لكل من يقارن الانسر 2007-2008 بالالنترا 2007-2008

[mohamedway]

يعنى معنى كده ان الالنترا ال1600 متقفلش العداد 2000 سىسى بس اللى تقفله طب ليه وبعدين لو سمعت صوت الراديو فى العربية هتلاقيه اغانى عربى يعنى مش مدفوع حاجة ولا اعلان حتى او اى حاجة

نصيحه ماحدش ياخد الفيديوهات ده مصدر ثقه و التجربه العمليه اللى بتحكيها الناس أصدق من الفيديو.

[mohamedway]

انا ممكن ارفع عجله عربيتى بكوريك و أدور العربيه و اعشق و اجيب 220 كم/س و العربيه و اقفه و طبعا هتجيبهم و بعدين اصور العداد و انزل الصور و الفيديو.

[limo]

لأ العفشه مش واحد و حضرتك محتاج تسأل عشان تتأكد من معلوماتك (العفشه واحده شكلا فقط لو نزلت تحت العربيه لكن مواصفات امتصاص الصدمات للسوست و المساعدين بتختلف)

و بكرر المصرى عفشه رياضيه و اكثر ثباتا من الخليجى وده معلومه اكيده

بصراحه مش عارف
بس كلام البشمهندس طارق نيابه عن التوكيل ان الاثنين عفشه واحده
حضرتك ممكن تتأكد بسؤال عندنا فى قسم المتسوبيشى

انا معايا خليجى هاف سبورت والعربيه ثابته على الطريق وفى نفس الوقت العفشه ناشفه مش طريه
يمكن العربيات الخليجى اوطى شويه من المصريه

[sameh.acc]

حضرتك يا استاذ ماندو العربية الالنترا اللى مقفله دية اساسا 1600 ودة الفيديو اللى حضرتك ممكن تتأكد منه مكتوب ع الجنب فى ال video information انها 1600 مش 2000 وصاحبها مش محتاج يكذب يعنى وكل مالك من ملاك العربية ممكن يقولك قد اية الالنترا لو عايزة تقفل هتقفل المشكلة الشوارع والطرق السريعة بتاعة مصر متستحملش الكلام دة وعلى فكرة برضة احنا معانا الفيات اونو 2007 ال 1300 سى سى (1248 سى سى بالظبط) ومقفلين بيها عدادها 200 بالظبط على طريق العين السخنة يبقى حضرتك مش عايز الالنترا ال 1600 توين كام وال 122 حصان تقفل عدادها دة يبقى حتى حرام :D

http://www.youtube.com/watch?v=ftrzgXAsZX4&feature=related

ومعلومه لحضرتك الالنترا ال 1600 من صفر الى 100 كيلو فى 10.6 ثانية ,,,,
اما الالنترا ال 2000 سى سى من صفر الى 100 كيلو فى 7.6 ثانية ,,,,,

[sameh.acc]

ودة فيديو تانى اهداء لحضرتك ولاستاذ mohamedway :

الالنترا الاتوماتيك جايبة 210 :

http://www.youtube.com/watch?v=DQmslY58EMI&feature=related

يبقى حضرتك مش عايز المانيوال منها يجيب 220 ويقفل عداد ولا دية كذب برضة ومش واقع عملى ياريت حضرتك تشوف العربية طلعت فى الفيديو دة الى 210 بسرعة ازاى علما بانها اتوماتيك :

http://www.youtube.com/watch?v=ftrzgXAsZX4&feature=related

.................................................. ........................

[ewermido]

استاذ سامح
عربيتك مصرى ولا خليجى؟
وياترى حضرتك شايف ان الخليجى ممكن يكون فيه عيوب صناعه وابعد عنه ولا ايه؟

[abo samra]

http://www.youtube.com/watch?v=DQmslY58EMI&feature=related

العربيه دى جابت 205 بس يبقىالمانيوال ممكن لحد 208 او 210 كمان

[goodman]

استاذ سامح
عربيتك مصرى ولا خليجى؟
وياترى حضرتك شايف ان الخليجى ممكن يكون فيه عيوب صناعه وابعد عنه ولا ايه؟

أخي الفاضل
آسف للمداخلة، لكن إسمح لي بالرد عليك في هذا الخصوص. فأنا عربيتي إلنترا 2008 خليجي أتوماتيك ... وكان لدي قبلها لانسر خليجي سبورت كاملة أتوماتيك ... وأنا أتفق مع آراء الأخوة اللي بيأكدوا تفوق الإلنترا على اللانسر وذلك من واقع تجربتي الشخصية ... وعلى فكرة الإلنترا الخليجي إللي معايا من شهرين لم تظهر بها أي نوع من عيوب التصنيع حتى هذه اللحظة ... وبحمد الله ... توكل على الله ... السيارة تحفة ... وكل عام وأنتم بخير

[ewermido]

شكررا يا goodman على ردك بس حضرتك شايف ان النترا فى موضوع اعاده البيع هتكون مطلوبه وبسعر معقول زى لانسر؟؟

[sameh.acc]

فعلا الخليجى مش وحشة لكن حسب ااحظوظ يعنى ممكن تبقى كويسة جدا وممكن يكون فيها عيب يعنى فيها جزء من المجازفة ,,, الالنترا فى موضوع اعادة البيع او الهيونداى بوجه عام سوقة ماشى جدااااا يمكن سوقة بقى اكبر من سوق اليابانى نظرا لتعدد موديلات الكورى اللى فى السوق وبوجة عام اعادة البيع بتاعتها كويسة وحضرتك تقدر تتأكد من مواقع بيع المستعمل فى الخصوص دة زى www.contactcars.com او www.car100100.com

[beebahly]

الالنترا عربية محترمة وكل حاجة بس كمان انا معايا لانسر 1600 وبصراحة العربية مكسفتنيش في ملف او في شدة
ولو حد هنا اسكندراني وعارف ملفات البحر في مناطق معينة بتكون عاملة ازاي
وعلى فكرة لو صحاب اللانسر متحيزين لها ده اكيد مش من فراغ
اكيد عربيتهم مريحاهم وموضوع الصالون واسع بيتهيألي صالون اللانسر واسع يعني مهو انتو برضو متحسسوناش انها 127
ولعلمك بقى اللانسر بتنزل في نيد فور سبيد والالنترا لا :)

[elshaba7]

انا ممكن اوافقكو على ان الفرق بين الكوري والياباني بسيط او شه معدوم عموما
لكن الا في المواتير الفرق شاسع
الالنترا موتورها 1600 dohc يعني 2 كامة وكمان تكنولوجيا cvvt اللي هيا بتاعت حساس الv_tec
البوما بقى موتورها 1600 مش dohc يعني كامة واحدة وكمان مش mivec اللي هوا حساس v_tec
ورغم كده الفرق اللي بينهم لو كان لصالح الالنترا يعني فهوا فرق بسيط مش مرعب جدا زي ماالمفروض يكون
غير كل ده بقى
انا معايا كريستالة مسقط فيها موتور 1500 2كامة ومش بتكنولوجيا الmivec
وبطلع من الالنترا !!!!!!!

[khaledmekawy2008]

انا كنت عاوز ازود حاجة بسيطة وعاوز برضه حد يعلق عليها اللانسر الخليجى موتورها اشد من الالنترا مع انى كنت فى الاول مقتنع ان الالنترا موتورها اشد لكن اكتشفت الفرق ده فى سحبه االللانسر الخليجى عن المصرى وعاوزين حد يوضحلنا الفرق

[Samah AbdAllah]

شكرا عالمقارنة الجميلة والاتنين حلوين

ومالها الهيونداى بس ماهى مع ناس كتير ومحقق انتشار كبير فى مصر