لو عضو جديد .. أهلا بيك في منتدى ميتسوبيشي

[kimo]

أنا عندى استفسار صغير
انا معايا لانسر 1998 اوتوماتيك .... العربية شغالة معايا الحمد لله زى الفل وكله تمام .. ما عدا حاجة واحدة بس ... دايماً الصبح أما أدور العربية بتقطع وهيا باردة ( دوران الموتور غير منتظم على الاطلاق ) .
اعتقد ان السخان اللى مفروض يكون فى العربية اعتقد انه مش شغال .. لأنى لازم اقعد دايس على البنزين عشان العربية تسخن .. والمشكلة انها بتغيب قوى لغاية ما تسخن ( حوالى 5 : 6 دقايق لغاية ما تسخن ) طبعاً بعد ما تسخن بتبقى تمام .. الدوران منتظم وسرعة الاستجابة للضغط على دواسة البنزين ممتازة .
هل العربية دى ليها تاكيهات .. عشان انا عمرى فى حياتى ما ظبت التاكيهات ... آخر حاجة عملتها كان تغيير بوجيهات من حوالى ألف كيلو فقط .
والمشكلة ان استهلاك البنزين اعتقد انه عالى شوية . بتعمل معايا حوالى 200 كيلو فى الصفيحة جوه البلد .. وفى السفر بتعمل اكتر طبعاً . هل الاستهلال ده عادى ( عشان اوتوماتيك يعنى ) ولا عالى ومحتاجة ظبط ؟؟

يا ريت حد يفيدنى فى الموضوع ده ... ولكم جزيل الشكر والتقدير

ايهاب الجوادى

حد يفيدنا فى هذا الموضوع بيخصل معايا وشكرا

[nader.elalaily]

اللة ينور عليك وجزاك اللة كل خير ياباشمهندس طارق
الصراحة معلوماتك وافية جدا جدا و انا من ضمن الناس اللى عندها لانسر 1300 موديل 2007
و كنت متضايق جدا بعد كام خبطة اخذتها و لكنى رجعت فى رائى عن بيعها و مقتنع بها جدا الان بعد مقارنات مع سيارات اخرى فى نفس الفئة من ناحية ثمن السيارة و لكن كفاية انها يابانى مفيش فيها لعب ومن كل فيلم اغنية زى السيارات الصينى الاسبيرانزا او الماليزى بروتون او حتى الهوندا سيتى طلعت تقفيل تايلاندى
و طبعا مش حأتكلم عن السيارات الكورى عموما بالرغم انها ممكن تكون 1600 سىسى ولكن بالكتير لاتتعدى 100 هورس باور الا بحاجات بسيطة
وشكرا مرة اخرى للباشمهندس طارق:)

[beroo]

جزاك الله خيرا ان شاء الله ويا ريت ما تبخلش علينا بمعلوماتك

[محمد قاسم]

ربنا ما يحرمنا منك و من مواضيعك الحلوه

[wekaso]

ya basha ana lesa new hena bas elkalam dah fe3lan mofed merciiiiiiiiiiiiiiiiiiiiiiiiiiiii gedan 3ala kol dah

[ysalah]

thx ya basha hope to c u when i do my 100,000 k sevice isa

[heka_m_y]

يا باش مهندس طارق أرجوك أن تفيدونى فى مشكلتى والتى أعانى منها منذ أكثر من سنة ونصف .. أنا امتلك سيارة لانسر 2001 ضمان مصرية وعمله 100 ألف كيلو ولاحظت من سنة ونصف ان لما بعدى على مطب عين القطة أو على كسر فى الاسفلت بالاخص وانا كاسر الدريكسيون شمال أو وأنا ماشى مستقيم بسمع صوت خلف عدادات السرعة ذى حديد بيخبط فى حديد صوت .. والصوت ذى مثلا ما تقول تك تك تك تك بسرعة .. رحت توكيل مصرية أكثر من 25 مر فى الفترة دى قالوا ان الصوت فى كل اللانسر وهو بعلبة الدريكسيون بالاخص وانت كاسر شمال .. انا مش مقتنع أول خطوة عملتها كشفت على العفشة كلها وغيرت حاجات كثيرة فى التوكيل وصرفت حوالى 2500 جنيه ومفيش فايدة كشفت على التابلوه وكل ما يصدر صوت فى السيارة من الامام ومفيش فايدة غيرت قطمة الدريكسيون ( المدفع) و بردو مافيش فايدة الصوت هو هو نفس الصوت .. مهندس التوكيل خلع علبة الدريكسيون وشحمها وبالفعل الصوت تلاشى نهائيا لمدة اسبوعين وبعدين رجع تانى بنفس التون أى نفس تك تك تك حديد فى حديد بس تأكدت ان الصوت من علبة الدريكسيون لان الصوت راح لما اتشحمت العلبة.. غيرت العلبة والصوت راح لفترة قصيرة ثم رجع تانى غيرت العلبة لثالث مرة بس المرة دى كانت العلبة الاستيراد بايظة فعلا اخر ما زهقت وده طبعا على مدار السنة ونصف حتى الان رحت شارع شمبيلون وصلحولى علبتى الاساسية (غيرو المشرشر الداخلى للعلبة وبستم العلبة والالسيهات الداخلية للعلبة) علشان يحكموا أى بوش أو خبط حديد فى حديد وبالفعل تلاشى الصوت نهائيا ومر على ذلك 15 يوما حتى الان ولكنى اسمع الصوت عند نفس الظروف ولكنه مكتوك يعنى بوم بوم بوم مكتوك جدا ولا يأتى كثيرا مثل الاول ....... سؤالى لحضرتكم هل مهندس توكيل مصرية فى جسر السويس وأيضا رئيس توكيل مصرية بقليوب على حق واللانسر من 2001 حتى 2008 كلها فيها هذا الصوت بس بعض الناس لا تأخذ بالها حتى انه قال ان( لو اشتريت علبة جديدة ستصدر نفس الصوت) .. ولا اللانسر مافيهاش العيب دى ولكن عربيتى فيها حاجة ماحدش من التوكيل ولا ال10 ميكانيكية و15 عفشجى اللى انا رحتلم مش قادر يعرفه ولا فى حاجة عندى متبوظ العلبة بسرعة جدا ولا فى ايه بالظبط .. مع انى تأكدت ان العيب من العلبة .. أنا طولت على حضرتك بس ارجو أن ترد عليا علشان ان زهقت جدا جدا جدا جدا جدا جدا ونفسى أعرف مين اللى غلط .. فكم من الوقت والمصاريف ضيعتها فى هذا الموضوع علما بأن عربيتى فاربيكة بالكامل وشبه الزيرو تماما وبتجرى على سرعة 170 كيلو وثابتة نوعا ما ولا تصدر أى أصوات غير المشكلة دى بس .... أسف على الاطالة وأرجو الر .... جزاك الله كل خير

[heka_m_y]

عندى مشكلة فى اللانسر 2001

يا باش مهندس طارق أرجوك أن تفيدونى فى مشكلتى والتى أعانى منها منذ أكثر من سنة ونصف .. أنا امتلك سيارة لانسر 2001 ضمان مصرية وعمله 100 ألف كيلو ولاحظت من سنة ونصف ان لما بعدى على مطب عين القطة أو على كسر فى الاسفلت بالاخص وانا كاسر الدريكسيون شمال أو وأنا ماشى مستقيم بسمع صوت خلف عدادات السرعة ذى حديد بيخبط فى حديد صوت .. والصوت ذى مثلا ما تقول تك تك تك تك بسرعة .. رحت توكيل مصرية أكثر من 25 مر فى الفترة دى قالوا ان الصوت فى كل اللانسر وهو بعلبة الدريكسيون بالاخص وانت كاسر شمال .. انا مش مقتنع أول خطوة عملتها كشفت على العفشة كلها وغيرت حاجات كثيرة فى التوكيل وصرفت حوالى 2500 جنيه ومفيش فايدة كشفت على التابلوه وكل ما يصدر صوت فى السيارة من الامام ومفيش فايدة غيرت قطمة الدريكسيون ( المدفع) و بردو مافيش فايدة الصوت هو هو نفس الصوت .. مهندس التوكيل خلع علبة الدريكسيون وشحمها وبالفعل الصوت تلاشى نهائيا لمدة اسبوعين وبعدين رجع تانى بنفس التون أى نفس تك تك تك حديد فى حديد بس تأكدت ان الصوت من علبة الدريكسيون لان الصوت راح لما اتشحمت العلبة.. غيرت العلبة والصوت راح لفترة قصيرة ثم رجع تانى غيرت العلبة لثالث مرة بس المرة دى كانت العلبة الاستيراد بايظة فعلا اخر ما زهقت وده طبعا على مدار السنة ونصف حتى الان رحت شارع شمبيلون وصلحولى علبتى الاساسية (غيرو المشرشر الداخلى للعلبة وبستم العلبة والالسيهات الداخلية للعلبة) علشان يحكموا أى بوش أو خبط حديد فى حديد وبالفعل تلاشى الصوت نهائيا ومر على ذلك 15 يوما حتى الان ولكنى اسمع الصوت عند نفس الظروف ولكنه مكتوك يعنى بوم بوم بوم مكتوك جدا ولا يأتى كثيرا مثل الاول ....... سؤالى لحضرتكم هل مهندس توكيل مصرية فى جسر السويس وأيضا رئيس توكيل مصرية بقليوب على حق واللانسر من 2001 حتى 2008 كلها فيها هذا الصوت بس بعض الناس لا تأخذ بالها حتى انه قال ان( لو اشتريت علبة جديدة ستصدر نفس الصوت) .. ولا اللانسر مافيهاش العيب دى ولكن عربيتى فيها حاجة ماحدش من التوكيل ولا ال10 ميكانيكية و15 عفشجى اللى انا رحتلم مش قادر يعرفه ولا فى حاجة عندى متبوظ العلبة بسرعة جدا ولا فى ايه بالظبط .. مع انى تأكدت ان العيب من العلبة .. أنا طولت على حضرتك بس ارجو أن ترد عليا علشان ان زهقت جدا جدا جدا جدا جدا جدا ونفسى أعرف مين اللى غلط .. فكم من الوقت والمصاريف ضيعتها فى هذا الموضوع علما بأن عربيتى فاربيكة بالكامل وشبه الزيرو تماما وبتجرى على سرعة 170 كيلو وثابتة نوعا ما ولا تصدر أى أصوات غير المشكلة دى بس .... أسف على الاطالة وأرجو الر .... جزاك الله كل خير

[ahmed1975]

الله ينور يا باشا....انا سامع اخبار حلوه عن فرع الصيانه ولو انه بعيد شويه بس متهيألي يستحق....

[onsi]

يا جماعة ممكن حد يجاوبنى
انا معايا كويتى 1600 مانوال 2008 وكل يوم لازم اسخن العربية حوالى 5 دقائق مؤشر ال rpm بيكون على 10 وبعدين ينزل واحدة واحدة لغاية ما يبقى على 4 والعملية دى بتاخد وقت فهل دة طبيعى خاصة اننا فى شهور الصيف يعنى المفروض تسخن اسرع من كدة............. امال فى الشتاء هنعمل اية؟؟؟؟؟؟؟؟؟؟

[mohahamdy]

الأخ الفاضل مهندس/ طارق ، نويت إن شاء الله أشترى لانسر 1600 أتوماتيك ، سألت فى المصريه للسيارات قالوا سعرها النهارده 105 ألف بس مانضمنش السعر ده هايفضل كده ولا هايزيد ، أنا ناوى على الشراء أول الشهر اللى جاى (يوليو) ياترى رؤيتك إيه خلال الشهر ده ، هايكون فيه زياده فى الأسعار (يعنى أستلف الباقى وأشترى الأسبوع ده) ولا ممكن أستنى للشهر اللى جاى ، رجاء خاص ياريت تعرض المواصفات والكماليات اللى مفروض أستلم على أساسها العربيه علشان مايفوتنيش حاجه تكون من حقى.
مع الشكر

[مصراوي جدا]

أستاذ محمد أهلا بيك معانا في المنتدى

اعتقد لو خلال شهر واحد لا غير يبقى باذن الله الأسعار مش هتزيد انما اكتر من كده ما اعرفش فممكن تستنى للشهر الجاي لأن النزول يا دوب بدأ من يومين

بخصوص المواصفات فطالما العربية مصري يبقى هيكون معاها دفتر الضمان المختوم من الوكيل (مصرية) ومواصفات وكماليات العربية المصري 1600 أوتوماتيك ثابتة وهي كالتالي :
- تكييف -باور - سنترلوك وريموت كنترول - ايموبيليزر - زجاج كهرباء - مرايات كهرباء - ايرباج سائق- فرامل ABS , EBD - اعتاب جانبية

[mohahamdy]

شكرا جزيلا للمهندس طارق ، وعفواً هل المصريه للسيارات هى نفسها مصريه الوكيل أم أنها موزع فقط ، لقد إلتبس على الأمر ، وهل الأفضل الشراء من موزع قريب من محل سكنى أم الشراء من الوكيل مباشرة.
وشكراً مره أخرى على سرعة ردك

[ali1spc]

بعد اذن المهندس طارق

المصريه للسيارات عبارة عن شركة لبيع السيارات وليست وكيل او احد فروع لاى وكيل وليس لها صلة بشركة مصرية

وبالنسبة للشراء من اى فرع من فروع التوكيل

[مصراوي جدا]

دي مجموعة موضوعات جديدة عن اللانسر EX :
Lancer 2008 ex first drive
http://www.nilemotors.net/Nile/showthread.php?t=11 059


the new lancer ex Test drive + pics//from Syria
http://www.nilemotors.net/Nile/showthread.php?t=13 979


*** تقييم لانسر 2008 ***
http://www.nilemotors.net/Nile/showthread.php?t=21 788



ما هى اسعار قطع غيار اللانسر الجديدة؟
http://www.nilemotors.net/Nile/showthread.php?t=26 263



عايز نصيحة ملاك اللانسر الشكل الجديد
http://www.nilemotors.net/Nile/showthread.php?t=29 920


لانسر Ex مميزات و عيوب
http://www.nilemotors.net/Nile/showthread.php?t=30 409