إعـــــــلان

Collapse

.

,
See more
See less

لكل من يقارن الانسر 2007-2008 بالالنترا 2007-2008

Collapse
X
 
  • Filter
  • الوقت
  • Show
Clear All
new posts

  • لكل من يقارن الانسر 2007-2008 بالالنترا 2007-2008

    ياجماعة للى بيقارن الانسر 2007-2008 الشكل القديم بالالنترا 2007-2008 الحمدلله انا من ملاك الالنترا و برضة ركبت الانسر وقارنت بينهم . الالنترا تتفوق ع الانسر فى عدة نقاط اهمها :

    # الثبــــــــات : فى الالنترا اعلى بكتيييير من الانسر السبورت وغير كدا مع ان العفشة سبورت برضة بس انعم من عفشة الانسر انا كنت بدخل بيها ملفات مصر اسكندرية الصحراوى على 130-140 والله العظيم واللى كانوا معايا نايمين ولا حاسين بحاجة علما بان السرعة القصوى اللى جبتها بيها هى 180 وفاتح التكييف والعربية راكب فيها 4 ولسة فيها كتييييرر ولا عزاء للانسر بعد 160 ( انا بتكلم ع الستاندرد مفيش حد يجى يكون مجنط او مغير عفشة ويقولى ياعم دية قنبلة فى الثبات اكرر انا بتكلم ع الستاندرد فى الاتنين )

    # الأدااااااء : السحـب والتسارع للالنترا اكتر بكتييييييييير برضة من الانسر علما بان تسارع الالنترا من صفر الى 100 كيلو فى 10.6 ثانية يعنى انا مشوفتش عربية فى الفئة دية اسرع من كدا خصوصا الانسر الشارك الجديدة انا سمعت واكرر انا سمعت انها فى 12 ثانية بالنسبة للمانيوال ودة دليل موقع ويكيبيديا :

    Hyundai Elantra 2008 performance
    1.6L DOHC engine 121 hp 0-62 mph: 10.6 sec., top speed: 118 mph (190 km/h) MT.


    #الامـــــــــــــــان : اللى بيقول متانة الصاج هعمل اية بمتانة الصاج ع السرعات العالية فى الحوادث الجامدة لاقدر الله كلو بيتعجن الاولى اننا نقول الامان وقدرة العربية انها تطلع اللى جواها سليم باذن الله فى المواقف دية ودية برضة بتتميز بيها الالنترا واخدة فى اختبار الحوادث EURO NCAP خمس نجوم للتصادم الامامى و 4 نجوم للتصادم الجانبى فى حين ان الانسر واخدة 4 نجوم لتصادم الامامى و نجمتين للتصادم الجانبى بتقييم poor ودية الفيديوهات من يوتيوب بتاعه crash test

    لانسر تصادم امامى http://www.youtube.com/watch?v=QAGBbrb4JS0
    لانسر تصادم جانبى http://www.youtube.com/watch?v=6G3wsgLTK-Q
    النترا تصادم امامى http://www.youtube.com/watch?v=KnY9JSg-VQM
    النترا تصادم جانبى http://www.youtube.com/watch?v=97TdFiY3mjk

    # الشـــكل الذى لايختلف عليه اثنين الالنترا كشكل خارجى وفخامة الصالون الداخليه الى بيعتبر من اريح واوسع الصالونات فى فئتة هو والكورولا الشكل السابق للشكل الحالى . والتابلوه والعدادات المريحة للاعصاب والشنطة الاوسع فى فئتها عن الانسر .

    # المـــوتور اللى برضة بيتميز عن الانسر بانة تكنولوجيا اعلى و صوت اهدا بكتييرررررر وتسارع جبار لكن بصراحة مش موفر فى البنزين ودية نقطة من عيوب الانترا انها مش موفرة فى البنزين فى حاله الشد والحرق عليها لكن فى السواقة الهادية بنت حلال
    انا عارف اية اللى هيقوله اصحاب الانسر هيسيبو كل حاجة ويقولولى الاعتمادية والعمر الافتراضى ياجماعة معاكم ان الانسر معمرة بس انتوا شفتوا الالنترا هتبقى معمرة ولا لا العربية لسة جديدة طيب ماهى من سنة 2007 شغاله كويس وفى الشارع وهما ماشيين متعرفش تفرق موديلات 2007 من 2008 من 2009 حتى وبرضة نرجع نقول العربية لسة جديدة علشان نحكم انهى معمر اكتر ...

    # الفرامـــــــل : وماأدراك مافرامل الالنترا بشهادة كل اللى ركبوا العربية الفرامل حساسة اوى وبتمسك كويس لدرجة انى بخاف ان التيل والكاوتش يتاكل بسرعة واللى مش متعود عليها هيتنرفز اوى منها عقبال مايتعود عليها .

    انا اهو ياجماعة جايبلكم كل الكلام بخبرات شخضية عن تجربة للعربيتين و معلومات من مواقع موثوقة جدا جدا يعنى لا يوجد اى مجال للفتى واللى هيقاوحنى بقى من اى مالك من ملاك الانسر ميكلمنيش الا لو كان ركب الالنترا زى مانا ركبت الانسر ساعتها نقدر نتكلم مع بعض واللى هيهاجمنى بقى زنبو على جنبو اهوه بقى ههههههههههه واللهم انى صايم برضة زيادة امان :D
    [COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
    [/SIZE][/URL][/B][/COLOR]

  • #2
    كلام حضرتك ده جميل جدا .. ربنا يخليك
    بس حاسب بقى حضرتك عشان المنتدى كله بيكره هيونداى و مش هتعدى بالساهل انك تقول كلمة حلوة على هيونداى .. لازم تشتم فيها عشان الكل يحترمك
    كويس ان مفيش حد رد لحد دلوقتى لان الاعضاء الكرام لما يقرأوا الموضوع مش هيسيبوك فى حالك لحد ما يكرهوك فى النترا
    [FONT=Arial Black][SIZE=5][COLOR=darkred]Be satisfied with your life and know your limits well[/COLOR][/SIZE][/FONT]

    Comment


    • #3
      يا عم مفيش الالنترا عربية جميلة وكل حاجة
      بس أنا ليا صحابى عندهم وبيقولوا معاملة التوكيل زى الزفت
      بالنسبة للامان فالانترا اللى اتعملت بيها الاختبارات دى فيها وسائد هوائية وايه بى اس
      ودى بتنزل فى الالنترا فى اعلى فئة يعنى مع الجنوط وفتحة السقف
      ودى نادرا ما باشوفها صراحة
      [SIGPIC][/SIGPIC]
      السيد اسماعيل هنية رئيس الوزراء الفلسطينى

      Comment


      • #4
        شكرا يا استاذ Alivara ربنا يخليك الحق يقال ودة مش مجرد رأى لا الحاجات دية عن تجربة فعليه مش فتى يعنى اللى هيهجم بالكلام يكون جاهز ومجرب الاتنين بقى وانا مستعد لاى هجوم بس اللى هيهجم بجد بدون سابق تجربة زنبة على جنبة وانا مستيى بعد الفطار بقى ههههههههههه :d ,, للاسف مفيش حد هيقدر يكرهنى فيها لان والله العظيم من كتر منا مقتنع بيها لو رجع بيا الزمن هجيبها تانى العربية ماشاء الله الاقبال بيزيد عليها وبقت منتشرة فى الشوارع اوى :)
        [COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
        [/SIZE][/URL][/B][/COLOR]

        Comment


        • #5
          كلام صح يا حسام ان مفيهاش ايرباجز ودة زية زى اى عربيات بتنزل تبع توكيل مش كويس زى غبور وفعلا التوكيل مش حلو فى اغلب فروعة بس الاحسن تبقى تقول لصاحبك يروح توكيل قليوب المعاملة هناك معقولة شوية .. لكن برضة الانسر اول موديل مبينزلش بايرباجز يعنى هى هى وسيبك من فرامل الاى بى اس دة كراش تست يعنى لازم يلبس علشان يشوف قوه العربية بس نصيحة حضرتك اركبها من صاحبك وشوف فراملها وتعالى قولى اية رايك اما موضوع الجنوط دة انا هسيبك تحكم انا الموديل اللى بدون جنوط مانيوال وثباتها كدا تخيل بقى حضرتك الموديل ابو جنوط الثبات هيبقى عامل ازاى ;) صح ولا لا
          [COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
          [/SIZE][/URL][/B][/COLOR]

          Comment


          • #6
            شكرا على التقييم وانا لما كان معايا لانسر الرياضيه البومه كنت بقول اللالنترا احسن منها كله يقولى انت بتقارن عربيه كورى بيابانى لا مينفعش
            ابصم بالعشره اللالنترا افضل
            بس حتة التسارع دى اللانسر اسرع على الاقل لحد 140
            [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

            Comment


            • #7
              بس انا شايفك متحيز جدا للالنترا

              يعني مطلعتش فيها عيب

              و بصراحة انا مسقتهاش , بس عن تجربة اللانسر لا كلام عليها
              فعلاعربية محترمة في ثباتها وفراملها كويسة جدا

              و على اد ما الطبلوه بسيط جدا لكن بلاقي فيه اناقة البساطة مع العلم انه عندي Citroen بطابلوة بطابع تكنولوجي جدا

              و عزلها حلو جدا كمان , مشكلتها فعلا انه لما بتقرص على الموتور صوتها عالي

              يمكن عيوبها العفشة نشفة لكن تحس انها بتستحمل المطبات , و تسارعها مش ملحوظ بسبب CVT لكن فعلا هي بتجري كويس

              و على فكرة تقريبا مفيش عربيات بتنتج حديثة صاجها قوي, فالفرق ما بين ياباني و كوري اساسا هو اتقان في العربية مش العربية نفسها

              Comment


              • #8
                والله حضرتك للاسف الشعب المصرى ساعات بتقفل معاه ويقاوح عن جهل لا وكمان بيحلف لو اضطر دلوقتى فعلا عن تجربة مفيش فرق جوهرى اوى بين الكورى واليابانى دة نصيب ومحافظة ان العربية تعطل او لا او تبقى معمرة او لا والتقفيل الكورى بقى مالوش حل برضة حضرتك انا باب الالنترا فكيت الفرش بتاعة من جوا عند السمكرى اقسم بالله لو حضرتك شوفت تقفيل الباب من جوا لتقول عليها عربية المانى والله غلطتى انى نسيت اخد صورة واوريها للناس اللى بتتكلم عن تقفيل الكورى ,,, اما بالنسبة للتسارع حضرتك شوف فوق الالنترا من صفر الى 100 فى 10.6 ثانية على عكس الانسر اظن فى 12 ثانية بس مش متأكد التسارع بيرجع لعوامل كتييير منها درجة مقاومة الهواء و نعومة الاسفلت وعدد الركاب فى العربية
                [COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
                [/SIZE][/URL][/B][/COLOR]

                Comment


                • #9
                  صراحة انا ماجربتهاش
                  بس هجرب الفرامل واقولك
                  حكاية الثبات انت ادرى لانى معرفش عن ثباتها حاجة فعلا
                  انا كنت بقول الموديل العالى هو اللى فيه الجنوط
                  وألف شكر على حكاية توكيل قليوب دى
                  [SIGPIC][/SIGPIC]
                  السيد اسماعيل هنية رئيس الوزراء الفلسطينى

                  Comment


                  • #10
                    والله يا dynamic alpha انا مجرد ببين نقاط تفوق الالنترا على الانسر بس والله فعلا مش متحيز على الرغم ان الناس هيقولوا انى بدافع عليها علشان عربيتى لكن العكس والله انا العربية عامل بيها 7 الاف كيلو لحد دلوقتى ومفيش عيب واجهنى الا استهلاك البنزين من بعد صيانه ال 5 الاف سحب العربية بقى احسن والتكييف بقى احسن لكن البنزين بقى بيسحب جدااااااااااا خراب بيوت لسة هروحلهم تانى بيها وفعلا مافيش عربيات جديدة صاجها كويس لانهم بيهتموا بتشتييت الصدمة عن الكابينة وليس الحفاظ على مظهر العربية بعد الحادثة
                    [COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
                    [/SIZE][/URL][/B][/COLOR]

                    Comment


                    • #11
                      الكلام ده أنا جربت الكثير منه بالفعل

                      و مقتنع تماما ان الانترا تكسب اللانسر في الفئة دي

                      ده غير حاجة عجبتني في الالنترا الخليجي قوي

                      الفرامل اللي ورا ديسكات مش درمز
                      [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                      Comment


                      • #12
                        مفيش مشكلة جرب وقولى ولو احتجت حاجة ياحسام فى توكيل قليوب انا كنت اعرف صنايعنى هناك اسمه مصطفى هو شاب بس جدع لو عايز رقمه ابقى قولى هو خلانى انزل تحت وفضلت واقف شوية جنب العربية اقول للى شغال فيها تعليقاتى عليها واتابعة مع انه ممنوع بس اساسا كدا كدا لو عليت صوتك هناك واتلككت باى حاجة هيدخلوك :d
                        [COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
                        [/SIZE][/URL][/B][/COLOR]

                        Comment


                        • #13
                          على فكرة يا استاذ احمد الالنترا كل موديلاتها الفرامل الامامى والخلفى بتاعتها ديسكات زى العربيات الفئة العاليه وديه ميزة حلوة برضة فيها
                          [COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
                          [/SIZE][/URL][/B][/COLOR]

                          Comment


                          • #14
                            اشتريت السوناتا مرة موديل 2000 جنوط وجناح 6 سلندر وبعتها بعد اسبوعين يا عم اية الكلام دة لايوجد ثبات ولاشئ تمر من جانبى عربية نقل ببقى مش عارف السيارة حاتروح فين بعد سرعة 120 سلم يارب وامسك الدريكسيون بكل قوة اليدين للتقيم انا لايمكن اشترى هيونداى تانى ابدا ابدا ابدا العيوب ماقدرش اقول غير ذلك لانى خوفت على حياتى منها وبعتها بسرعة روح منتدى الكورى وقول الكلام ده انا اعتبرة تقيمم غير صادق وغير مخلص منك

                            Comment


                            • #15
                              يا استاذ Gomha انا هضلل حضرتك ليه بعدين مش كل عربيات هيونداى زى بعضها مافية الفيرنا وفية الجيتز وفية السوناتا الجديدة والسنتا فى الدفع الرباعى وفية الجينسيس الجديدة اللى تفوقت على البى ام والليكسس فى بعض اختبارات الامان وحضرتك تقدر تراجع الموضوع المدعم بالأدلة فى منتدى الهيونداى وبعدين العربية بتاعة حضرتك موديل 2000 يعنى تكنولوجيا قديمة اساسا هيونداى مبدأتش تتقدم الا عن قريب وبدأت تهتم بعفشة العربية فى بعض الموديلات يعنى الالنترا كمثال المساعدين بتوعها مساعدين غاز والكاوتشات 15 185-65 على ما افتكر والتكنولوجيا بقت اعلى وبعدين ممكن حضرتك تكون جايبها فيها عيب صناعة لو جديدة او يكون فيها حاجة لو حضرتك جايبها مستعملة مش شرط
                              اكيد حضرتك ليك حق تاخد بكلامى او لا لكن ان حضرتك تتهمنى انك بضلل الاعضاء او بانه تقييم كدب وغير صادق دية مسمحش لحضرتك بيها الكلام اللى بنقولة مش لعب عيال دة عن تجربة
                              (((((((( وما يلفظ من قول إلا لديه رقيب عتيد ))))))))
                              [COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
                              [/SIZE][/URL][/B][/COLOR]

                              Comment

                              Working...
                              X