معايير عملية و فعالة لمقارنة الموديلات

[tata12001]

موضع ممتاز، وياريت يتثبت

[ahmedlr]

اسمحلي انت مسقتش العربيه دي من اساسه و يمكن مقعدتش فيها كمان

ماشي يا باشا انا كذاب و مسقتهاش ...
قلنا انت رايك بس بشكل عملي و بدون تجريح في اراء حد ...

ولاحظ اني لما قولت ان العربية تاخد 6/10 مؤكد جربتها في ظروف كتير و علي سرعات وطرق مختلفة اكيد اكتر من مجرد انك

جربت العربيه مرتين اوتوماتك و مره مانيوال

و ايضا لاحظ اني بتكلم عن معيارالثبات وده بيضم موديلات كتير جدا منها مثلا السوبارو امبريزا و راي انها تاخد 8/10 و ايضا الفيرنا ورأي انها تاخد 4/10

و بالنسبة لمعيار الامان خد عندك الفورد فوكس و انا رايي فيها 9/10 و ايضا الجيتا و رايي فيها 8/10 .

و بصفة عامة ده رايي .. و كل واحد هنا بيقول رايه .

قول رايك في شكل ارقام ... و سيب الناس تحكم و بلاش تعصب غير مبرر

[amir]

طيب انا هجيب اصحاب الجين
هما بقي ساقو العربيه بدل المره مرات
و يمكن اكون غلطان و العربيه متسواش و ساعتها اكيد هدعيلك من قلبي لأني ببيع الصني و ان شاء الله اشتري جين
انما كلمه مني ليك علي بال ما ملاكها نفسهم يردو علي نقاطك
ازاي بتقارن عربيه ب 80 الف و شويه بعربيات ب 140-170 الف؟
و عموما انا مفيش تار بايت بيني و بينك علشان اتعصب و اتنرفذ
اطلاقا
بس المشكله ان كلامك عليها عكس ما يقال تماما و عكس اللي شفته بنفسي
قوللي انت اصدق ملاكها في المنتدي و اصدق نفسي معاهم ولا اصدق كلامك
عموما انا بعتذر ليك لغلطي في شخصك
و هاستني ملاكها يردو عليك بالارقام و كافه اوجه الاثباتات
كويس كده؟

اولا : انا مقلتش خالص ان العربية متسواش بالعكس

مثلا.. انا رايي فيها ان

القيمة بالنسبة للسعر 7.5/10

وده رقم انا مديهوش بسهولة للجيتا ولا للفورد

اللي حضرتك بتقول عليهم

ازاي بتقارن عربيه ب 80 الف و شويه بعربيات ب 140-170 الف؟

الهدف هنا هو الوصول لمعايير مقارنة فعاالة تنفع الناس ... مش التشكيك في ارقام خاصة بعربية او اكتر من وجهة نظري.

و بعدين يا سيدي .. اعتبرني صعب الارضاء : )
ها قوللي .. في معيار تاني انت شايف اننا محتاجين نزودو ؟؟

[momenhamdy]

طيب انا هجيب اصحاب الجين
هما بقي ساقو العربيه بدل المره مرات
و يمكن اكون غلطان و العربيه متسواش و ساعتها اكيد هدعيلك من قلبي لأني ببيع الصني و ان شاء الله اشتري جين
انما كلمه مني ليك علي بال ما ملاكها نفسهم يردو علي نقاطك
ازاي بتقارن عربيه ب 80 الف و شويه بعربيات ب 140-170 الف؟
و عموما انا مفيش تار بايت بيني و بينك علشان اتعصب و اتنرفذ
اطلاقا
بس المشكله ان كلامك عليها عكس ما يقال تماما و عكس اللي شفته بنفسي
قوللي انت اصدق ملاكها في المنتدي و اصدق نفسي معاهم ولا اصدق كلامك
عموما انا بعتذر ليك لغلطي في شخصك
و هاستني ملاكها يردو عليك بالارقام و كافه اوجه الاثباتات
كويس كده؟

[gdwl]
يا دكتور امير الحرية مطلوبه في كل مجالات الحياه و مفيش مانع ان احد الاعضاء وواحد من ملاك الجين 2 يكون مختلف عليها دا عادي جداًجداً ...........
الفكره كلها ان الراجل شايف ان العربيه قيمتها غير مناسيه للطرق المصرية و مع ظروف سواقته للعربيه مش مدياله الي هو عوزه ودا من حقه ان يقول رأيه بكل وضوح حتي لو اختلفنا معاه ...... [/gdwl]

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ
[gdwl]بس السؤال الاهم و الي حوجه للاستاذ احمد صاحب التقيم الخاص بالجين2

طب هو ليه حضرتك صابر علي العربيه يعني ليه بدل انك شايفها معادله فاشله او سلعه غير محققا لاهدافها ( و طبعاً الكلام دا من وجه نظرك الي لازم تحترم )
ليه مبعتش العربيه لغايت النهارده و صابر انك تركب عربيه مش عمليه بالنسبه لحضرتك
ارجو التوضيح .......

وتقبل تحياتي
[/gdwl]

[Ayman_52]

موضوع فعلا مميز ....

---------------
تقييم للجين2 2009
---------------

الثبات عالطريق و امكانية المناورة ...... 10/10 (اركبها وهتصدقنى)

التسارع .... 8/10 (فى الاوتو بس)

التجهيزات الداخلية و فخامة المقصورة.....8/10 (لو اتضبطت النقطه دى هتبقى كامله الاوصاف)

الامان .....10/10(قولى عربيه تانيه بالسعر دا وفيها عوامل الامان دى-2ايرباج ... abs...ebd... دا غير ان فيها تفاصيل كتير عوامل امان للاطفال ... زى ان السنتر بيقفل لما بتنزل الهاند ... ابواب الكنبه ليها قفل عشان مايفتحش من جوا .....)

المساحة الداخلية للركاب....10/10(انا بقارنها بنفس فئتها)

الاستهلاك النسبي للوقود....حسب استخدامك (يعنى هتمشى مضبوط من غير حرق استهلاكها مايقرب للسيارات الـ1300 ... عاوز تحرق وتعدى العربيه مش هتقولك لا وهتعديلك من اجدعها عربيه)

القيمة بالنسبة للسعر....10/10(امكانيات امكانيات امكانيات)

متوسط تكلفة الصيانة...8/10(اسعار صيانتها ارخص او زى اى توكيل ... بس النقطه ان المفروض تكون الصيانه على قد مبلغ العربيه ... يعنى ماشتريش عربيه بـ90 ... وتدفعلى صيانات زى عربيات اغلى منها )

مدي ملائمة العربية للطرق و الاجواء المصرية....8/10(فى مصر العفشه الناشفه ممكن تكون عائق بالنسبه للناس .. ودا طبعا عشان شوارعنا ... والجين هتاخد اعلى حاجه منها فى الطرق المفتوحه)

--------------------

بس كان ليا طلب لاستاذ/احمد ... صاحب تقييم الجين .... انو قايل عربيتو 2006 ...

فياريت يوضح ان دا كان اول انتاج للعربيه ... وكان مليان مشاكل مقارنه بانتاج الان

وياريت تبقى المقارنه فى نفس الفئه السعريه ... يعنى ايه تقولى اصلى بقارنها بالفوكس والجيتا؟؟؟؟

ياريت حضرتك تفتح اى موضوع شخص فعلا بيعمل مقارنه ... وهتلاقى انو كاتب السعر فى اولى خانات المقارنه...

---------
د/امير .... ياباشا ماتزعلش نفسك ... كل واحد ليه وجهة نظر ...


بس اللى يًًَُصبر على عربيه 4سنين اكيد مش لاقى حاجه هيعرف يركبها بعدها ... ولا ايه؟؟؟؟

---------

تحيــــــــــــــاتــى

[amir]

د/امير .... ياباشا ماتزعلش نفسك ... كل واحد ليه وجهة نظر ...

ياسيدي انا مش زعلان
هو قال اني بتكلم بحده و بعد ما قريت كلامي رديت و اعتذرت عن غلطي في شخصه
لكن لسه برضو بفكر يعني الموضوع الراجل مشكورا عامله علشان الاعضاء يثبتو عوامل للمقارنه بين العربيات
و قايل كلام زي الفل
و لسه هدوس شكرا جنب اسمه لاقيته حاطط تقييم للجين بتاعته
جيت اقرا التقييم احس اني بقرا عن عربيه تانيه
اجي اقول رأئي في الكلام المكتوب الاقيه زعل
اعتذرت عن غلطي في شخصه لكن كلامه مش قادر اقتنع بيه
طيب دي وجهه نظر و حريه شخصيه برضو لكن في نفس الوقت بيقول اني مينفعش احكم علي العربيه من ركوبه او اتنين قلت ماشي اجيب ملاكها يتكلمو بالارقام و الاثبات
لكن مينفعش نقارن بين وزن يشيله عيل صغير و بطل كمال اجسام
و ازاي يعني بقي نتغاضي عن السعر يا استاذ احمد؟؟؟؟
ماهو في عربيات مش بقي ب 100 و 200 الف
في عربيات كتير تمنها بيعدي النص مليون جنيه مصري مستريح
ينفع نقارنها بقي بالعربيات اللي احنا و انت راكبينها؟
مينفعش استاذي الفاضل اطلاقا
مقارنه يبقي بنثبت كافه العوامل و بنغير عامل واحد فقط
و جرت العاده ان الواحد بيفاضل بين العربيات اللي ممكن يجيبها علي اساس الفلوس اللي في جيبه مش العكس
لو كده بقي يبقي النهارده الصبح كل مصر يا اما هتركب بي ام و مرسيدس و بورشه و باقي الماركات الخرافيه و نحرق عربياتنا كلها ببنزين 80
بالبلدي كده موضوع حلو و جميل لكن تقييمك و قناعتك غريبين قوي
ادي يا سيدي رأي الخاص من دون ما اغلط في شخصك تاني و اتمني ان هدفي من الكلام يوصلك

شباب ... المنتدي ده اكتر من ممتاز .. بس انا ملاحظ ان معايير المقارنة بين الموديلات متفاوته و بشدة بحسب المام الاخوة المشاركين في المواضيع بتلك الموديلات .......او تعصبهم لها . :t_thum1[1]:

علشان كدة كنوع من تسهيل عمليات المقارنة . خلينا نقترح شوية معايير تسهل علينا استيعاب تقييم اي عربية في سوقنا و تكون المعايير خطوة بأذن الله لأن في يوم من الايام يكون في تقييم اداء مصري خالص و معبر عن اداء السيارات الموجودة في السوق بأسم نايل موتورز

و دي شوية معايير من وجهة نظري و هي قابلة للتدرج من 1 إلي 10 مثلا

• الثبات عالطريق و امكانية المناورة .
• التسارع .
• التجهيزات الداخلية و فخامة المقصورة.
• الامان .
• المساحة الداخلية للركاب
• الاستهلاك النسبي للوقود
• القيمة بالنسبة للسعر
• متوسط تكلفة الصيانة
• مدي ملائمة العربية للطرق و الاجواء المصرية

طبعا دول كلهم قابلين للبحث و الدراسة و التعديل.. بس المهم اننا نوصل لحاجة مريحة للعين تساعدنا للوصول لحكم ولو مبدئي من وجهة نظر كل اللي جربو اي عربية موضع مقارنة هنا ... و شكرا

السلام عليكم و رحمة الله و بركاته .
الدكتور أمير ......... تحياتي لك .
و تحياتي لكل من شارك في الموضوع .
بُص موضوع المقارنات ده فيه منه نوعين :
النوع الأول :
واحد عايز يشتري عربية بمبلغ معين ... فيبدأ يقارن في العربيات اللي في نفس المستوى السعري و ممكن يقارن بين عربيتين مش في نفس الفئة خالص و لكن سعرهم واحد أو متقارب .

النوع الثاني
و دي المقارنات بين فئات العربيات و السعر هنا ملوش عامل خروج أو دخول عربية من نفس الفئة .
يعني ممكن أجيب عربية صيني بخمسين ألف جنيه و أقارنها بعربية ب 200 ألف جنيه .
أدام الأثنين في نفس الفئة الحجمية ...... يبقى الأثنين يدخلوا المقارنة عادي جدا . لأن أحنا هنا مش بنقارن علشان نشتري واحدة منهم لمجردتوفر مبلغ معين فقط .
لاءة أحنا بنقارن بين سيارات في نفس الفئة الحجمية و نفس فئة المحرك . أو حتى ممكن المحرك يكون مختلف اختلاف صغير .
ده اللي المحترفين في البرامج الكبيرة بيعملوه و المحترفين في مجلات السيارات العالمية .

يعني مثلا الأسبرانزا a520 (مش فاكر الموديل بالظبط ) في نفس فئة الفيكترا و الجيتا .
و في الحالة لو واحد ناوي يشتري الاسبرانزا علشان معهوش غير ثمنها ....... يبقى يقارن في نفس المستوى السعري علشان غرض الشراء

إنما لو بنقارن عربية بعربية لأظهار المميزات و العيوب .
طبعا يجوز جدا مقارنة السيارتين ببعض لأنهم من نفس الفئة .
بغض النظر مين هايكسب و مين هايخسر .,,, و بغض النظر العربيةالرخيصة مظلومة أو مش مظلومة .

إنما المبدأ نفسه موجود و هو صلاحية المقارنة مادمنا بنقارن في نفس الفئة الحجمية و مخرجناش خارجها .
و مش معنى كدا أننا بنحاول مساوة الرؤس ببعض لأن أكيد فيه فرق حتى لو كان فرق طفيف أو فرق رهيب كبير .

في أنجلترا و أوروبا لما بيقارنوا العربيات مش بيقارنوا بالسعر خالص و إنما السعر عامل تفضيل سيارة على أخرى .

يعني ممكن يقارن فيراري بنص مليون جنيه و بورشيه بمليون جنيه .... و في الأخر يقولك
الفيراري هاتديك كل اللي في البورشيه و هاتوفر نص مليون جنيه .

مش لازم العربية الغالية قوي تكون أحسن من منافسيها .
ممكن تتفوق في نقط و تخسر في نقط و السعر ممكن يكون نقطة للخسارة .
و مش معنى كدا أن اي عربية رخيصة أحسن من أي عربية غالية .

-----------------------------------

النقطة التانية بالنسبة للتقييم العام للجين 2 .
بُص يا دكتور أمير ... أولا ممكن نتكلم عن العربية بكل حيادية بس قبل ما أعطي تقييمي لازم أقول حاجة معينة .

أنت ممكن تلاقي 10 شاريين سلعة معينة و بعدين تلاقي 9 متفقين على نفس العيوب و المميزات و تلاقي واحد خرج من وسط العشرة و له رأي مختلف .
في الحالة دي الرأي ده هيافضل رأيه و الناس لازم تحترمه بس ش معنى كدا أن رأي الأقلية هو الصح .و ممكن يكون الواحد ده ... عنده عوامل مقارنة تانية أو ممكن يكون عنده مشكلة في العربية مثلا .... أو بيقارن بمقارنة بحاجة معينة .

فعادي مفيش أي مشكلة لسماع كل الآراء .
زي الناس اللي راكبة اللانسر .
هاتلاقي الأغلبية بتشكر فيها ....... و الأقلية بتذم فيها .
ممكن يكون الأقلية أنتظروا شئ معين منها و لم يجدوه و بالتالي أصبحت في نظرهم سيارة سيئة .
مع عكس ذلك على الحقيقة لأن الأغلبية مبسوطين .
مش لازم الناس كلها تتفق على رأي هواحد و إلا مكنتش هاتلاقي 500 مليون شركة بتصمم و تصنع و تبيع عربيات .

أنا كلامي هنا عام مش موجهة لأي شخص بعينه علشان محدش يزعل و يفتكر أن بتكلم عليه شخصيا .
و لو أن التعليق كان بسبب المداخلات الخاصة على مداخلة و تقييم الأستاذ أحمد صاحب التقييم الخاص بالجين 2 موديل 2006 .


تقييمي العام للعربية .

الثبات عالطريق و امكانية المناورة. 10/10
التسارع . 8 / 10
التجهيزات الداخلية 10 / 10
و فخامة المقصورة. 7/10
الامان . 9 / 10 نقصت واحد علشان الوسائد الجانبية
المساحة الداخلية للركاب 6/10
الاستهلاك النسبي للوقود l8/100km
القيمة بالنسبة للسعر 10/10
متوسط تكلفة الصيانة 200-300
مدي ملائمة العربية للطرق و الاجواء المصرية.

النقطة الأخيرة مش هاديها تقييم علشان مينفعش أصلا أقول كدا ليه ؟؟؟؟؟؟؟؟

لو واحد بيسافر كتير بالعربية غير واحد في الآرياف على طول غير واحد في مدينة على طول .
و بالتالي كل واحد تقييمه هايختلف . و النقطة دي في رأيي الشخصي نقطة غير صحيحة في موضع المقارنة .

[أبومعاذ]

ممتاز .. دي نقطة مهمة كمان ..

لازم المقارنات تكون منطقية و ده يحكمه تقريبا الفئة السعرية و السعة الليترية

و علي اي ... ده تقييم اداء للعربية gen 2 من وجهة نظري بأعتباري مالك لها من 2006

[frame="1 50"]
الثبات عالطريق و امكانية المناورة. 6/10
التسارع . 5/10
التجهيزات الداخلية و فخامة المقصورة. 6/10
الامان . 5/10
المساحة الداخلية للركاب 4/10
الاستهلاك النسبي للوقود l10/100km
القيمة بالنسبة للسعر 7.5/10
متوسط تكلفة الصيانة 200-300
مدي ملائمة العربية للطرق و الاجواء المصرية. 6/10
[/frame]

حضرتك معاك جين 2 سوداء اوتوماتيك ومن اسكندرية ....؟؟؟

في أنجلترا و أوروبا لما بيقارنوا العربيات مش بيقارنوا بالسعر خالص و إنما السعر عامل تفضيل سيارة على أخرى .

يعني ممكن يقارن فيراري بنص مليون جنيه و بورشيه بمليون جنيه .... و في الأخر يقولك
الفيراري هاتديك كل اللي في البورشيه و هاتوفر نص مليون جنيه .

مش لازم العربية الغالية قوي تكون أحسن من منافسيها .
ممكن تتفوق في نقط و تخسر في نقط و السعر ممكن يكون نقطة للخسارة .
و مش معنى كدا أن اي عربية رخيصة أحسن من أي عربية غالية

شكرا يا فندم علي توضيحك النقطة دي .... لأنك ببساطة حطيت ايدك علي الهدف من نمط المقارنة المقترح ..
و برضه انا بكرر .. كل المعايير قابلة للبحث و الدراسة و التعديل ...

و يا جماعة ... انا راي في الجين 2 انها ممتازة بالنسبة لفئتها السعرية وإلا مكنتش من اول 20 واحد حجزوها في مصر من قبل حتي ما أشوفها. بس بكرر .. احنا بنتكلم عن معياار موحد - علي الاقل لنفس الفئات الحجمية زي ما قال تووت عنخ امون وبعدين خدو بصة علي مواقع كتيير شبه موقعكم الفاضل حتلاقو ان في ستاندرد موحد للمقارنة و سكور لكل عربية و معيار الفئة السعرية بيحدده رغبة المستهلك و قدرته الشرائية.
زي http://www.carreview.com و http://www.topgear.com و http://www.whatcar.com


يعني المستهلك هوا اللي بحدد ايه اعلي سكور لعربية ممكن يقدر يجيبها في حدود امكانياته

يعني من الاخر احنا صعب نعمل معيار مقارنة لكل فئة سعرية و برضه لو حنعمم المعايير يبقي من غير المنطقي اني ادي عربية 10/10 بسهولة

يا رب تكونو فاهمين قصدي ....

و بالنسبة لملاك الجن 2 ... انا راي انها قرار صائب جدا لراغبي الشراء في فئتها السعرية و يمكن كمان بتتفوق علي بعض العربيات اللي اعلي من فئتها .. بس برضه في عربيات في السوق .. اسرع و احلي و اكثر امانا