سلاموا عليكوا بص يا باشا انا معايا ابيزا 2009 بس بعد اذنك احب اعلق علي كلامك
بص يا باشا انا شايف ان دي مشكلة بلدنا مش مشكلة العربيةيعني لو انت في اي بلد تانية كان زمانك بتحط 95 او 98 و كان الشكمان مش هايبوظ ومكانتش دي هاتبقي مشكلة بالنسبالك و بعدين في هنا 95 بس اكيد ساعتها ماكنش طلع فا لو الموضوع مضايقك ممكن تركب الكاتلايزر دلوقت و تبدأ تحط 95 بس هو غالي عشان مصر برده
اعتقد ان ده عادي بعد 11 سنة استخدام و ده بكون بسبب انك حملت علي دراع النور مثلا اعدت ترعش كتير او اي حاجة من دي و خصوصا لو مركب زينون و الحركة حصلت معايا في النوبيرا بس بعد سنتين استخدام شوف انت الفرق 9 سنين
اعتقد ان في حاجة معينة رئيسية باظت فا ممكن انت كل مرة بتحل حاجة بسيطة و بتسيب المشكلة الرئيسية او ممكن الكهربائي هو اللي مش بيعملها كويس عشان تروحلو تاني او مش بيحل المشكلة الرئيسية
هي كده من اول ما جبتها ولا مع الاستخدام بقت كده و هل انت مركب جنوط ولا بجنوطها الاصلية
11 سنة يا باشا اعتقد ان خد شمس كفاية تفك اي لزق في الدنيا و تخليه يقب
مااعتقدش ان التابلوه بيتكسر لوحده اكيد في سبب لان لو بيتكسر لوحده مش هايعد 11 سنة و بعد كده يتكسر لوحده
عيب في سلوك البوجيهات اعتقد انها حاجة استهلاكية بتتغير كل فترة اصلا في اي عربية
صندوق التروس الله واعلم بصراحة مش عارف ده ايه
كتييير جدا من العربيات الجديدة وشها فيبر الرفارف الامامية بيكون نوع من الفيبر و ده في البيجو برده كده فا اعتقد ان الصاج افضل مهما كان ضعيف
نيجي بقي للمميزات
ميزة جامدة جدا الثبات الفظيع ده و انا مصدق كلامك لأني مجربه في عربيتي فعلا ماشاء الله ثابتها وهمي بجد
ما شاء الله لا تعليق بجددددددددددددددددد
ما شاء الله ربنا يباركلك فيها انا بجد شايف العربية دي كده تحفة بجد ومعمرة و اعتقد ان مميزاتها كفيلة بانها تغطي علي عيوبها ولا انت رايك ايه يا باشا يعني بغض النظر عن العيوب و المميزات هل انت راضي عن العربية ولا لأ و لو رجعت بيك الايام 11 سنة و انت رايح تشتري عربية هاتشتري الابيزا ولا هاتغير رايك
واسف اني طولت عليك
سامح محمد
المفضلات