تصورى لمحرك سياره صبابات رأس سلندره بتفوت

**samirayad** · 17-03-2009 08:40 PM

_ لو فرضنا تواجد محرك سياره فى حاجه ماسه الى أجراء عملية روديه lapping

_أنا شايف أن قمة تسريب ممكن تحدث لخليط الحريق (الهواء والبنزين ) تحدث على الشكل التالى

_أى غرفه حريق من غرف المحرك الأربعه بيكون البستم بتاعها بيمر بشوط الأنضغاط (أى شوط القدره وهو الشوط الثانى من تسلسل أشواط المحرك الأربعه )

_وبالضبط قبل بدء أرسال الشراره من بوجيه تلك الغرفه حيث تكون جميع الصبابات (حر وعادم ) فى حالة غلق كامل بسبب قوة رد سوست الصبابات .......

_فأن خليط البنزين والهواء النىء فى هذه اللحظه تكون أكبر فرصه مهيئه لهروب جزء منه الى منطقة حوض التاكيهات ......بتكون من خلال الخلوص بين كل ساق صباب ودليله المشحوط فى رأس السلندر......

_ضغط الخليط النىء هذا يشكل قوة ضغط شديده للغايه على مايسمى بسيل الصباب (سواء حر أو عادم )....ومع تكرار الأحداث بيحدث تلف لكفاءة حبك سيل الصباب حول ساق الصباب.........

_ مع تفاقم الحاله بيحدث هروب للخليط النىء الى منطقة التاكيهات (بنزين نىء وهواء فقط فى شوط القدره )

_ هنا بتبدأ حالة آداء المحرك فى التدهور........حيث تهرب نسب من خليط الأحتراق فى معظم الأشواط ...وسأقوم بتوضيح الأحوال فى نهاية التعليق.........

_ نظرا لحدوث تفويت من خلال مناطق الخلوص بين دليل كل صباب وساقه الى منطقة التاكيهات ....بيحدث تعبئه الى حد ما وارتفاع فى الضغط نسبيا داخل حوض التاكيه.....

_ ود اللى بنلاحظه لما بيكون واحد بيشترى سياره مستعمله ....وبيدور المحرك وبيحل غطاء الزيت العلوى ....(علشان يطمن على أن المحرك بينفخ هواء من فوق ولا لا .........عمليه بالفطره والخبره ).....

*** وعلشان ماحدش يمل من كثرة الكلام ......عملت ملخص بسيط لتصورى للأحداث

*** فى شوط السحب لأى بستم ينزل جزء من زيت تزييت المحرك من منطقة التاكيهات ومحمل بنسب بنزين مزابه فى الزيت وتكون بكثره من منطقه بلوف السحب (على أساس أن بلوف السحب مفتوحه )......وبنسب قليله جدا تكاد لاتذكر من مناطق تآكل قواعد بلوف العادم (على أساس أن بلوف العادم قافله ).....وده بيكون السبب فى حدوث ظاهرة حدوث تآكل للزيت وحدوث الدخنه المعروفه والخارجه من شكمان السياره...........

*** فى شوط الضغط (الشوط الثانى ) والبستم فى طريقه من النقطه الميته السفلى الى العليا (بيحدث تفويت من غرف الحريق لخليط نىء من الهواء والبنزين الى منطقة التاكيهات ) من خلال الخلوص بين دليل وساق أى صباب (حر أو عادم ).....وده اللى بيكون السبب فى بعض الأحيان لما نشم ريحة بنزين عند فتح غطاء تزويد الزيت

*** فى أثناء الشوط الثالث (شوط التمدد ) وبالضبط بعد حدوث الشراره وحدوث أنفجار لمخلوط البنزين والهواء ( وبرضه لسه جميع الصبابات سواء حر أوعادم قافله )......بيحدث تنفيس وهروب أيضا من خلال مناطق الخلوص لكل صباب ودليله (وتقريبا ده اللى بيكون له الأثر السىء على سيلات الصبابات ....حيث يؤدى الى الأسراع بتلفها ).......

*** فى الشوط الرابع وهو شوط خروج العادم (حيث تفتح صبابات العادم وتغلق صبابات السحب )......أيضا بتتوافر الأمكانيه لهروب لهروب جزء من العادم الى منطقة التاكيهات (على أساس أن بلوف السحب قافله فى الشوط ده )..........

**** هى الصراحه بتكون العمليه ملخبطه على الآخر ونقدر نقول عليه أضطراب فى الآداء ....ولكن الخلاصه النهائيه لا نستطيع من خلال المنطق أنكار هذه الأحوال المذكوره عاليه............

*** وكل اللى أنا عملته أننى حاولت وضع تخيل للسيناريو اللى بيحصل لمحرك صباباته متآكله من بين مناطق التقائه مع رأس السلندر .........

** وبرضه أقدرأتدبر وأقتنع بأن أى محرك بتكون صباباته بدأت تودع مع أنخفاض فى قدرته ....بيكون أكيد ده السبب فى بدايه تلف سيلات الصبابات ......وعلى طول بنصل لمرحلة الدخنه الشهيره اللى بتحصل من الشكمان مع وجود نقص شديد لزيت التزييت.................

_ ده اللى وفقنى الله لتخيله......وطبعا الموضوع متروك للتعليق وأبداء وجهات النظر ....وياريت يكون من خلال التحاليل المقنعه والمنطقيه...........لأن أساسا سيناريو الموضوع ده لم ندرسه فى الجامعه ولكنه أجتهاد فى تصور الأحداث.............أشكركم

**sab3aawy** · 18-03-2009 09:40 AM

كما تعرف فان لى وجهة نظر مختلفة الى حد ما فى هذة القضية لكنى لن اطرحها الا اذا اذنت لى، لأن صداقتك تهمنى اكثر من اهتمامى بطرح وجهة نظرى ،

**samirayad** · 18-03-2009 02:49 PM

ياريت تطرح وجهة نظرك........ما أهو أحنا عاوزين نتعلم وطالما أنت غير مقتنع .....بحدوث أحوال مثل أوقريبه من ماورد فى تصورى (قولنا برضه عن تصورك )..........فعادى وقول برضه على وجهة نظرك .......فده قسم تعليمى ومن حقنا جميعا وأن أول عضو أريد ذلك وسوف أتعلم برضه................وعاوز برضه أسألك....وتوضح متى يتم هروب غازات الى منطقة التاكيهات......ولا غير متاح موضوع تسريب غازات الى منطقة حوض التاكيهات.......بغض النظر عن نوع الخليط الهارب ......سواء كان وقود نىء فى نهاية شوط الأنضغاط ....أو خليط أحتراق فى خلال شوط التمدد (الشوط الثالث )

**samirayad** · 18-03-2009 04:09 PM

لأن صداقتك تهمنى اكثر من اهتمامى بطرح وجهة نظرى

....طبعا بأشكرك كثيرا على تلك اللمحه الجميله ونفس الشعور والله........................وبرضه عادى أنك تقول وجهة نظرك وتصورك للسيناريو بتاع الأحداث............................... وثق تماما أن الأختلاف فى وجهات النظر لن يفسد معى للود قضيه ..............بس أهم شىء جزئية الأقناع أن أمكن ....................أما لو أستمررنا على مايدور حاليا ......أعتقد أننا لن نتلاقى فى الرأى فى هذا الموضوع (بس طبعا الحب والأخوه متواجدين الى ماشاء الله )..........................شكرا أخى خالد

**eng.octooo** · 18-03-2009 04:16 PM

انا كان نفسى اشارك معاكم بس ماليش فى المواضيع دى وادينى باتعلم وشكراااااا

**sab3aawy** · 18-03-2009 06:06 PM

المشاركة الأصلية كتبت بواسطة samirayad

ياريت تطرح وجهة نظرك........ما أهو أحنا عاوزين نتعلم وطالما أنت غير مقتنع .....بحدوث أحوال مثل أوقريبه من ماورد فى تصورى (قولنا برضه عن تصورك )..........فعادى وقول برضه على وجهة نظرك .......فده قسم تعليمى ومن حقنا جميعا وأن أول عضو أريد ذلك وسوف أتعلم برضه................وعاوز برضه أسألك....وتوضح متى يتم هروب غازات الى منطقة التاكيهات......ولا غير متاح موضوع تسريب غازات الى منطقة حوض التاكيهات.......بغض النظر عن نوع الخليط الهارب ......سواء كان وقود نىء فى نهاية شوط الأنضغاط ....أو خليط أحتراق فى خلال شوط التمدد (الشوط الثالث )

عذرا يا اخى العزيز، بعد مراجعة اخر رد لك فى الموضوع الذى كنا نناقش فيه نفس القضية، والذى تؤكد فحواه اللهجة التى تفضلت حضرتك باستعمالها فى ردك على فى موضوعنا الحالى

http://www.nilemotors.net/Nile/showt...d=1#post726701

فانا شايف فيه ان حضرتك غير ميال لمناقشتى وان الأمر بدأت تنحو منحى شخصى لا داعى له، واننى ضيف غير مرحب به فى اى موضوع من موضوعاتك ،لذلك انا اعتذر عن النقاش وتقدر حضرتك تعتبر ان رأيك هو الصح، واسف جدا على ازعاجك واعدك بعدم التكرار

**samirayad** · 18-03-2009 06:49 PM

،لذلك انا اعتذر عن النقاش وتقدر حضرتك تعتبر ان رأيك هو الصح، واسف جدا على ازعاجك واعدك بعدم التكرار

الصراحه وبدون أدنى شك......أنا اللى زعلان جدا........ونادم بدون شك على التعليق فى هذا الموضوع الذى أوصلنا الى مانحن فيه ...وياليتى لم أكتب هذا الموضوع بالمره.............وياريت يتم شطبه من مواضيعى بالمنتدى .....نظرا لما سببه من وضع حالى بينى وبين أخ /فاضل .........أطلعت على مواضيع مفيده له جدا (بل أن كل مواضيعه مفيده وتعلم الجميع منها......وبالطبع أنا ممن تعلموا من مواضيعه الأكثر من رائعه والتى تتسم بصفة السهل الممتنع وأفادت الكثير فى الثقل الفنى ).................

_ وواضح كثيرا بأن هذا الشخص ( ذو دماثة الأخلاق العاليه )....الا وهو أخى الفاضل المهندس / خالد سبعاوى .........أنسان أخلاق بكل ما تحتويه الكلمات من معانى......................

_ عموما أنا بأتأسف على الظروف والأحوال وبعض شياطين الأنس والجن التى وضعتنى أنا وهذا الرجل الكريم الخلق فى هذا الموقف الذى لا نحسد عليه.....

_ ولا أملك الا أن أقول له .....أنت أخى وشيك هاند................

** وتغور وتبلى كل العلوم التى تجعل سوء تفاهم مثل هذا يحدث بينى وبين هذا الشخص الدمث الخلق...................

**ahmedsrs** · 18-03-2009 07:02 PM

الأختلاف فى الراى لايفسد للود قضية وخير........... إن شاء الله

**M_Nabil** · 18-03-2009 10:55 PM

السلام عليكم
حصل خير ياباشمهندسين والأختلاف في الرأي لايفسد للود قضية وأحنا في الأخر اخوه وكل رأي قد يحتمل الصواب وقد يحتمل الخطأ ولكن اعتقد ان الهدف واحد لجميع الزملاء وهو الافادة والاستفادة من بعضهما البعض وعن نفسي استفادت كثيرا جدا من مشاركات وتعليقات المهندس/ خالد سبعاوي والمهندس/ سميرعياد وغيرهم من الزملاء الأفاضل من ذوى العلم والخبرة وأكن لهم جميعا فائق الأحترام والتقدير ويحزنني ان اري ما يحدث، اعتذار احدهما عن المناقشة لاختلاف وجهات النظرونحوها منحى شخصي، فبرجاء عدم توقف المناقشات بينكما وسعه صدر كل منكما لرأي الأخر لتعم الفائدة، وكنت اتمنى ان اشارككم برأي أيضا ولكن أعذروني لجهلي فأنا غير دارس للهندسة واحيانا بجد صعوبة في فهم وتخيل بعض الأمور التى كتبتموها معلهش على قدى بقه هههههه وليكوا عندي اعزمكوا علي حاجة سقعة P: و لجميع الأعضاء كل عام وانتم بخير،عيد الأم فاضل عليه يومين اللى لسه مجابش حاجة لوالدته ينزل بكره يجبلها وبلاش حجت اصلى مش معايا فلوس والكلام دة هتجيب يعني هتجيب :) أعتذر طولت عليكم تحياتي.

**dr_timo** · 19-03-2009 02:43 AM

حصل خير ياجماعة انتو عارفين ان القلب صافي من الطرفين خلاص ملهوش لازمة الزعل ولو حصل ابل كدة ان حد تهكم عالتاني فئكيد مكنش قصده يبقي ملهوش لازمة الزعل احنا كلنا اخوات في الاخر