إلى 1976 و تتميز بالزجاج البومبية و التابلوة العريض






















** لا توجد إختلافات كبيرة فى المواتير بين الالمانى و باقى الدول.
** صاج و بودى الألمانى أسمك و أقوى من صاج و بودى باقى الدول.
** و جدير بالذكر أن البيتل التى أنتجت فى الدول الأخرى بعد ألمانيا هى السبب فى بقاء الموديلات الألمانية حتى الآن على قيد الحياة لأنها المصدر الأساسى الأن لقطع الغيار ، و أيضاً يوجد الكثير من المواقع على الإنترنت تقوم ببيع كل شىء جديد يخص البيتل بموديلاته و أنواعه المختلفة و من الإبرة حتى الصاروخ !!!!!!!

أرجو أن ينال الموضوع إستحسانكم و رضاكم

الألماني ألماني برضو شكرا ياباشا على المعلومات ديه