محل إكسسوارات و تعديلات جديد في الهرم....بس تحفة

[hassanlink]

في محل جديد في الهرم في الشارع الى جانب فندق أوروبا اسمه Tuning Garage عنده حاجات جامدة أوى و بصراحة مختلف دا غير إن اسعارة أحسن بكتيير من اماكن تانية شفتها
على فكرة انا ماليش مصلحة من كدة أنا عملت الموضوع دة عشان كل الاعضاء يستفيدوا و خاصة اللي في الجنب بتاع الهرم و الجيزة كانوا بيدوخوا و لازم يضربوا مشاويير محترمة عاشان يجيبوا حاجات معينة في الكماليات و التعديلات الاصلية و أنا كنت واحد منهم
و كل الحاجات دي موجودة هناك و الاسعار تحفة جبنا من عندة انا و واحد صاحبي كام حاجة...
ياريت تلحقوا قبل ما يرجعوا فى كلامهم في الاسعار.....
على فكرة عندة شوية فوانييس حكاية و ارخص بكتيير من برة

[KoDaK_Gti]

فى شارع الاريزونا ؟؟بين فيصل والهرم ولا فين بالظبط ؟

[mohamed_mohsen]

فى شارع الاريزونا ؟؟بين فيصل والهرم ولا فين بالظبط ؟

يا ريت تقوللنا المكان بالظبط

[elnaggar_655]

هو عنده لمبات الفيلبس الى عامله زى الزينون الى اسمها h4 وهو مكانو فين بظبط من عند فندق اوربا

[hassanlink]

فى شارع الاريزونا ؟؟بين فيصل والهرم ولا فين بالظبط ؟
[/quote]

هو فعلا في شارع الاريزونا بين فيصل والهرم في اول الشارع من ناحية الهرم

هو عنده لمبات الفيلبس الى عامله زى الزينون الى اسمها h4 وهو مكانو فين بظبط من عند فندق اوربا

عندة اللمبات دى و كمان عندة لمبات تانية جامدة كورى و عنده كمان زينون حكاية فى خاصية اسمها fbi جامدة جدا

[Terrible_DaRsH]

انا كنت فى الشارع ده امبارح و مشفتش المحل تخيل !

[fahmy]

سؤال معلشى ياباشا متعرفشى سعر الزينون اية علشان انا هركبة كمان 3 ايام

[hassanlink]

سؤال معلشى ياباشا متعرفشى سعر الزينون اية علشان انا هركبة كمان 3 ايام

سعر الزينون اللي فيه fbi تقريبا 1100 بس في عندهم حاجات تانية تبدأ من 500 او 450 مش فاكر بالضبط

[JAM]

من ردودك واضح انك صاحب صاحب المحل..... على العموم الف شكر وليا هناك زيارة قريبآ

[omarali_mcse]

يعني ايه fbi ????

[bmw323]

يعني ايه fbi ????

+11111111111111111111111

[Solom507]

أرسل أصلا بواسطة omarali_mcse
يعني ايه fbi ????

أنا رحت المحل دة قبل كدة هو فعلا مختلف و سألت على موضوع FBI دى feature فى الجهاز ليها مفتاح لوحدة ممكن تستخدمها في حالة الطوارئ...يعنى لما تكون مسافر بالليل و حد من سواقين الميكروباس المحترمين يعميك بالنور و يطرشك بالكلكس عشان تعدية و كل دة و أنت علي يمينك عربية نقل !!.......دا حصل معايا
ساعاتها بس اول ما تجيلك الفرصة تعدية عدية و دوس مرة واحدة علي الزرار و شوف اللي هيحصل يا معلم 6 طلقات نور في كل الاتجاهات ( أقوى من لما ترعش في العادى) يعنى هيتظبط هيتظبط و أكيد يستاهل......أه كان نفسى يكون معايا الجهاز دا يومها
بس طبعا الموضوع دا عاوز حرص يعني تستخدمة بالعقل عشان متاذيش حد غير اللي يستاهل و جابة لنفسه

[fahmy]

واللّة ابشن حلو بس انا عايز الزينون ابو 450 دة نوعة اية ومعاة ضمان ولا لا

[elnaggar_655]

يا ريت اعرف سعر المبات الـ h4 والـh7 الفليبس وبتركب على اى عربيه ولا ايه النظام عشان انا عربيتى صينى واسمها هافى لوبو

[badblood]

أنا رحت المحل دة قبل كدة هو فعلا مختلف و سألت على موضوع fbi دى feature فى الجهاز ليها مفتاح لوحدة ممكن تستخدمها في حالة الطوارئ...يعنى لما تكون مسافر بالليل و حد من سواقين الميكروباس المحترمين يعميك بالنور و يطرشك بالكلكس عشان تعدية و كل دة و أنت علي يمينك عربية نقل !!.......دا حصل معايا
ساعاتها بس اول ما تجيلك الفرصة تعدية عدية و دوس مرة واحدة علي الزرار و شوف اللي هيحصل يا معلم 6 طلقات نور في كل الاتجاهات ( أقوى من لما ترعش في العادى) يعنى هيتظبط هيتظبط و أكيد يستاهل......أه كان نفسى يكون معايا الجهاز دا يومها
بس طبعا الموضوع دا عاوز حرص يعني تستخدمة بالعقل عشان متاذيش حد غير اللي يستاهل و جابة لنفسه

الجهاز ده بيركب على اي طقم
ولا هو الطقم كده كيت على بعضه