شراء ibiza system porsche model 1993

**Open_Sense** · 01-06-2008 01:03 AM

السلام عليكم ورحمه الله ويركاته
انا عضو جديد وسمعت عنكم الكثير فجئت طالب المساعدة

ان شاء الله انا هشتري
ibiza system porsche model 1993 , 1300CC
وكنت عايز اعرف كل حاجة عن العربية دي
مميزتها ,عيوبها
قطع غيرها متوفرة ولا لا وكمان اسعار قطع غيرها واماكن بيعها

الميكانيكية اللي بيفهمو فيها كتير واماكنهم في القاهرة و التوكيل
مشاكل العربية ,العربية جراية ولا لأ
يعني كل اللي تقدرو علية وهكون شاكر جدا

واخير انا حاطط العربية دي في مقارنة مع بيجو 205 موديل اوائل التسعينات

وجزاكم الله كل خير

**SEATLOVER** · 01-06-2008 01:12 AM

اهلاً بيك يا open sense فى قسم السيات معانا
باختصار ... لا ماتشترهاش
العربية كانت حلوة بس اندثرت .. ومالهاش لا ناس ولا طلب عليها

ال 205 افضل لو قدامك منها حالة نضيفة

وربنا يوفقك إن شاء الله

**mohamed ibiza** · 01-06-2008 02:35 PM

العربية اولا 1200 انجكشن مش 1300 ثانيا سوقها تعبان جدااااااااااااا اللي عارفها بس هو اللي بيشتريها مش زي الابيزا 94 مشهورة و كده بس هي كعربية حلوة وثباتها جامد و اللي بيفهموا فيها كتير

**Open_Sense** · 01-06-2008 06:05 PM

اولا شكرا علي ردودكم السريعة ممكن اعرف هية ال 205 احسن منها في اية واهو بنتعلم
وكمان لو علي كلامك يا mohamed ibiza مشتريهاش ليه مادام هية حلو وثابتة اصل انا ادامي واحدة استعمال فتاة بس زي ما قلتلكم انا عايز اعرف عن العربية دي بغض النظر عن الحالة اللي هشتريها عليها هية كا عربية اية نظمها وكمان مين احسن هية ولا ال 205 وفي اية

معلش هتعبكم معايا

**eng_mkhalaf** · 01-06-2008 06:21 PM

طب إية رايك فى الجولف 2 - أحسن منها بمراحل ونفس الرينج فى المصارى

**dr_3eshoo** · 01-06-2008 06:39 PM

السيات سيستم بورش موكونات المتور مصنوعه من التيتانيوم ميزه العربيه دي انها من رابع المستحيلات انها تجيب وش سلندر او انها تفوت علشان كده الميكانيكيه جايبنها ليهم علشان الشغل عربيه ممتازة بس لو عاجباك اوي اوي اعرف سككها منين يعني تجيب منين قطع الغيار مين يرضى يشتغل فيها كده كمان تعرف انها تقيله في اعاده البيع لانها موديل قديم كمان صعوبه وجود قطع الغيار
اما المميزات اكيد ثبات و انطلاق و كل حاجه بس شويه الكلام الي فوق هايلغي المميزات دي
ال بيجو ماليش فيها الصراحه بس اركب اي حاجه تكون موديل اعلى و تكون مطلوبة علشان اعاده البيع و علشان تعرف تعمل ليها صيانه قطع غيار و خلافه
هاحط ليك شويه اختيارات
برودوا كانشيل
سوزوكي ماروتي
بولو فوكس بس حاله متدنيه
دايهاتسو ميرا

**Open_Sense** · 01-06-2008 07:12 PM

ياراجل حرام عليك فين في نفس الرنج دي في حدود ال 25 الف اما الجولف 2 بتبدء من اواخر ال 30 الف

والله انا لازم اجيب في اوائل التسعينات عشان محكوم بالميزانية ودول احسن حاجة في الرنج دة بس انا سمعت ان العربية دي بتفتح شاسية ميكانيكي اللي قلي كدة

طب هية قطع غيارها متوفرة بغض النظر عن السعر

**dr_3eshoo** · 01-06-2008 07:24 PM

يعني الكانشيل موديل 99 هاتبقى بكام
الميرا موديل قديم شويه يعني 96 هاتبقى بكام
دول في حدود 25 لحد 27 بالكتير
ماروتي برضه موديل 2003 هاتبقى برضه بالسعار دي
متوفره دي اسال عليها ميكانيكي اشتغل في العربيه دي هما الي بيبقوا عارفين اكتر

**SEATLOVER** · 01-06-2008 07:30 PM

يا اخ open ياريت تركز مجهودك فى موضوع واحد من المواضيع اللى انت فاتحها

http://www.nilemotors.net/Nile/showt...492#post295492

**Open_Sense** · 01-06-2008 07:37 PM

العربيات اللي بتقول عليها دي كويسة بس مش عفية 800 ولا 900 سي سي وكمان اصلي من القاهرة وشغال في دمياط فهسافر كتير فاهمني وفوق كدة انا عايز عربية اصرف عليها يبان فيها اشدها كدة واظبتها
طب تعرف حد معاة الابيزا دي وعاملة اية معاة