لانسر - صنى - كورسا سيدان

[maka]

بس مش عارف ليه الناس بتعلم على الصنى من غير متقول الاسباب

[Ahmad Allawy]

مش عارف والله..
بس لو كنت انا اعرف عنها حاجة كنت قولتلك..
لكن للأسف العربية عشان مش منتشرة قوي.. يمكن محدش يعرف عنها معلومات كتير..
في واحد معايا ف الشسغل معاه واحدة..
لو عرفت هسألهولك بكرة ان شاء الله..

[maka]

مش عارف والله..
بس لو كنت انا اعرف عنها حاجة كنت قولتلك..
لكن للأسف العربية عشان مش منتشرة قوي.. يمكن محدش يعرف عنها معلومات كتير..
في واحد معايا ف الشسغل معاه واحدة..
لو عرفت هسألهولك بكرة ان شاء الله..

والله العظيم يا باشا انا تعبتك معى انا مش عارف اقولك ايه ربنا يخليك للمنتدى

[Ahmad Allawy]

علي ايه يا باشا..
الشكر لله..
احنا اخوات و ربنا يديم المعروف بيننا دايما ان شاء الله..

[Mustafa_Farouk]

مش بفهم في أي حاجة في الميكانيكا بس أنا بحد الكورسا السيدان دي جامدة جداً وفعلاً أكتر عربية كنت مرتاح فيها، يمكن أكتر من الاسترا دلوأقتي. كان فيه ألفة بيني وبينها.
كانت عجباني في انها عالية عن الارض، كان مفيش أي مطب باحك فيه. هيها كنزة من جوا ومن برا.

[asaber]

انا عن نفسي هتكلم عن العربيه الي معايا
كورسا سيدان موديل 2007
معايا من شهر 6 2006
عامل بيها 52000كم
قطع الغيار افتكر انها مش غاليه زي ما الناس متصوره
فلتر الزيت 14 جنيه
فلتر البنزين من 35 الي 40 جنيه
تيل الفرامل مره جبته ب 220 من مقار
ومرتين من منصور ب 150 بس تقريبا مصري
سير كتينه وسير موتور تقريبا كل واحد ب 120
دي الحجات الي فاكرها دلوقتي وكلها من التوكيل
الكماليات بقي و برضه من التوكيل
نور الضباب 1200 بالتركيب وشامل سوتش كامل للنور جديد الماني عشان يبقي في مكان لنور الضباب
جراب للنضاره الشمس فوق باب السواق 120
مسند يد بين الكرسيين 420
العربيه بشكل عام كويسه بس انا شايف عيوبها انها
1- صوتها عالي
2- عافشتها نشفه
غير كده هي كويسه
و بالنسبه لاستهلاك البنزين استهلاكها معايا 9.7 لتر لكل 100 كم مع الاخذ في الاعتبار ان تقريبا نص الاستهلاك في البلد(القاهره) و النص التاني علي طريق المنصوره القاهره
الي هو اسواء من الزحمه لانك كل ما توصل لسرعه تفرمل عالمطباط
السرعات 140-160
وطبها بعدها فرمله و ابدا من جديد - ورجلي تقيله علي البنزين و العادي نتاعي اني بنقل متاخر... يعني مفيش اسواء من كده
من الاخر لو كانت العزل بتعها احسن و العفشه احن كانت بقت عربيه مفيش زيها (معلش اصل انا الصراحه عزل الصوت بيفرق معايا جامد)
اه نسيت اقول اني مبفتحش الشباك يعني دايما سايق و التكييف شغال( استهلاك البنزين مع التكييف)

[Ahmad Allawy]

تسلم ايدك يا باشا علي التقييم الممتاز..
و اهلا بيك في عائلة اوبل يا باشا.. منورنا والله..

[asaber]

تسلم ايدك يا باشا علي التقييم الممتاز..
و اهلا بيك في عائلة اوبل يا باشا.. منورنا والله..

يا باشا ربنا يخييك دا نورك

[ASKAFRAWY]

عندي نفس العيوب ياباشا
برضه الصوت عالى كنت فاكر معايا بس سالت كذا واحد قالى انه عادى اعتقد من خبرتى انها عشان 8 صبابات فكفاءة المحرك ضعيفة

بالمناسبة نسيت اقولك انى عندي كورسا 2005 بقالها 3 سنين و عاملة 45000كم

وكورسا 95 وبقالها معايا 13 سنة و عاملة 130000كم بس ال 95 بالنسبالى احسن فلى الشد والمناورة وثابتا ثبات ملوش حل على الطريق

الصني افضلهم لأن على حد علمي الموديل اللي انت حاطه للصني
هو الموديل الياباني 100% و 1300 سي سي
و الموديل ده افضل الصني على الاطلاق والله اعلم
وكمان الموديل ده خاي من العيوب تقريبا
افضل في استهلاك البنزين من الموديل التالي له
وكمان في ال 3 سيارات فأن الصني انعمهم عفشه و صوت موتور
انا عن نفسي اقولك انها افضل من اللانسر المكواه ومن الاوبل الكورسا سيدان
انا كمان عندي معلومه مش عارف صح ولا لأ بس هي تقريبا صح
ان الكورسا السيدان هي موتور اللانوس(لاحظ ان الاتنين جنرال موتورز) يعني مش حيكون منطقي تسيب اللانوس زيرو
وتجيبه مستعمل