أنا متغاظ

**falcon191** · 11-06-2009 01:12 AM

يمكن الموضوع ده اكلم عنه معظم الأعضاء لكن أنا مش قادر ومتغاظ أصلي لسه راجع البيت بعد ماقابلت كل الناس الحلوة اللي بتمشي بطريقة انتحارية
يعني مش عارف ليه واحد بيعدي الشارع بالطول ومش مكلف نفسه حتى انه يبص وراه
واتنين واقفين يتناقشوا في موضوع على مطلع كوبري
وناس بتتمشى في وسط الشارع

أنا مش عارف ايه اللي مفروض أعمله في الوضع ده ،وطبعا بحاول اني معودش نفسي على الشتيمة أثناء السواقة ، بس بفكر في اني أشتري مسدس، ايه رأيكم؟؟؟؟؟؟؟

**Ashraf_Ashraf** · 11-06-2009 01:19 AM

مسدس بس انت طيب قوى يامان انت عاوز مدفع عيار 115 مم
وبعدين فى الزحمه دى ماقبلكش 2 وقفوا بعربيتهم فى نص الشارع ونزلوا يحضنوا بعض
للاسف الشديد اللامبالاه وقله الذوق وكل واحد فاكر الشارع ملكه هو وبس والباقى لا قيمه لهم هو ده بقى حال الناس فى مصر
انا لسه واحد خبط لى الاكصطدام اللى ورا البيه مش منتظر الاشار ه تفتح عشان يعدى منى المهم هو يعدى حتى لو كسر عربيتى
معلش خد مهدئ دايما قبل نزولك وربنا يستر علينا جميعا

**zyadahmed** · 11-06-2009 01:19 AM

تعالى امشى على الكورنيش فى اسكندرية بس فى الشتا مش الصيف وانتى تروح ضغطك عالى وسكرك عالى وعرقان وحالتك لا توصف من الانتحاريين اللى بيعدوا الطريق والسواقين اللى بيطيروا على الطريق

**josephedward** · 11-06-2009 01:26 AM

انا عايز اركب مدفعين ويشتغلوا من الكلاكس......
الكلاكس يطلع أول مرة صوت بس... وبعد كدة طلقات ....

**shafey** · 11-06-2009 01:28 AM

معلش يعنى انا شايف ان فى ناس كتير بتتكلم على الموضوع دة و اللى يقةل هشترى مسدس و اللى يقول عالم زبالة يعنى انتم عمركم ماعملتم كدة ؟
و بعدين انت فى مصر يعنى كل حاجة عادى وسهلة

**M.Mostafa80** · 11-06-2009 01:28 AM

طب أنا النهارده بقى سواق تكسى فرده الكاوتش نامت منو قام واقف فى مكانه وعايز يغيرها مكانو والشارع رايح جى وضيق والشارع كلو وقف وقولو أركن على جنب طيب يقولى وابوظ فرده ب 250 جنيه
وطبعا مش هامو الشارع يولع بقى قمت نازل زاقق العربيه على جنب وقلتلو أخبط دماغك فى الحيطه

**tamertamer** · 11-06-2009 02:15 AM

انا بفكر اركب ارrbj اسهل حتى نموتهم ونكون ارتحنا وهو نخف الزحمة شوية لا بس بجد اعزرو الناس الناس من كتر الضغط العصبى سواء على المستوا الحياتى اصبح مرعب الناس مشية تكلم نفسها وتتخيل حجات الحمد اللة الواحد لسة بعقلة لغايت دلوقتى

**Ashraf_Ashraf** · 11-06-2009 11:17 AM

المشاركة الأصلية كتبت بواسطة m.mostafa80

طب أنا النهارده بقى سواق تكسى فرده الكاوتش نامت منو قام واقف فى مكانه وعايز يغيرها مكانو والشارع رايح جى وضيق والشارع كلو وقف وقولو أركن على جنب طيب يقولى وابوظ فرده ب 250 جنيه
وطبعا مش هامو الشارع يولع بقى قمت نازل زاقق العربيه على جنب وقلتلو أخبط دماغك فى الحيطه

برافو عليك والله جدع عالم هم والله

**abzoabzo** · 11-06-2009 11:28 AM

الوضع فى البلد ده مش هيتظبط اللى لو طلع زى البلاد اللى بتفهم
قرار ان اى حد ماشى على رجله فى اماكن مرور سيارات تشيله ولو مات او حصلك حاجة فى العربية هو والورثة يصلحوها

ومن عندى لو معندهمش فلوس اقطعه وابيعه بيكسبو االيومين دول

**mobitic** · 11-06-2009 11:48 AM

يا جماعة حرام عليكم
بالرغم إنى زيكم بفكر أشترى مدفع بازوكا للناس دى بس أنا مازلت ألتمس ليهم العذر ، لغاية ما البلد تتصلح ويعملولهم طريق للمشاة ، يعنى بصراحة الناس دى هتعدى منين وخصوصا كبار السن.
انا اللى بيغيظنى بجد اللى بيمشى برخامة وسامع الكلاكس ومنفض

الموضوع: أنا متغاظ

LinkBack

أدوات الموضوع

عرض

أنا متغاظ - انشر الموضوع فى :

-

-

-

-

-

المواضيع المتشابهه

متغاظ وهفرقع من اللى حصل

متغاظ

انا متغاظ

لو متغاظ من مراتك و هتفرقع

الكلمات الدلالية لهذا الموضوع

المفضلات

المفضلات

ضوابط المشاركة