محتارة بين السيراتو و الشارك

**MalakHassan** · 20-04-2010 01:00 PM

انا محتارة جدا بين العربيتين دول و الناس نصحوني اسأل في المنتدي هنا
انا العربية الحالية بتاعتي نيو اكسنت مانيوال و صراحة تعبت من المانيوال و ناويت اشتري اوتوماتيك و العربيتين دول عاجبني شكلهم قوي

فيا ريت مقارنة من اصحاب الخبرة في الاداء و الراحة و قطع الغيار و بالنسبة لمالكي الشارك ؟ ناس قالولي انهم ما تنفعش بنت .. الكلام ده صح و لا غلط ؟

**NoRmAl** · 20-04-2010 01:08 PM

حلوه متنفعش بنت دى :))
أيه العربيه بتقول كلام قبيح ولا حاجه :)))
طبعا تنفع أى حد
أنا كنت مبحبش العربيه دى لأنى كنت بسمع كلام وحش على ماتورها
لكن بعض الملاك هنا غيروا رؤيتى ليها وبيشكروا فيها جدا جدا
بجد مقدرش أقولك هاتى أنهى لأنى معلوماتى عن الشارك كلام بسمعه ومركبتهاش ولا مره
لكن كامالك للسيراتو أقدر أقول عربيه ممتازه بتقدم لكل واحد الى هو عايزه
أى مود كان
شبابى شغاله شكل أستايل وبرستيج متقلش لأ
بنات ولاد مش مشكله :)
يعنى بصراحه مندمتش فى أى لحظه ولا أى مناسبه ولا أى مود أن جبتها
الى جانب تحقيقها لمعادله money for value
وكميه الكماليات الى فيها وشكل حديث مبقلوش سنه
على عكس شكل الشارك الشرس
تحسيها شبابى أوى ويمكن متلقش فى بعض المناسبات
على العموم العربيتين حلوين وأنا قلت وجهه نظرى على عربيتى
وربنا معاكى

**Cutevampire** · 20-04-2010 01:54 PM

نفس الحيرة اللي كنت فيها
رغم اقتناعي ان الشارك كعربية احسن من السيراتو بس انا اشتريت السيراتو علشان فرق السعر و علشان الموديل الأحدث (متهيألي لسه مفيش شارك 2010) و الكماليات الاكتر

**Hegazio** · 20-04-2010 02:54 PM

علي فكرة موتور الشارك اقوي
109 حصان صافي ( يساوي 125 اجمال )
اما السيراتو 124اجمالي ( يصفصف علي 107 )

**احمدعبدالعزيز** · 20-04-2010 03:45 PM

راى الشخصى لانسر شارك افضل

**Persuader** · 20-04-2010 04:53 PM

لما جيت اشترى عربيه خاصه فكرت فى السيراتو ( مع انها كانت كوبيه مش سيدان ) بس لما فصصت العربيتين فى التوكيل وكمان بحث طويل شويه على الانترنت , المنافسه حسمت للشارك سبورت مع ان السعر كان متقارب 133 الف للكوبيه و 137 الف للشارك سبورت .

طبعا انا شفت السيراتو السيدان بالجنوط الـ 17 , مفيش فرق ظاهرى ممكن العربيتين شكلهم جذاب ( جنوط الشارك 16 سبورت ) , لكن تقفيل الشارك من جوه افضل وده انا شفته بنفسى سواء خامات او حتى شكل التابلوه , العربيه عاليه عن الارض بالاضافه طبعا ان مفيش حد قال كلمه سيئه عن عربيات اللانسر ابدا بعكس مثلا عفشه السيراتو الى عليها كلام كتير بالجنط 17 .

فى ناس معينه مش بتحب تشوف نفس عربيتها مع ناس كتير , والسيراتو منتشره بدرجه مزعجه ( نجاح ما بعده نجاح فى مصر ) بعكس الشارك مش منتشره زى السيراتو .

الاختلافات الاخرى عايزه متخصص , بس رأيى البسيط ان الشارك افضل لو مفيش مانع تدفعى فارق السعر .

**NoRmAl** · 20-04-2010 06:47 PM

المشاركة الأصلية كتبت بواسطة hegazio

علي فكرة موتور الشارك اقوي
109 حصان صافي ( يساوي 125 اجمال )
اما السيراتو 124اجمالي ( يصفصف علي 107 )

[gdwl]الكلام دا مع الاسف ملوش أساس من الصحه
وكل الشركات بتعلن القدره الحصانيه بنفس الطريقه
فكك جروس ولا نت ولا أى حاجه
بس كله متفق على نفس المبدأ
كل الشركات زى بعضها
لذا
مع التاحترام كلام حضرتك غلط[/gdwl]

**Hosam_Optrawy** · 20-04-2010 06:56 PM

سيراتو لعدة أسباب

أرخص

أحدث

فى منها 2010 انما الشارك مفيش

كمالياتها أكتر

موتورها أقوى

تنفع ولاد وبنات وكبار وكل الاعمار

توكيل محترم وضمان 5 سنين او 100 الف

الشارك عربيه كويسه ولكن

توكيلها داخل على مشاكل وقضايا ومصيرها مجهول

العربيه ماحققتش النجاح والانتشار المطلوب بدليل ان من فتره كان فى مخزون 2008 وحاليا لسه 2009 موجود مع ان المفروض 2010 تكون نزلت من فتره لان كمان 3 او 4 شهور المفروض موديلات 2011 نازله

واخيرا سعرها مبالغ فيه بعض الشئ

الموضوع: محتارة بين السيراتو و الشارك

LinkBack

أدوات الموضوع

عرض

محتارة بين السيراتو و الشارك - انشر الموضوع فى :

-

-

-

-

-

المواضيع المتشابهه

الشارك و السيراتو الكوبية

اخبار ثبات الشارك ايه - برجاء الرد من ملاك الشارك

أتحاد محبى الشارك(كفاية على البومة الشارك مظلومة)

محتارة بين موبايلين

الكلمات الدلالية لهذا الموضوع

المفضلات

المفضلات

ضوابط المشاركة