الموضوع: فكره جديده لتلميع كاوتش السياره

السلام عليكم

واتمنى للجميع الخير والصحة الجيده

انا بصراحة زهقت لانى بعد مكتبت الموضوع كلوا قفلت الصفحة غصب عنى بس معلش احاول تانى

الموضوع انا مش عارف هوة جديد ولا قديم يمكن اكيد سبق واتكلمنا فيه كتير وطرق كتيره اوى عن تلميع كاوتس السياره وكنت ديما بسمع الافكار منحصره فى ورنيش الاحزمة او مواد مخصصه للتلميع وبتكون مكلفه او بالبولش او البريل وفى الاخر لمعه الكاوتش مش بتستمر اكثر من ثلاث او اربع ايام وبيكون مجهود وتعب على الفاضى

وانا مش عارف الطريقه معروفة او لا بس انا مسبقش ليه انى جربتها او سمعت عنها بس قولت اعرضها عليكوا وانا نفسى ناوى اجربها انهاردة انشاء الله وقلت لازم برضوا اقولكم عليها عشان كلنا نستفاد

هية البدايه كانت فى شارع شمبليون وانا بحب امشى فى الشارع ده اوى لقيت اتنين ماسكين عربيه زبون بيمسحها اسطى صغير ماسك بولش وكامبوند وهاتك دعك فى العربيه والاسطى الكبير بقى لقيتوا ماسك الكوتشات مخليها بتلمع

وبصراحة جالى الفضول انى اسئل ورحت للاسطى الصغير قلى حط بولش على كموبند وادعك منها يطلع الخدوش ومنها يلمع قولت ماشى دية حاجة معرفوه واكيد انتوا كمان عارفنها بس انا اكتر حاجة كنت عاوز اعرفها هوة بيلمع الكواتش بايه

هوة كان ماسك علبة صغيره وفيلها لون اسود خفيف اوى ولما سالت الصبى قاله هات علبة صغيرة وهات شوية بوية سودة انا سمعت كلمه بوية قولت هيشقق قلى لا لان البوية هتكون شوية صغيره جدا يعنى انها تعمل لون مش اكتر وتجيب تنر وتحط الاتنين على بعض وتقلب وتجيب فرشة وتدهن

مين بقى سمعوا وهوة بيقول الاسطى الكبير لقيتوا راح شاخط فيه وقلوا يبنى مطلعش سر المهنه بس باسلوب منى خليتوا ياخدها بهزار وعرفت السر

وفعلا يا جماعه الموضوع مش دهان زى مهتكونوا مفكرين لا لانوا بيبقى زى المية مجرد انك تمشى الفرشة بسرعة ومش بياخد اى وقت وكانت فعلا النتيجة كويسه اوى

انا عارف انى رغيت كتير بس انا حبيت افدكوا معايه واتمنى فعلا الناس تجرب وتقول رايها واسف للاطاله واشكركم

احذركم من استخدام هذه الطرق المفتكسة اللى ملهاش لازمة انا اعرف صابون بريل ملمع كاوتش محترم اما تنر +بوية ولو خفيفة!!!!!!!!