تغيير موتور اوبل كورسا 98

**modux** · 27-08-2007 06:56 PM

حبيت احكيلكم علي موضوع تغيير موتور العربية اللي قولتلكم عليه

بعد تفحيص و تمحيص في السوق ...

الأوبل كورسا بتاعتي فابريكة بره و جوة استخدامي الشخصي من ساعة ولادتها فالحمد لله عليها برتاح فيها و بشوف فيها نفسي فقررت اصرف عليها كل اللي هيا عايزاه

نزلت الحرفيين اول جمعة في شهر 8 و نويت تغيير الموتور سألت لقيت ال1200 مش فارق كتير عن ال1400

نويت 1400

بس كنت متردد بين 1400
كامة ولا كامتين

الفرق بينهم جوهري
الموديلات :
1400 احدث

استهلاك بنزين
1400 افضل لانة انجكشن

تعديل الضيفيرة و التكييف
1400 افضل و الاقرب لنظام العربية

توكلت علي الله و سبتها لمحل في الحرفيين اسمو الاصدقاء
الشيخ احمد مكاوي

في الاول كنت مقلق اوييييي
اول مرة اجرب موضوع زي ده و دفعت فية تحويشة محترمة !!!!

الموتور عمل 4500 بالكونترول و التركييب
بس من غير تعديل تكييف ولا سرفيس الموتور الجديد

طبعا مش هقولكم علي البهدلة من غير حبيبة قلبي نور

الراجل طلع جدع معايا لا قصي درجة
كل حاجة شاكك فيها في الموتور الجديد يغيرها
يا اما جديدة و اشيل معاه نص تمنها او استيراد علي حسابو زي طلمبة المياة او سلوك البوجيهات

كان علي حسابي انا
بوجيهات
سيور
زيوت
اسطوانة و ديسك و بلية دبرياج ( الحمد لله الي كانوا في العربية الاوريجينال يعني بفضل الله بقالهم تسع سنين في العربية )

اتكلفت الحاجات دي 1500

اما اهم حاجة الضفيرة اتعملت عند الشيخ هيثم احسن كهربائي اوبل في الحرفيين

بس كان فيه شوية عيوب في حساسات و تاكيها ت التكييف فودتها لكهربائي علي حسابي اطمن علي الشغل و اضبط شوية حاجات فيها تانية عند كهربائي اسمو تامر

ولد عشرة علي عشرة
في محل اسمو ميدان الكوربة قدام الشيخ احمد مكاوي علي طول

المهم بعد ما عمات ده كولو لقيت العربية سابية علي الارض

نزلت عند اشرفكو للجنوط في الحي السابع جبت جنوط زي الاسترا الجديدة بالضبط
15\195\50

ماشاء الله مع تغير في الطنبورة الامامية و تيول الفرامل و اربع مساعدين مونرو
و تعديل التكييف اتكلف 350 علي حسابي بالشحن ( ما شاء الله تلاجة )

الصور ان شاء الله لاحقا

**معاذ الشرباصى** · 27-08-2007 07:31 PM

و الله الصرف مش كتير خاصة ان العربية بقالها 9 سنين

لكن ما شاء الله كده تفضل معاك زيهم كمان

ربنا يباركلك فيها

و مستنين الصور

**HNaga** · 27-08-2007 07:52 PM

بسم الله ماشاء الله ربنا يبارك فيها

**fahd_628** · 27-08-2007 09:52 PM

تماام يا باشا الف مبروووووووك

و مستنين الصور

و متنساش تصورلنا الموتور :D

**hazem_khidr** · 27-08-2007 11:24 PM

الف مبروك انا حقولك اه تصرف عليها لسبب واحد اني كمان مجنون بالعربيات و خصوصا لما يبقي في عشره بيني و بين العربيه بس لما تعمل حاجه زي كده ما تتوقعش لما تبيعها تجيبلك الفلوس اللي صرفتها فيها دي كلها يعني تعملها لمزاجك و ركوبك انت و بس
و مستني الصور

**Karim_Monir** · 28-08-2007 02:43 AM

الف مبروك يا حبي
تامر ده مهندس مش كهربائي ومحل الكوربة دي اللي كان شغال فيه محمد عسكر احسن كهربائي وتخصص تعديلات كهربة في الحرفيين كلها بشهادة صنايعيتها نفسهم بس سابة وفتح محل لوحدة
مهندس تامر ليه اخ مش فاكر اسمه شغال في توكيل فولكس وبالليل بيجيب الاب توب بتاعة وفيش كنتورل كل العربيات الفولكس وخاصة الجولف والبولو والكورسا وتلاقي تظبيط المواتير شغال وزباينة بيستنوة بعد 12 نص الليل

الف مبروك العربية وشكلك صرفت كتير بس بالراحة على المطبات عشان ال R 50 قليل شوية على مطبات مصر وممكن يطلع بلالين بسرعة

وكمان ممكن كام اسبوع كدة تقعد رايح جاي على الحرفيين عشان تظبط حاجات صغيرة بتظهر بعد التعديل

الف مبروك بس عتابي عليك كنت قولي ادلك على صنايعية كويسين واتابعهالك كمان بدل ما تفضل رايح جاي

**modux** · 28-08-2007 05:07 AM

المشاركة الأصلية كتبت بواسطة hazem_khidr

بس لما تعمل حاجه زي كده ما تتوقعش لما تبيعها تجيبلك الفلوس اللي صرفتها فيها دي كلها يعني تعملها لمزاجك و ركوبك انت

sorry ya hazem bs mesh fe keyborad 3rby 3la my PC here !!!!

abe3 men ya 3m hazem ana mesh 3ayz anzel menha rbna ye7mehaly !!!

for Karim Monir basha :

rban ye7`lek lena ya rab w fe3lan tamer mohandes mesh karhaba2y !!!

dh ostaz w 10/10

w rbna ye7`lek lena w mesh ye7remna mn gamalyak wla kalmk ely zy el 3asal

bs saybenak le 7aga akber mn keda ya karim basha

bs ya gama3a ana hagbleko el sewar awel lma agy cairo 3shan ana basef beha b sar7a w elsowar f cairo w ba3den ana 3ayz atlakek w agy el mo2abla el gaya w teshofoha odamko keda wla eh ?

ana isa mawgood el mo2abla el gaya b Nour 7abebt 2lby

ah neset 2a2olko eny rakbet 3adadat gededa b RPM

kan tol 3omry a7lm b RPM w 2a2ol emta yekon 3ndy

now thanks Allah 3ndy RPM !!! :lol: :lol: :lol: :lol: :lol:

w kman sadadat le elmosa3deen 3shan mesh to7ok f el karteraa
shokran le kol men sa3deny 3la elmowdo3 dh w merci ya hazem 3la tashge3ak leya :D:D:D:D:D

w le mohamed ( Dido)

edany ma3lomat gamda gedn fadtny f elmawdo3