¤-¤-¤ شرح طريقة تفعيل الواجهة المحسنة وكيفية استخدام خياراتها ¤-¤-¤

**Nader** · 02-12-2007 08:55 PM

السلام عليكم يا شباب

انا شايف في ناس كتير مش عارفين يستخدموا امكانيات الواجهة المحسنة وفي ناس مش عارفين يفعلوها اصلاً فقلت اعمل لكم الشرح المبسط دة انا كنت كاتبة في رد على موضوع تاني بس قلت اكتبة كلة هنا تاني:)

اسفل الصفحة من ناحية الشمال اختار من القائمة اول خيار وهو لوحة تحكم المستخدم.. ومن لوحة التحكم اختر تحرير الخيارات هتلاقي عدة قوائم اختار من القائمة الاخيرة التي تحمل اسم "الخيارات المتنوعة " من واجهة محرر الرسائل غير الخيار الى الوجهة المحسنة.

بعد كدة لما تيجي ترد هتلاقي في مربع الرد السريع الخيارات بقت اكتر.

شرح الخيارات بمربع الرد السريع:

من اليمين للشمال:

1- حرفين A ومشطوب عليهم .... من خلال الخيار دة تقدر تلغي اي تعديلات انت عملتها على الخط علشان يرجع للديفولت ... كل ما عليك انك تعلم على التكست المطلوب ثم تضغط على الزر دة.

2- B بدة تقدر تعمل الخط عريض كل ما عليك انك تعلم على التكست المطلوب ثم تضغط على الزر دة.

3- I بدة تقدر تعمل الخط مائل وكل ما عليك انك تعلم على التكست المطلوب ثم تضغط على الزر دة.

4- U بدة تقدر تحط خط تحت الكلام وكل ما عليك انك تعلم على التكست المطلوب ثم تضغط على الزر دة.

5- حرف A ومن خلال الضغط على السهم الاسود بجانبة ستتمكن من اختيار اللون الذي يحلو لك .... بعيداً عن اللون الاحمر :) وكل ما عليك انك تعلم على التكست المطلوب ثم تضغط على الزر دة.

6- لادخال لينك

7- لادخال صورة ... دوس علية وحط لينك الصورة علشان تظهر على صفحات المنتدى.

8- الزرار دة لعمل اكواد الاقتباسو كل ما عليك انك تعلم على التكست المطلوب ثم تضغط على الزر دة بشرط ان تقوم مسبقاً بلصق التكست بداخل مربع الرد السريع.

9- ABC دة للتدقيق الاملائي

10- الاسهم لاعلى لتقليص حجم الكتابة عن طريق تصغير حجم المسافات بين الاحرف وكل ما عليك انك تعلم على التكست المطلوب ثم تضغط على الزر دة.

11- A/A ودة علشان تكتب بالاكوادوكل ما عليك انك تعلم على التكست المطلوب ثم تضغط على الزر دة.

في بعض الخيارات الموجودة بالنمط المتقدم "تقدر تدخل علية من الزر الاول من ناحية الشمال تحت مربع الرد السريع" تقدر تغير نوع الخط من الزر التاني من ناحية اليمين بالصف الاول. والزر الذي ياية يمكنك من تغير حجم الخط. الزر السادس لارفاق المرفقات.

الصف الثاني:
من اليمين للشمال:

الزر الرابع لتنسيق الخط للمحازاة ناحية اليمين

الزر الخامس لتوسيط الخط

الزر السادس لتنسيق الخط للمحازاة ناحية اليسار

الزرين السابع والثامن لوضع النص على شكل نقاط او فقرات.

الازرار الـ3 الاخيرة لادراج الاكواد المختلفة.

بس كدة دول اهم الزراير اللي ممكن تستخدموها:).

**OsKaR** · 02-12-2007 09:10 PM

شكرا يا فندم

**Powert** · 02-12-2007 10:40 PM

انت كده انت...انت زي ما اسلام قال.......
يلا هعزمك على باور فاميلي من عند طنط دينا:D:D:D:D

**Nader** · 03-12-2007 12:32 AM

اية يا اسلام الشعر الحلمنتيشي بتاعك دة، انا كدة هخلي باورت يجيبلك معاة باور فاميلي لنت كمان :):):)
============

فهد هو اكيد طبعاً الواجهة المحسنة اكتر بكتير بس اكيد برضة اتقل في التحميل فعلشان نراعي اخونا اللي بيستخدموا الدايل اب علشان يكون اخف بالنسبة لهم، اما اللي بيستخدك dsl فيغير براحتة.