الزجاج الخلفى بكام فى السبع ؟

**asnady** · 26-08-2009 10:00 PM

الزجاج الخلفى عندى بقى فرافيت
اولا عربيتى صنى الشكل الجديد ex salon 2009 اوتوماتيك
عامله 4000 كيلو فقط بركنها دايما فى الضل و متغطيه كمان
و فجاءة النهاردة بشيل الغطاء لاقيت الزجاج الخلفى عبارة عن فرافيت الزجاج اصابه سرطان الزجاج و سقط لوحده من غير ما حد يكلمه
و عندى كذا سؤال
لماذا تم وضع زجاج عادى و ليس زجاج تريبلكس (الزجاج التريبلكس لا ينهار بهذه الطريقة) تقفيل مصرى؟
هل الزجاج الامامى بهذا السؤ ايضا يعنى ممكن و انا ماشى انا و عيالى الاقيه وقع علينا ؟
هل هذا يعتبر عيب تصنيع ؟؟ و هل الزجاج اذا اصيب بالسرطان يتم تغييره مجانا ؟؟
اذا كنت هغيره على حسابى (غالبا محدش هيعبرنى فى التوكيل و هيقولوا انى انا اللى كسرته)
هو بكام فى التوكيل (السبع زهراء المعادى ) و مصنعيه التركيب كام ؟
و بره التوكيل بكام ؟
و حسبى على و نعم الوكيل فى التقفيل المصرى
اتصلت بالسبع رد على الناس باحترام كالعاده و اخبرونى ان الزجاج ليس فى الضمان
و سعر الزجاج 475 + مصنعيه تركيب حوالى 150 جنيه و كمان هيبقى زجاج زى اللى كان راكب (يعنى مش تريبلكس)
و حسبى الله و نعم الوكيل فى التقفيل المصرى (سؤال هو التقفيل اليابانى زجاج زفت كدا برضه ؟؟ )

**mohamed10** · 27-08-2009 12:25 AM

معلش حصل خير وكويس انها جت على اد كده اما بخصوص تغيير الزجاج فالى اعرفه انه الزجاج بتاع العربية من مصنع جريش اللى فى العاشر من رمضان وممكن حضرتك تروح هناك وهما يغيروه وتكون تكلفته اقل على مااعتقد والله اعلم ويمكنك الاتصال بهم تليفونيا للتاكد قبل الذهاب اليهم وربنا معاك

**Amr81** · 28-08-2009 03:21 AM

أنا حصل معايا نفس إلي حصل معك بالظبط وغيرت الزجاج على حساب التأمين كان بردو الخلفي
وكان فالتوكيل قالولي مفييش تغيير فالضمان فأنا كبرت دماغي و هو كان في حدود ٦٠٠ بس كنت عرفت إن في زجاج أصلي بس كان في حدود ١٥٠٠ مش فكر كام بالزبط و كان فالعوضي جروب
والكلام دة من سنه و نص كدا والعربية بردو كانت معايا بقلها شهر بس والتاني اتركب ومن سعتها كويس
ومش عايزك تقفل من العربية هي فعلاً كويسة

**sa3dawy** · 28-08-2009 03:31 AM

واحد صاحبى معاة جولف 5 حصل معاة بردو نفس الموضوع فى الزجاج الخلفى ...كان ماشى على الطريق السريع فجأة لقاة فتافيت ..بدون اى سبب ..واتغير فى التأمين طبعاا
فالموضوع مش يابانى وهندى

**asnady** · 09-11-2009 07:47 PM

يا ريت الناس اللى حصل معاها كدا تشوف الموضوع دا
http://www.nilemotors.net/Nile/105166-a.html
هو الواحد ميخدش حقه الا اذا اشتكى ولا ايه ؟؟
مش ممكن الواحد ياخد حقه بشكل طبيعيى ؟؟

**ahmed_abbas** · 10-11-2009 09:28 AM

السلام عليكم و رحمة الله
أولا الزجاج الخلفى فى أى عربية بيكون سيكيوريت غير الأمامى بيكون تريبليكس و ده فى أى عربية حتى المستوردة حسب ما فهمت فبيكون أضعف من الأمامى
واضح إن الصنى محكمة فى القفل فلما الهوا الدخلى بتزيد درجة حرارته بيزداد حجمه و بالتالى بيضغط على الزجاج و طبعا أضعف زجاج هو الخلفى فيستحسن إن الواحد يسيب 2مم من أى شباك للتهوية
الزجاج المصرى راكب فى عربيات كثيرة و مبيعملش مشاكل و ربنا يستهرها مع الجميع و ما تزعلش العربية باردو فيها مزايا كثير
هو انا بس كان موقفى مختلف لأن العربية كانت فى أول أسبوع و عاملة بس حوالى 500ك وكان من حقى إنى أرجعها أو أستبدلها فى 14 يوم و هم فاهمين كده كويس
و ربنا يخلف عليك و يعوضك بكل الخير إن شاء الله و الحمد لله إنها فى الزجاج مش حاجة ثانية