مساعده في كاسيت كلاريون

[WalidAdel]

الكاسيت بتاع النيسا صني 2008 كلاريون
AX 430
المهم عايز اشغل عليه ام بي ثري من غير حوار الراديو ده
في فتحه في الخلف
13 Pin Din C-Bus input
السؤال بقي هل بنفع اني احور في الوصله دي علشان اركب فيها ام بي ثري
و لو ينفع اجيبها من فين او اعملها ازاي
ولا نقول كفي المؤمنين شر القتال و كأن محدش سمع حاجه

هو ده الكلام
ادينى يومين كده وهقولك تحوله ازاى ل Audio in عادى جدا وتوصل عليه اى جهاز

[farahat]

في الكونيكتور بتاع ال-c-bus الأطراف ٦ و ٧ و- ٨ دول لدخول الصوت ، ٦أرضي ، ٧ دخل شمال و ٨ دخل يمين

وصل كابل ستريو عادي خالص إلي فيه ٣ طرف من ناحية و جاك هيدفون من الناحية التانية ، بحيث يكون الردي بتاع الكابل على ٦ و الأطراف الشمال وال يمين على ٧ و ٨ .

و أي إستفسار احنا موجودين و من غير سندوتش :)

[M.Mokhtar]

بس على فكره الموضوع مش سهل كده يا باشا
الاجهزة الجديده لازم تتاكد ان فى cd changerمتوصل عشان تقبل استقبال الصوت
يعنى لو وصله صوت من غير ما يكون فى cd changer مش هيقبل الصوت اصلا

عشان كده احنا بنحاول نخليه يتخيل ان فى سى دى تشانجر متوصل

[M.Mokhtar]

امسك يا باشا
بس المهم ليك فى حورات التوصيل وعمل كابلات وكده ولا لأ؟
على العموم انا هقولك تعمله ازاى وانت شوف حد تعرفه يعملهولك لو مالكش فى الكلام ده

اولا
احنا عايزين نعمل الاتى

ده شكل ال13Din conector female



احنا عايزين نعمل الكابل ده



قولتى ازاى؟
هقولك ازاى

شوف يا معلم هنحتاج الاتى

1- 13Din conector male نفس اللى فى السمه بس بسنون
2- كابل ستريو عادي خالص إلي فيه ٣ طرف من ناحية و جاك هيدفون من الناحية التانية زى ما اخونا فرحات قال
بس غالبان مش هتلاقى الا الكابل ده


هتجيبه وهنظبطه احنا

3- مفتاح صغنون خالص



الخطوات:
- نوصل طرفين المفتاح بالسنون 5 و 9 (راجع الرسمه)
هنستخدم سلك عادى فى التوصيل

- هنجيب الكابل الاستريو وهنقطع الطرفين اللى فى الاخر وهنوصل الارضى بتاعهم ببعض ونلحمه فى السن رقم 6 زى الرسمه اللى فوق

- هنوصل السلك بتاع اليمين بالسن رقم 8 و الشمال بالسن رقم 7

المفتاح لازمته ايه بقى؟

لو انت قافل المفتاح الكاست هيشتغل عادى جدا
مجرد ما تحول المفتاح ل ON الكاست هيتخيل ان فى CD Changer متوصل وهيدخل على ال ACC mode وساعتها هيستقبل الصوت من الكابل

كده يبقى مش ناقص غير انك توصل الطرف الاخر من الكابل باى جهاز بيشغل اغانى مكان السماعات
واى خدمه
بس على فكره انا مش بتاع سندوتشات ما تاكلش معايا خالص
انا اقل حاجة فرخه وبالسلطات

[WalidAdel]

قشطه
شكراً يا جدعان علي التفصيل الدقيق و إن شاء الله صحبي يخلص الامتحانات بس وو نيتدي في التنفيذ و إن شاء الله اقولكم الاخبار

ياعم فرخه بالسلطات ماشي بس اعمل انت الوصله
هههههههههههه
شكراً يا شباب

منتظر الفرخه
:)
قصدى منتظر النتائج

[M.Mokhtar]

اللى عايز يعمل الكابل هتلاقى فى الرابط ده تفاصيل اكتر
http://www.nilemotors.net/Nile/showthread.php?t=40050