كيا برايد سابا (الايراني)

**noureymo** · 16-08-2007 02:59 PM

صباح الخير يا جماعة
مفتاح رفع الزجاج الامامي للسيارة (زجاج السواق) اتكسر سألت عليه في التوكيل لقيته ب 75 جم ده غير التركيب.
1- السعر ده كويس ولا لأ ؟
2- ممكن اعمله في اي حتة تانية (كهربائي) .
3- التركيب سهل ولا ايه.
شكرا جزيلا

17-08-2007 10:49 PM

صباح النور ،

السعر ده معقول بس التوكيل (الامل) قطع الغيار اللي عنده (خرمنت) يعني مش دايما اصلية علي سبيل المثال البوجيهات بيحطوا بتاعة الادا كمان التيل

حاجة تانية مهمة اوى ان الكهربائى اللي هناك اكثر من سيء عشان كده ارجح انك تعمل المضوع ده برة بدام كده كده هتدفع فلوس

بالنسبة لافضل سعر ممكن تعمل تليفون للجندى وديه نمرة
الجندى عنوانة 24 شارع غرناطة امام محطة بنزين التعاون - روكسى - مصر الجديدة
تليفون 24516008
موبايل 0123916567

وبالنسبة للتركيب في مركز خلف سوق القنال الدولي - امتداد جسر السويس قبل عمارات الفاروقية - عند عبر البحار ( ناس كتير شكرت في المركز ده بس انا لسه مجربتهوش)

كمان فيه ورشة صغيرة في عين شمس - متخصصة في الكيا والناس هناك حافظة كهربة البرايد تحديدا
اسمها الورشة الكورية لاصلاح السيارات (كيا)
اسطوات الورشة
محمد حنفى - 0125634933
بطرس شنودة - 0101196221
العنوان :
4 ش عبد الحليم محمود متفرع من ناصية ش الحرية - خلف فيلات 23 يوليو بعد فندق السلام - جسر السويس - امام محطة كهرباء هليوبلس

اما عن التركيب فهو سهل جدا وممكن تعملة بنفسك كمان بس عامة متدفعش فيه اكتر من 20 جنية

ابونورا ( نانا الزنانة )

**noureymo** · 19-08-2007 08:13 AM

شكرا جزيلا يا ابو نورا على الرد بس اسمحلي اسأل كمان سؤال
فلتر الهوا بتاع الكيا سابا مش هو بتاع البرايد الكوري انا فكيته لقيته مستطيل وفلتر البرايد مدور .
شكرا مقدما

**ihab** · 19-08-2007 09:10 AM

مجموعة زراير الزجاج موجوده عند بتوع قطع الغيار و اعتقد فى حدود 25 - 30 جنيه و تركيبهم فعلا سهل جدا و مش محتاجة كهربائى ( 3 مسامير بورمة خاصة بالمسند فقط )

19-08-2007 01:06 PM

المشاركة الأصلية كتبت بواسطة noureymo

شكرا جزيلا يا ابو نورا على الرد بس اسمحلي اسأل كمان سؤال
فلتر الهوا بتاع الكيا سابا مش هو بتاع البرايد الكوري انا فكيته لقيته مستطيل وفلتر البرايد مدور .
شكرا مقدما

الشكر لله ، يخصوص الفلتر طبعا يختلف لان الكورى 1100 سي سي كربراتير لاكن السابا انجكشن ممكن نفس الفلتر بتاع الهيونداى اكسنت او بتاع الادا ( ده عن تجربة اصدقاء) بس انا غيرتة مرة واحدة بس من التوكيل وبرضوا الجندى ممكن يفيد في البدائل بس عامة فلتر الهواء مش مقلق خالص ومتوفر وممكن يقعد سنة كاملة بس مع تنظيفة كل 3 شهور او كل 10.000 كم

**noureymo** · 19-08-2007 01:12 PM

شكرا يا ابو نورا انا هجرب النوعين الي انت قلت عليهم دول وهرد عليك

**ahmed010** · 07-11-2007 01:53 AM

معلش انا هارج بره الموضوع انا عاوز اعرف من حضرتك مكان التوكيل ده فين وممكن يصلحوا اي برايد ولا لازم تكون جديده

شكرا

**noureymo** · 07-11-2007 07:43 AM

بلاش تروح التوكيل ده
التوكيل ده بتاع اللادا اصلا
انت مشكلتك ايه

**MoMohsen** · 07-11-2007 10:59 AM

بالنسبة لمجموعة ازرار رفع الزجاج هتلاقيها فى احمد سعيد او شارع دمشق و هى فى حدود 35 - 40 و مش محتاجة حتى تفك المسامير ممكن تنطر الوحدة كاملة بأنك تجيب مفك عادة و ترفعها من عند الاطراف لان هى اصلا بتركب كلبسات مش مسامير انا غيرتة عندى بالطريقة دة