rpm الافيو ----هل هناك حل؟؟؟؟؟؟؟؟؟؟؟؟؟؟؟

**cast_away** · 31-01-2009 10:33 PM

السلام عليكم
يا جماعه انا معايا افيو الكورى 2009 وعندى مشكلة فى ال rpm والعربيه صوتها بيعلى
بصراحه تحول ركوبى العربيه لكابوس لانى حرام ادفع حوالى 80000 جنية علشان كل شويه اروح التوكيل وفى النهايه لاشى جديد
ال rpm هنج بعد ماخرجت من التوكيل بساعه رغم ان الباشمهندس قال ان المشكله اتحلت
اعتقد ان لازم يبقى فيه حل جذرى من قبل الشركة وياريت لوحد عنده افكار نعملها
انا حاسس بالندم انى اشتريت العربيه دى بس مش عارف اعمل ايه
وفكرت ابعت شكوى بالاميل ل GM ولا احنا كدا شكرا؟؟؟؟؟؟؟؟؟؟؟؟؟؟؟؟http://www.nilemotors.net/Nile/image...h08%5B1%5D.gif

**khaledhendawy** · 31-01-2009 11:32 PM

ارسلت شكوى لجهاز حماية المستهلك بخصوص
انا عندى أفيو المصرى 2008 لاحظت بعد 3 شهور من الاستعمال ان (احيانا)عداد ال RPM بيعلق
ذهبت مركز خدمة ش الطيران ومركز اتوماستروالمركز الرئيسى بالهرم
وعملو RESET لبرمجة العربية ولكن دون جدوى واخيرا قالوا
ان ده عيب فى عربيات الافيو وجربو نظافة بوابة الحقن والرشاشات وعملوا جميع المحاولات فى عربيات تانيه ولكن دون نتيجة
واخيرا سيتم مخاطبة الشركة المصنعة فى كوريا لايجاد حل حسب كلام السادة المهندسين ارسلت الشكوى على موقع منصور للسيارات ولا حس ولاخبر
وان المشكلة بقالها سنة بدون حل
اتصلوا بى تانى يوم وطلبوا بعض الاوراق
وقالوا يا ريت ان تكون المشكلة عامة
تم تحديد ميعاد مع مركز الهرم وتم تغير حساس اسمه TPS والمجمع كله اللى راكب عليه(داخل الضمان)
ولكن للاسف المشكله لم تحل
روحت تانى وقبلت المهندس شريف وقال انه سيتم تغير السوفت وير مع بداية 2009
كلمته من اسبوعين قالى ح يردعليا المفروض الاسبوع اللى فات خلص الاسبوع ولا حس ولا خبر
فشكلى كده ح اتصل بحماية المستهلك مرة اخرى
لانهم قالولى كلمنى تانى لو المشكلة لم تحل

فارجو من السادة الاعضاء أصحاب نفس المشكلة
ارسال شكوى لجهاز حماية المستهلك
بالبريد الإلكترونى : info@cpa.gov.eg
االتقديم المباشر : يمكنك تسليم الشكوى باليد بمقر الجهاز بالعنوان التالى:96 شارع أحمد عرابى – المهندسين - الجيزة
كما يمكنك إرسال شكواك إلكترونياً بموقع جهاز حماية المستهلك أو إستيفاء نموذج الشكوى وإرساله بالبريد الإليكترونى مرفق معة صورة من فاتورة الشراء.

**egyptianmafia** · 31-01-2009 11:36 PM

ya man there is a fix for it....go to the Haram Mansour and they will do it for you. I dont know what khaled is stating, the RPM issue has been fixed before.

DO NOT GO TO ANY PLACE other than Haram mansour.....so it can be done right from the first time!

**M_Marwan** · 02-02-2009 12:17 AM

I changed the TPS in tayaran barch and the car is ok now

**Rembrandt** · 02-02-2009 09:52 PM

المشاركة الأصلية كتبت بواسطة M_Marwan

I changed the TPS in tayaran barch and the car is ok now

i did the same but still the same

**khaledhendawy** · 03-02-2009 05:13 PM

يا جماعة صدقونى ما فيش غير الشكوى لجهاز حماية المستهلك

**mada121977** · 03-02-2009 05:39 PM

احنا عملنا زى ماقال الاخ الفاضل الاستاذ خالد وبعتنا فعلا شكوى لجهاز حمايه المستهلك .. وهما مشكورين اتصلوا بينا من اسبوع وطلبوا صوره الرخصه وصوره فاتوره الشراء وهما هايحلوا الموضوع بنفسهم وكان الاستاذ اللى اتصل بينا فى قمه الذوق والادب بصراحه .. فياريت اى حد عنده المشكله دى يبعت الشكوى على موقع جهاز حمايه المستهلك على النت وهما هايتصلوا بيه وياريت نبطل السلبيه اللى احنا فيها دى بقى ونتحرك تحرك جماعى علشان ناخد حقنا

**khaledhendawy** · 03-02-2009 05:49 PM

المشاركة الأصلية كتبت بواسطة mada121977

احنا عملنا زى ماقال الاخ الفاضل الاستاذ خالد وبعتنا فعلا شكوى لجهاز حمايه المستهلك .. وهما مشكورين اتصلوا بينا من اسبوع وطلبوا صوره الرخصه وصوره فاتوره الشراء وهما هايحلوا الموضوع بنفسهم وكان الاستاذ اللى اتصل بينا فى قمه الذوق والادب بصراحه .. فياريت اى حد عنده المشكله دى يبعت الشكوى على موقع جهاز حمايه المستهلك على النت وهما هايتصلوا بيه وياريت نبطل السلبيه اللى احنا فيها دى بقى ونتحرك تحرك جماعى علشان ناخد حقنا

يا ريت تبقى بلغنا بالنتيجة اول بأول لان المشكلة عندى مازالت موجودة و ح اشتكيهم مرة أخرى

**mada121977** · 03-02-2009 06:06 PM

قلبى معاك يا استاذ خالد ومع كل اللى عنده العيب ده فى العربيه دى
انا حمايا كان مصمم انه يبيعها مع انها لسه عامله 2000 كم بس هوا هايخسر فيها فقرر انه يسيبها شويه بالرغم انه مش طايقها .. ربنا يسهل ان شاء الله ونلاقى حل .. الظاهر ان غبور ومنصور وجهين لعمله واحده

**meedoo69** · 07-02-2009 04:55 PM

انا عندى نفس المشكله بس مش دايما و المشكله دى ما كنتش موجوده فى اللانوس اى انها مشكله رشاشات مش موتور لان هو داللى اتغير بين العربيتين بخلاف و ضع فلتر البنزين فى موخره السياره