بجد يا جماعه انا بشكر كل عضو بيضحي بوقته و مجهوده في سبيل خدمه باقي الاعضاء بجد و الله المنتدي بقي شكله يفرح بكميه المناقشات المثمره اللي فيه . بجد و الله يا جماعه الواحد اول مره يشوف كم الناس المحترمه ديه اللي بتكون عاوزه تخدم من غير حساب . بارك الله فيكم.
انا نفسي يا جماعه و الله اكون اقدر اخدمكوا حتي بنصف قدركوا و اقدر فعلا افيد في مجالي و الحاجه اللي بفهم فيها.
انا يا جماعه اعمل في الجمعيه المصريه للتأمين التعاوني و مستعد كامل الاستعداد لأي استفسار ليكو متعلق بالـتأمين و ياريت تسمحولي اني فعلا اقدر افيد ياريت يا جماعه اي حد عنده اي مشكله في اي شركه تأمين في مصر او اي استفسار ميحرمنيش اني ان شاء الله اقدر اساعده عشان كمان عارف ان الموضوع ده بيمثل اهميه كبيره لناس كتير و اغلبيه الاعضاء ليس عندهم المعلومات الكافيه عن جميع بنود و شروط وثثيقه التأمين فياريت تسمحولي اني ان شاء الله هعمل موضوع اشرح فيه التأمين بجميع بنوده و شروطه من اول يوم فيه حتي اخر يوم في سريان الوثيقه في اقرب وقت ان شاء الله.
انا بكرر يا جماعه تاني اي حد عنده اي استفسار او اي مشكله لاقدر الله انا في خدمته ان شاء الله و يارب اكون عند حسن ظن الجميع.
و يارب مكنش طولت عليكو جميعا بس ان شاء الله اوعدكو اني بعد مجهز الموضوع الشامل ده مفيش حد هيبقي عنده اي معلومه ناقصه ابدا ربنا يكرمني ان شاء الله و احط فيه كل خبرات السنين اللي فاتت.
تحياتي لكم جميعا .
اخوكم في الله / ممدوح العربي