مش لاقى صبابات مقاس الصبابات اللى عندى فى الموتور اعمل ايه؟

**mohammed2005s** · 16-11-2012 10:59 PM

ازيكم يا ابيزاويه
انا العربيه عندى الموتور جاب اخره ، قولت اعمله عمره واظبطه احسن ما اجيب استيراد معرفش اللى جواه ايه ولا الدنيا فيها وعلى رأى المثل اللى اعرفه احسن من اللى ما أعرفوش دا غير انه اوفر
المهم جبت كل حاجه ووقفت على الصبابات
كل اما اروح عند حد يقعد يقيس كله وفى الاخر ما الاقيش المقاس لغاية اما اكتشفت ان الموتور عندى 1300 متغيرله شورت كات ب 1400 يعنى الصبابات اللى عندى 1400 ومش لاقيها
ارجوكم افيدونى وانا نازل بكره التوفيقيه ادور ادعولى يارب الاقيها

**SYD** · 17-11-2012 01:08 AM

مع الأسف ان مواتير الفولكس في اغلب الأحيان مش بتعمر
ومين قالك ان اللي عندك احسن من الأستيراد ؟؟؟
عموما ربنا يوفقك

**SYD** · 17-11-2012 01:26 AM

المشاركة الأصلية كتبت بواسطة حماده المصري

مش بتعمر قصدك بتبوز بسرعه

ولا مش بيتعمل لها عمره

ههههههه
اقصد مش بتعمر يعني مش بيتعمل لها عمرة موتور
لكن طبعا مواتير فولكس معمرة ماشاء الله عليها لو بتهتم بصيانتها في مواعيدها

**ehab_mansour** · 18-11-2012 10:59 AM

المشاركة الأصلية كتبت بواسطة agaty1st

الصبابات جديده لو لقيتها أقل واجب 400 جنيه
غير 80 جنيه كاوتش صباب
غير مصنعية الخراط و الميكانيكي
وش السلندر استيراد هايعمل من 300 الي 400
و شيل الكامه و الكوستبانات من الوش القديم أو بيعهم
بس نصيحه أوعى تلين بزيت عاده (وده هايكون رأي الميكانيكي و هايقولك ألف كيلو و يترمي)
عشان متبوظش الكوستبانات زي ما حصل معايا
لين بزيت التعاون sj
رخيص و ممتاز
و بعد كده استعمل الزيت اللي يريحك
و ربنا يوفقك في العمره

كلام ممتاز
انزل الحرفيين و هات الوش كامل استيراد و كبر مخك احسنلك و اوفر و انضف هتشيل و تركب و بس

انا لسه عامل صيانة لعربيتي و مركبلها صبابات و لكن لسه مجربتش صح عشان اعرف النتائج
و للعلم كل المحركات بتعمر لكن مشكلتنا في الميكانيكية و الخراطين الكفتجيه