لانسر - صنى - كورسا سيدان

[maka]

السلام عليكم

انا من اسبوع كنت بقارن بين الفيرنا واللانوس (زيرو) لكن بصراحة

انا مش حببهم ودورت على حاجة تكون فى تمنهم فلقيت

1- لانسر2002 - 2003

2- صنى 2002 - 2003

3- كورسا سيدان 2003 -2004

فكنت عاوز اعرف شوية حاجات عنهم :

1- اسعارقطع الغيار ومدى توافرها

2-البنزين وهل اجيب فيهم ال 1300 ولا 1600 (طبعا مانيوال)

3- سهولة الصيانة(لازم اروح التوكيل ولا الميكانيكى بتاعى يسد)

4- الوسع علشان هتكون لعائلة

5-التوكيل ( من حيث الحدمة الجيدة وميكونش زى غبور)

6-اسعار الصيانه الدورية

وياريت لو حد ليه تجارب معهم يقولها

شكرا وانا عارف انى تعبتكم معى لكن استحملونى

[hazem_khidr]

لانسر افضلهم من حيث الانتشار و اعاده البيع.

[maka]

شكرا لردك استاذ حازم

و ياريت لو حد يعرف انعم عفشة فيهم ايه

[Ramy.Gamal]

اللانسر احسنهم من حيث قطع الغيار و اعادة البيع والوسع وقوة الوكيل

[maka]

هو يا جدعان المقارنة صعبة اوى كده

[ahmad--ezzat]

الصنى من العربيات اللى بجد محترمة ولها ثبات اعلى من الانسر ولكن الكورسا مش عارف

[maka]

طاب محدش جرب الكورسا خصوصا انها احدث منهم

[maka]

تم الحذف لعدم وجود محتوى مفيد
برجاء مراجعة القواعد

الإشراف...

[Ahmad Allawy]

السلام عليكم..
العربيات التلاتة اللي بتقارن بينهم دول كلهم كويسين جدا..
اللانسر.. الشكل ده مش محبوب قوي.. و مش منتشرة..
عيبها.. 1300 سي سي بس..
مميزاتها:
ياباني 100%
قطع غيارها مش عارف متوفرة قوي زي الشكل اللي بعده ولا لأ.. بس بيتهيألي معظمها متشابه معاه
الثبات كويس قوي..
التويكل معرفو و مشهور و مستقر

الصني: اعتقد كانت 1300 برضه بس..
الثبات كويس جدا برضه..
قطع الغيار مش منتشرة زي اللانسر و الكورسا..
العربية ياباني 100%
سعر اعادة البيع مش زي الكورسا و اللانسر.. و مش منتشرة قوي..
التوكيل. مودرن باين.. كويس بس بيتهيألي مش في قوة الرواس ولا توكيلات اوبل

الكورسا بقي و دي انا عارفها كويس..
العربية الماني تقفيل برازيلي.. او مصري.. في منها كده و كده..
الموديل اعلي واحدة..
جودة عالية
توكيلات اوبل مقار و منصور..و الاتنين كويسين..
ثباتها جامد.. و بتجري بطريقة جامدة.. موتور 1600
منتشرة جدا.. و قطع غيارها منتشرة قوي.. مش رخيصة قوي بس مش غالية قوي..
في المعقول يعني..
مساحتها اصغر شوية بسيطة من اللانسر و الصني..
بس حاجة بسيطة قوي..
اعلي علي الارض من العربيتين اللي فاتوا..

نيجي بقي للإختيار:::
الصني الموديل ده مش هتلاقيها كتير..
اللانسر المويدل ده مش هتلاقيها كتير برضه..
الكورسا الموديل ده موجود كتير جدا..

اللانسر و الصني لو لقيتهم هيبقوا ماشيين كم كتير قوي.. يعني فوق ال100 الف وده شبه اكيد..
لكن الكورسا واحد جدا تلاقي منها ماشية كم قليل اقل من ال100 بكتير كمان..
و هتلاقيه بسهولة..
السعر الكورسا اللي انا عارف سعرها.. مش هتزيد عن 62 باي حال..
و اللي بيطلب اعلي من كده بيهرج و سعره مبالغ فيه.. و ده سعر السوق اللي ممكن يكون حاد شوية..
يعني معاك اكتر من كده بالفين مثلا في المعقول و حسب حالة العربية..
و الرقم ده لو 62 يعني يبقي العربية تكون فبريكة برة و جوة و تكون ماشية اقل من 50 الف كم..

اللانسر مش هتكون اقل من 60 الف نهائي..و برضه ده سعر مقارب..
الصني مش عارف بصراحة..سعرها في حدود ايه..

يا رب اكون قدرت افيدك ولو بشيء بسيط..
و استخير و ربنا يقدملك اللي فيه الخير..

[abo samra]

كورسا ايه بس مع احترامى لحضرتك العربيه ضيقه جدا واللى قاعد جانبك بيبقى لازق فيك

[Ahmad Allawy]

والله انا معايا الموديل اللي قبلها اللي هو اصغر منها..
وعلي هذا الاساس حكمت..و العربية واسعه و اللي قاعد ورا اساس بيبقي مرتاح..
مش متخيل ان الموديل السيدان الاكبر من اللي معايا هتكون اضيق..!!
انا ماعرفش.. مركبتهاش غير مرة واحدة..

[maka]

السلام عليكم..
العربيات التلاتة اللي بتقارن بينهم دول كلهم كويسين جدا..
اللانسر.. الشكل ده مش محبوب قوي.. و مش منتشرة..
عيبها.. 1300 سي سي بس..
مميزاتها:
ياباني 100%
قطع غيارها مش عارف متوفرة قوي زي الشكل اللي بعده ولا لأ.. بس بيتهيألي معظمها متشابه معاه
الثبات كويس قوي..
التويكل معرفو و مشهور و مستقر

الصني: اعتقد كانت 1300 برضه بس..
الثبات كويس جدا برضه..
قطع الغيار مش منتشرة زي اللانسر و الكورسا..
العربية ياباني 100%
سعر اعادة البيع مش زي الكورسا و اللانسر.. و مش منتشرة قوي..
التوكيل. مودرن باين.. كويس بس بيتهيألي مش في قوة الرواس ولا توكيلات اوبل

الكورسا بقي و دي انا عارفها كويس..
العربية الماني تقفيل برازيلي.. او مصري.. في منها كده و كده..
الموديل اعلي واحدة..
جودة عالية
توكيلات اوبل مقار و منصور..و الاتنين كويسين..
ثباتها جامد.. و بتجري بطريقة جامدة.. موتور 1600
منتشرة جدا.. و قطع غيارها منتشرة قوي.. مش رخيصة قوي بس مش غالية قوي..
في المعقول يعني..
مساحتها اصغر شوية بسيطة من اللانسر و الصني..
بس حاجة بسيطة قوي..
اعلي علي الارض من العربيتين اللي فاتوا..

نيجي بقي للإختيار:::
الصني الموديل ده مش هتلاقيها كتير..
اللانسر المويدل ده مش هتلاقيها كتير برضه..
الكورسا الموديل ده موجود كتير جدا..

اللانسر و الصني لو لقيتهم هيبقوا ماشيين كم كتير قوي.. يعني فوق ال100 الف وده شبه اكيد..
لكن الكورسا واحد جدا تلاقي منها ماشية كم قليل اقل من ال100 بكتير كمان..
و هتلاقيه بسهولة..
السعر الكورسا اللي انا عارف سعرها.. مش هتزيد عن 62 باي حال..
و اللي بيطلب اعلي من كده بيهرج و سعره مبالغ فيه.. و ده سعر السوق اللي ممكن يكون حاد شوية..
يعني معاك اكتر من كده بالفين مثلا في المعقول و حسب حالة العربية..
و الرقم ده لو 62 يعني يبقي العربية تكون فبريكة برة و جوة و تكون ماشية اقل من 50 الف كم..

اللانسر مش هتكون اقل من 60 الف نهائي..و برضه ده سعر مقارب..
الصني مش عارف بصراحة..سعرها في حدود ايه..

يا رب اكون قدرت افيدك ولو بشيء بسيط..
و استخير و ربنا يقدملك اللي فيه الخير..

شكرا لردك الوافى يا باشا مهندس احمد وانا اسف انى اتخرت عليك

بس والله بسبب المشروع

وانا فى الاول كنت متحيز لللانسر بس بعد معرفت انها كربياتر وانها

نزلت سنتين بس شلت من ناحيتها وفضلت الكورسا عليها

[Ahmad Allawy]

انا مكنتش اعرف بقي علي فكلاة انها كاربيراتير..
كده يبقي زي الكريستاله بالظبط.. مفرقتش تقريبا غير الشكل..

لأ كد لو الوسع الداخلي مش هيفرق معاك قوي يبقي فكر جديا في الكورسا..
وحاول انك تجربها برضه عشان تبقي مرتاح نفسيا قبل ما تشتري.. و تشوف بعينك الوسع و القعدة و كده..

[maka]

انا مكنتش اعرف بقي علي فكلاة انها كاربيراتير..
كده يبقي زي الكريستاله بالظبط.. مفرقتش تقريبا غير الشكل..

لأ كد لو الوسع الداخلي مش هيفرق معاك قوي يبقي فكر جديا في الكورسا..
وحاول انك تجربها برضه عشان تبقي مرتاح نفسيا قبل ما تشتري.. و تشوف بعينك الوسع و القعدة و كده..

هى لانسر واسعة اوى كدهاوى كده؟؟؟؟؟

انا ركبتها مع واحد صاحب صاحبى وكونا 4 وقعدين كويس

[yahyanaabil]

انا رأى تكلع الكورسا بره الاختيار خالص لعده اسباب
1- قطع غيار غاليه وده عاده الالمانى
2- حريقه بنزين بتاخد بنزين اكتر من اللانوس
3- مش ثابته خالص ( اعرف شكره جابت للمندوبين اوبل كورسا فى خلال سنه تم تدمير 7 عربيات)
4- عربيه ضيقه جدا
انا ارشحلك الصنى لان شكلها اظرف من اللانسر
اللانسر والصنى عربيتين شبه بعض قوى مفيش بينهم فروق جوهريه