ارجو تفاصيل عن برايد سايبا الايراني ؟

**mgano** · 22-01-2009 01:02 PM

السلام عليكم ورحمة الله وبركاته ....
يا جماعه انا من شهور وانا عايزه عريبه ومش عارفه اخد قرار طبعا لاني بفكر في عربيه كويسه وسعرها معقول وخلاص فعلا قررت اجيب ماروتي بالتقسيط علي ثلاث سنوات وفجأة شفت اعلان برايد سايبا الايراني بصراحه امكانيتها تحفه و البرايد الكوري كانت ممتازه فيما اعتقد ففكرت اجيبها وازود مده التقسيط بدل ماروتي 3 سنين تبقي سايبا 5 سنين بس انا معنديش اي خبره خالصصصصصص .. محتاجه رايكم ولو في بدائل اخري مضمونه .

وشكراااااااا

**mesaharaty** · 22-01-2009 01:47 PM

السلام عليكم يا mgano

نفس التفكير إللى حضرتك بتفكرى فيه هو نفس تفكيرى تماما ولغاية دلوقتى فى حيرة والحيرة كمان زادت بعد ظهور العربية البرايد .
فيه آراء بتقول عليها وحشة وآراء تانية بتقول العكس .
أنا عن نفسى شفتها وكان إنطباعى إنها حلوة ومناسبة جدا جدا لمرحلتها السعرية إللى هى بتقع فيها (أنا شوفت اللى بـ 51.500 ألف) .
طيب وإحنا محتاجين إيه غير شوية الكماليات إللى فيها ؟
أعتقد إنها مناسبة
ومن فضلكم يا جماعة أى حد ممكن يفيدنا برأيه فى العربية من حيث قطع غيارها وتوكيلها وإستهلاكها للبنزين وغيره من الامور الهامة عند اتخاذ قرار الشراء وألا تبخلوا علينا بتجاربكم الهائلة فى هذا الموضوع .

ومن فضلك يا mgano لو عرفتى أى شىء بخصوص تقسيطها ممكن تعرفينى وأنا لو عرفت أى أخبار تانية عنها سأوافيكى بها .

وكنت محتاج أعرف رأي سيادتكم عن الماروتى برضه لو أمكن .

والشكر للجميع

**ahmedsamir79** · 22-01-2009 01:57 PM

العربيه دي معليا بقالها سنتين
لو في أي أستفسار أنا تحت أمرك

**itsonlyme** · 22-01-2009 02:00 PM

http://www.saipacorp.com/en/saba141/default.asp

**mgano** · 22-01-2009 02:10 PM

المشاركة الأصلية كتبت بواسطة ahmedsamir79

العربيه دي معليا بقالها سنتين
لو في أي أستفسار أنا تحت أمرك

سنتين ؟ انا الحقيقه فاكراها اول مره تنزل مصر طيب يا ريت كل التفاصيل عن الكفاءة بالمقارنه بالسيارات الي في نفس الفئة وده طبعا تقييم السنتين من فضلك وتوضيح العيوب ايضا .... كل التفاصيل يا ريت

**mgano** · 22-01-2009 02:16 PM

المشاركة الأصلية كتبت بواسطة mesaharaty

السلام عليكم يا mgano

نفس التفكير إللى حضرتك بتفكرى فيه هو نفس تفكيرى تماما ولغاية دلوقتى فى حيرة والحيرة كمان زادت بعد ظهور العربية البرايد .
فيه آراء بتقول عليها وحشة وآراء تانية بتقول العكس .
أنا عن نفسى شفتها وكان إنطباعى إنها حلوة ومناسبة جدا جدا لمرحلتها السعرية إللى هى بتقع فيها (أنا شوفت اللى بـ 51.500 ألف) .
طيب وإحنا محتاجين إيه غير شوية الكماليات إللى فيها ؟
أعتقد إنها مناسبة
ومن فضلكم يا جماعة أى حد ممكن يفيدنا برأيه فى العربية من حيث قطع غيارها وتوكيلها وإستهلاكها للبنزين وغيره من الامور الهامة عند اتخاذ قرار الشراء وألا تبخلوا علينا بتجاربكم الهائلة فى هذا الموضوع .

ومن فضلك يا mgano لو عرفتى أى شىء بخصوص تقسيطها ممكن تعرفينى وأنا لو عرفت أى أخبار تانية عنها سأوافيكى بها .

وكنت محتاج أعرف رأي سيادتكم عن الماروتى برضه لو أمكن .

والشكر للجميع

انا سألت بالتليفون انهرده قالي انها متوفره مش هاحجز واستني الموضوع كله انك بتدفع مقدم حجز 1000 وتاخد عرض سعر تروح بيه بنك ناصر وهما هناك يقولولك التفاصيل بس قالي المقدم بيبدأ من 7000 جنية فائدة 6% وده اكيد مش حقيقي او علي الاقل بالنسبة ليه استحاله بنك ناصر هيديني 6% لاني قطاع خاص وكمان اجراءاته معقده بصراحه وقالي كمان هتبقي تقريبا علي 5 سنين يعني القسط حوالي من 900 : 1000 جنيه ده في حالة لو دفعت مثلا 12000 جنية وانا هاعدي عليهم انهرده اشوفها واجيبلك تفاصيل اكثر انشاءالله