شوروا عليا قبل ما ارتكب جناية

**sendrella** · 10-01-2009 01:59 AM

السلام عليكم
اعرفكم بنفسي عالماشي كدة
انا سندريللا ( مشوها كدة )
خريجة اكتوبر 2008 ( معلش بقى ظروف )
تجارة عين شمس شعبة محاسبة ( اجدع ناس )

مشكلتي بقى كالتالي :

انا من ساعة ما اتخرجت و اتحالت على المعاش و انا بعاني من فراغ قاااااااااااتل
طبعا هموت و اشتغل في مجالي
عشان انا اصلا بعشق مجال المحاسبة و الحسابات و الارقام
هتقولوا مفيش شغل و هو حد لاقي ؟.
اقول لكم مش دي المشكله
لما ابقى ادور ومالاقيش يبقى يفرجها ربنا
المشكله بقى اني مكتوب كتابي
و البيه جوزي مش عايزني اشتغل ولا اتعامل مع العالم الخارجي
و انا اقسم بالله قرفت على اخري و حاسة انى هيجرالي حاجة من الفراغ اللي انا فيه
و نسيت اقوللكم اني سيادتي كنت بشتغل مصممة مواقع web designer على النت
عندي موقع بسوق منه تصاميمي بس زهقت جداااااااااااا و مليت موضوع التصميم ده
فعلا مش عايزة اعمل اي حاجة في حياتي غير انى اشتغل في المحاسبة
و عملت مشاكل كتيرة اوى مع البيه في الموضوع ده و كانت هتوصل ل.......
بس اتنازلت لانى مقدرش اخسره
قلت يا بت يا سندريللا خليكي انتى العاقله
ففكرت انى احضر اعمل دبلومة او اي حاجة و خلاص تتعلق بالمحاسبة
برضه سعادته مرضيش
قلت طب اروح اتعلم السواقه و احجز في مكان تكون المدربة فيه واحدة ست
برضه مرضييييييييييش
طب اخرج مع اصحابي ؟
ده انا ممكن يعدي عليا اسبوعين مشوفش الشارع
كل ما نتفق انا و اصحابي لازم حد يخلف وعده و منتقابلش ( ده لو البيه بتاعي وافق اصلا )
لانه اغلب الاوقات مبيرضاش
حاسه انى بقيت عندي 70 سنة
و هو اصلا سايبني و مسافر بره مصر بيشتغل
و عندي حالة فراغ غير عاااااااااااااااااااااادي
و انا خايفة على نفسي من الفراغ ده
و مش لاقيه اي حل
بس الله يخليكوا بلاش موضوع اصبري .. استحمليه .. ده بيخاف عليكي .. ده بيحافظ عليكي .. ............... الخ
انا عايزة حل جذري

شوروا عليا اعمل ايه قبل ما ارتكب جناية

**TeXo** · 10-01-2009 02:10 AM

بصي هو النت بيقتل الفرااغ جامد بس طبعا في حاجه مفيده , يعني ممكن تتعلمي البرمجه مثلا من مواقع الدروس و تبرمجي و مش بعيد تبرمجي سكربتات و تبيعيها و يبقي بيزنس كويس ,و في رأي الشخصي إن اسهل لغه و اشهر لغه برمجيه هي ال php

معلش انا مش قادر انصحك بغير كده لان ده اللي انا بعمله فعلا انا بتعلم التصميم حاليا و قريب البرمجه إن شاء الله

, انا علي فكره في تجاره بس لسه ما اتخرجتش هههههههه و مش بحب المحاسبه و لا بكرها الصراحه :) و لما اتخرج إن شاء الله مش ناوي اشتغل في حاجه ليها علاقه بالمحاسبه لا انا ناوي اشتغل في حاجه ليها علاقه بإدارة المواقع الإلكترونيه لاني و الحمدلله كويس في كده :d

**نور القمر** · 10-01-2009 02:24 AM

معنديش نصيحة انصحك بيها للاسف لان الحال من بعضة تقريبا
لا خروج ولا اصحاب ولا ..........الخ
هي نصيحة للرجال بلاش التسلط والتمسك بالرأي بالطريقة دي لان الضغط يولد الانفجار وما ادراكم الانفجار الناتج عن الفراغ
سندريلا لغاية دلوقت عاقلة ومش عايزة تزعله مع انه مسافر وتقدر تعمل اللي هي عيزاه لانها لسه في مرحلة كتب الكتاب والرومانسية بقه والحاجات بتاع افلام زمان
بس قدام شوية لما مرحلة الملل الزوجي تشرف بيتهم هتقدر تتحمل الطباع الصعبة دي اد ايه ؟!!!!!!!

**EZABY** · 10-01-2009 02:29 AM

روحي جيم
وروحي اتعلمي واحفظي قران
بجد والله مش بهرج حاجات مفيده وهتشغل ايامك وغالبا البيه بتاعك مش هيعترض عليها طالما كانت في اماكن محترمه ومع بنات كويسين

**sendrella** · 10-01-2009 02:29 AM

تيكسو
بشكرك بجد على اهتمامك و ردك
النت فعلا بيملى الوقت و بيشغل الفراغ
بس حتى ده مبقاش عندي نفس له زي الاول
اما بقى عن تعلم البرمجة فللاسف مش غاوياها
و التصميم اتقنته الحمد لله بس مليت منه
عشان كل دي حاجات اصلا لجأت لها لسد الفراغ مش عشان بحبها

بس بجد الف شكرررررررررر على مجهودك و نصايحك الغالية :k10:

**sendrella** · 10-01-2009 02:37 AM

المشاركة الأصلية كتبت بواسطة نور القمر

معنديش نصيحة انصحك بيها للاسف لان الحال من بعضة تقريبا
لا خروج ولا اصحاب ولا ..........الخ

هي نصيحة للرجال بلاش التسلط والتمسك بالرأي بالطريقة دي لان الضغط يولد الانفجار وما ادراكم الانفجار الناتج عن الفراغ
سندريلا لغاية دلوقت عاقلة ومش عايزة تزعله مع انه مسافر وتقدر تعمل اللي هي عيزاه لانها لسه في مرحلة كتب الكتاب والرومانسية بقه والحاجات بتاع افلام زمان
بس قدام شوية لما مرحلة الملل الزوجي تشرف بيتهم هتقدر تتحمل الطباع الصعبة دي اد ايه ؟!!!!!!!

نور القمر بتتكلمي صح بنسبة 100 % و الله
لكن بجد والله قربت يفيض بيا و اقول عليا و على اعدائي
و يا روح ما بعدك روح

و طالما الحال من بعضه يبقى ربنا يلطف بقى من عنده
بس لازم يكون في حل رادع للرجالة المتسلطين

**R A N A** · 10-01-2009 02:43 AM

بصي هي اصلا الحياة كلها بقت مملة واخر ملل كمان .
انا عن نفسي بشتغل ومع ذلك برده بحس بملل عادي جدا وبييجي عليا اوقات بكون هاطق من كتر الفراغ والملل ، رغم اني عندي يومين اجازة في الإسبوع وشغلي بيخلص 5 ونص يعني ممكن اخرج في الإجازة أو بعد الشغل الا اني بقيت اكسل عن الخروج وصحابي برده منفضين لموضوع الخروج ده (لان صحابي قليلين اوي او يكاد يكون مبقاليش صحاب يعني من بعد ماتجوزوا لان ازواجهم برده بيمنعوهم عن الخروج اصلا من بعد الجواز ) وحاجة خنيقة بصراحة .
فمش عايزاكي تفتكري بس انك لما تشتغلي مش هاتحسي بملل ، لا هاتحسي بيه بس اقل شوية من احساسك دلوقتي يعني هايجيلك ساعات وساعات يعني .
عموما قلبي معاكي وربنا يعينك علي اللي انتي فيه وزوجك يرجع قريب وتتجوزوا يمكن وقتها متحسيش بملل

**sendrella** · 10-01-2009 02:43 AM

المشاركة الأصلية كتبت بواسطة EZABY

روحي جيم
وروحي اتعلمي واحفظي قران
بجد والله مش بهرج حاجات مفيده وهتشغل ايامك وغالبا البيه بتاعك مش هيعترض عليها طالما كانت في اماكن محترمه ومع بنات كويسين

جيم ؟؟؟
ياااااااااااااااااااااااا اااااااااااااااه
والله العظيم كأنك بتقرا افكاري
ما هو ده من ضمن الحاجات اللى كنت عايزه اعملها
و طبعا طلبي ده قابله رفض قااااااااااااطع
مع ان معظم الجيم بيكون فيه مخصص للسيدات فقط
قال ايه .. الناس هناك ممكن تصور بعض من غير ما حد يحس
و يسيئوا استخدام الصور دي

هقول ايه ولا ايه
ده انا ممكن اكتب مجلدات في الموضوع ده
انا كل حاجة تشغل الوقت فكرت فيها و كل حاجة لازم يلاقي لها الف سبب و سبب للرفض ما شاء الله عليه ذهنه حاضر جدااااااااااا و حججه كلها موجوده من غير تفكير فيها

تحفيظ القران بقى انا فعلا فكرت فيه و سألت عن مواعيده هو بيكون يومين في الاسبوع
بس برضه يا جماعه بالرغم من ان دي حاجة اعظم من اي حاجة
بس مش هتملى الفراغ اللي انا فيه

**king_de_egypt** · 10-01-2009 02:49 AM

المشاركة الأصلية كتبت بواسطة sendrella

السلام عليكم
اعرفكم بنفسي عالماشي كدة
انا سندريللا ( مشوها كدة )
خريجة اكتوبر 2008 ( معلش بقى ظروف )
تجارة عين شمس شعبة محاسبة ( اجدع ناس )

مشكلتي بقى كالتالي :

انا من ساعة ما اتخرجت و اتحالت على المعاش و انا بعاني من فراغ قاااااااااااتل

طبعا هموت و اشتغل في مجالي
عشان انا اصلا بعشق مجال المحاسبة و الحسابات و الارقام

هتقولوا مفيش شغل و هو حد لاقي ؟.

اقول لكم مش دي المشكله
لما ابقى ادور ومالاقيش يبقى يفرجها ربنا

المشكله بقى اني مكتوب كتابي

و البيه جوزي مش عايزني اشتغل ولا اتعامل مع العالم الخارجي

و انا اقسم بالله قرفت على اخري و حاسة انى هيجرالي حاجة من الفراغ اللي انا فيه
و نسيت اقوللكم اني سيادتي كنت بشتغل مصممة مواقع web designer على النت
عندي موقع بسوق منه تصاميمي بس زهقت جداااااااااااا و مليت موضوع التصميم ده
فعلا مش عايزة اعمل اي حاجة في حياتي غير انى اشتغل في المحاسبة
و عملت مشاكل كتيرة اوى مع البيه في الموضوع ده و كانت هتوصل ل.......

بس اتنازلت لانى مقدرش اخسره

قلت يا بت يا سندريللا خليكي انتى العاقله
ففكرت انى احضر اعمل دبلومة او اي حاجة و خلاص تتعلق بالمحاسبة
برضه سعادته مرضيش
قلت طب اروح اتعلم السواقه و احجز في مكان تكون المدربة فيه واحدة ست
برضه مرضييييييييييش

طب اخرج مع اصحابي ؟
ده انا ممكن يعدي عليا اسبوعين مشوفش الشارع
كل ما نتفق انا و اصحابي لازم حد يخلف وعده و منتقابلش ( ده لو البيه بتاعي وافق اصلا )
لانه اغلب الاوقات مبيرضاش

حاسه انى بقيت عندي 70 سنة
و هو اصلا سايبني و مسافر بره مصر بيشتغل
و عندي حالة فراغ غير عاااااااااااااااااااااادي
و انا خايفة على نفسي من الفراغ ده

و مش لاقيه اي حل
بس الله يخليكوا بلاش موضوع اصبري .. استحمليه .. ده بيخاف عليكي .. ده بيحافظ عليكي .. ............... الخ
انا عايزة حل جذري

شوروا عليا اعمل ايه قبل ما ارتكب جناية

انتى تروحى تقفى ساعتين فى الشمس و تخشى تنامى 3 ساعات بس متنسيش تخدى دوووش قبل النوم

و هتصحى هتلقى نافسك ناسيه الزهق و الملل و كل الكلام دا

**sendrella** · 10-01-2009 02:50 AM

المشاركة الأصلية كتبت بواسطة birdybirdy

فمش عايزاكي تفتكري بس انك لما تشتغلي مش هاتحسي بملل ، لا هاتحسي بيه بس اقل شوية من احساسك دلوقتي

يعني هايجيلك ساعات وساعات يعني

.

الشغل ده احسن حاجة
و اهو نص الملل ولا الملل كله
بس الفكرة مش بس في الشغل
ده كل حاجة مرفوضه من حيث المبدأ
يعني ضيفوا الى الملل كماااااااااان الاحساس بالقهر

الموضوع: شوروا عليا قبل ما ارتكب جناية

LinkBack

أدوات الموضوع

عرض

شوروا عليا قبل ما ارتكب جناية - انشر الموضوع فى :

-

-

-

-

-

المواضيع المتشابهه

شوروا عليا بشنيور محترم

شوروا عليا يا جماعة نفسيا وانسانيا.

شوروا عليا يارجال

شوروا عليا

ارجوكم شوروا عليا يا اهل الخبرة

الكلمات الدلالية لهذا الموضوع

المفضلات

المفضلات

ضوابط المشاركة