شراء ibiza system porsche model 1993

[Open_Sense]

طب اخي SEATLOVER هو في مشكلة اني افتح كذا موضوع ولا اية وكمان مختلفين عن بعض التاني دة مقارنة ولو في مشكلة فاعتذر لعدم علمي ولو عيزني اشيلو اشيلو

[mohamed ibiza]

موضوعك فتحته من الاول يا باشا اسأل في اللي انت عايزه طالما انت استخدامك شغل و رايح جاي هاتها طبعا العربية جميلة و شكلها معقول و بتجري و ثباتها حلو بس بصراحة انا مليش سكة في قطع غيارها انا من اول ابيزا 94 لحد موديلات 2008 بالكامل معاك زي الفل انما ابيزا سيستم بورش مليش فيها الصراحة كقطع غيار انما زي ما قالك عيشو باشا العربية عفية

[dr_3eshoo]

بص يا اوبن انت شغال في دمياط انا من دمياط على فكرة
بص لو عربيه سفر و كده فهيا عربيه حلوة جدا بس اسال ميكانيكي يكون عارفها و دول موجودين كتير في الهرم و الحرفيين الي هايفيدك في العربيه دي الميكانيكيه كتير لانهم هما الي بيركبوها و بيطلعوا عين ابوها شغل و هما الي عارفين سككها منين
انا قصدي لما رشحتلك العربيات دي انها تبقى اعاده البيع ليك سهله تلاقي قطع غيار بسهوله كده
كان معايا رقم ميكانيكي في الهرم معاه العربيه دي و الله و انا بنضف العربيه امبارح رميت الكارت بتاعه بس هو في المريوطيه مش فاكر المركز اليطالي الاماني حاجه كده

[M.Elwan]

السيات سيستم بورش موكونات المتور مصنوعه من التيتانيوم ميزه العربيه دي انها من رابع المستحيلات انها تجيب وش سلندر او انها تفوت علشان كده الميكانيكيه جايبنها ليهم علشان الشغل عربيه ممتازة بس لو عاجباك اوي اوي اعرف سككها منين يعني تجيب منين قطع الغيار مين يرضى يشتغل فيها كده كمان تعرف انها تقيله في اعاده البيع لانها موديل قديم كمان صعوبه وجود قطع الغيار
اما المميزات اكيد ثبات و انطلاق و كل حاجه بس شويه الكلام الي فوق هايلغي المميزات دي
ال بيجو ماليش فيها الصراحه بس اركب اي حاجه تكون موديل اعلى و تكون مطلوبة علشان اعاده البيع و علشان تعرف تعمل ليها صيانه قطع غيار و خلافه
هاحط ليك شويه اختيارات
برودوا كانشيل
سوزوكي ماروتي
بولو فوكس بس حاله متدنيه
دايهاتسو ميرا

فى سؤال نفسى اعرف اجابته يعنى ايه ابيزا سيستم بورش ؟؟؟ هل مثلا ان بورش كانت مصممة اجزاء من الموتور ولا موضوع مختلف ؟؟؟؟؟؟؟

[mohamed ibiza]

ابيزا سيستم بورش علي ما اعتقد ان بورش عاملة سيستم الموتور لان مكتوب علي غطا التاكيهات سيستم بورش و كمان انجكشن مش كربراتير زي ابيزا 94

[iBiZa]

كان نفسى حد يفتح الموضوع دة من زمان :)

انا عايز اشارك بخبراتى علاشان انا حافظ كل مسمار فيها و يعتبر مغيرة بايدى.

اولا: تاريخها:
شركة Seat كانت ذى شركة نصر عندنا و كانت بتجمع بس {علاشان كدة تلاقى 127 و 128 و ريتمو من انتاج Seat}. و شوية شوية ابتدوا يعلوا فى نسبة المكون المحلى لحد ما بقوا يعملوها لوحدهم. و تم الانفصال بعد بين شركة Fiat و شركة Seat و قررت الاخيرة انتاج عربية خاصة بها. فا استعانت بشركة Porcshe لتصمم لها المحرك ومن هنا ظهرت ال Ibiza و كانت عبارة عن شاسية Ritmo و موتور Porcshe. و انتجت من عام 1984 تقريبا الى عام 1992 حتى اشترت VW شركة Seat و تم تطوير ال Ibiza لتستخدم موتور و شاسية Golf.

ثانيا: المواتير:
900 انجكش 44 حصان
1200 انجكش 62 حصان
1500 انجكش 101 حصان
1700 انجكش 105 حصان
1700 ديزل 54 حصان

ثالثا: ميكانيكا:
نفس عفشة و كهرباء ال Ritmo يعى المساعدين ال4 و طقم البرياج Ritmo
نفس قواعد الموتور يعنى ال 2000 بتاع ال Ritmo Abarth ينزل عادى.

رابعا: قطع الغيار:
عفشة كلها Ritmo ما عدا المقصات {فا كلة هتلاقية عند اى حد بتاع Fiat فى اى حتة.
مقصات و فوانيس امامى و خلفى هتلاق جديد عند سامح ابيزا فى شارع دمشق {هو بيعرف اية الناقص لها فى السوق و يسافر يجيبة من اسبانيا}. مستعمل عند احمد الابيض فى الوكالة {و لية فرع فى غمرة و فرع فى شارع السودان فى المهندسيين} و كمان تلاقى عندة المواتير ال 1500 و حاجة التكييف الاصلى. و عند البيومى فى بورسعيد.

خامسا: الكويس فيها:
قطع غيار رخيصة علاشان Fiat
بتجرى حلو اوى 1200 او 1500
استهلاك بنزين حلو

سادسا: تخاف من اية:
شاسية Fiat فا ضعيف ذى ال 128 و ممكن تفتح علب.
اعادة بيع مش وحش بس مش اى حد هايشتريها.
اغلب اللى فى البلد مبهدل فا هتدور شوية.

* انا كانت معايا 1200 و شد مواتير كنت بطلع من واحد صاحبى معاة 1994 1300 مرتاح مش علاشان ال 1994 مش بتجرى بس علاشان ال 1992 خفيفة جدا.

[Open_Sense]

والله مية ميه يا شباب الله ينور عليكم

بس معلش سؤال اخير هية ولا البيجو 205
وكمان اية حكاية انها بتفتح شاسية صحيحة ولا...........

[iBiZa]

انا بردو كان معايا بيجو 205 و كانت هايلة. و هاقولك الى انا اعرفة عنها:

العربية ناشفة قوى - ثبات على الارض غريب حتى مع كاوتش 13\135\70 - عفشة ناعمة جدا - بتجرى حتى مع الموتور ال1100 - يا دوب تشم بنزين - انا كنت بفول كل 10 ايام مع العلم ان العربية مع ان العربية بتلف طول النهار.

هى زل منها تقريبا 2 جيل. فية فروقات بسيطة فى الشكل الخارجى و دة ما يفرقش معانا كتير. المهم الموتور, قبل سنة 1987 كان الموتور القديم على القواعد القديمة و دة سيئ جدا علاشان مقلوب فا لو هاتعمل اى حاجة فية لازم الموتور ينزل من العربية + ان قطع غيارة غالية جدا و مش موجودة.

الموديل منبعد 1987 كان الموتور الجديد و القواعد الجديدة و دة شغلة سهل لانة زى اى موتور عادى + حاجتة كلها موجودة + نفس قواع ال 405 فا لو حبيت تغير الموتور عندك حاجات كتير مكن تتحط زى 1400 و 1600 و 1800 و 2000 و الشاسية عادى يستحمل من غير شدادات ولا وجع دماغ.

بس مش اى ميكانيكى يحب يشتغل فيها غلاشان حوضها ضيق.

لو هتجيب يبقى من موديل 1988 الى 1993 و عندى كذا ميكانيكى كانوا فى التوكيل.

لو عايز اى حاجة قولى يا باشا.

[Open_Sense]

ياسلام يا iBiZa

طب انت قدامك حتة 205 موديل التسعينات 1300سي سي
ياترى هية فيها تكيف وهية كاربرتير ولا انجكشن وبور ولا حبة تفاصيل حلو كدة
الله يكرمك
واماكن الميكانيكية اللي انت عرفهم ياتري فين عشان اعرف بس هما جنبي ولا لا

معلش انا عارف اني متعب بس شرا العربية دي هم بصراحة

[mexmarine]

من الاخر اصبر شويه لغاية ما تجيب تمن ال94 عالشان الابيزا ال93 مالهاش قطع غير و غن وجدت هتبقى ناااااار

انا لسه بايع 94 و هشترى 94 بس اوبشن لان اللى كانت نعايا فاضيه

على فكره ال25 ممكن يجيبوا ستروين ax كويسه