كيفيه قياده السيارة استبترونك (ناقل أتوماتيك .. وناقل مانيوال)

[bassem.naguib]

فيه حد عنده عربية فيها ناقل حركة (فتيس) أتوماتيك .. ومانيوال "ستبترونيك" .. وعاوز أعرف ازاي بتتساق .. وهل بوقف العربية كلياً لما بنقل من نقلة لنقلة ولا بنقل وأنا ماشي عادي ؟!

الفتيس الستيبترونيك هو ببساطة ناقل اوتوماتيكى رباعى او خماسى او سداسى النقلات مع امكانية التدخل اليدوى لتغير النقلات

يعنى العصاية بيكون لها الحارات العادية زى الأوتوماتيك العادى:(P ,N,R,D) وحارتين اضافيتين مع نقطة تستقر فيها العصاية بينهما هما + و -

قيادة السيارة تتم فى البداية بنفس طريقة قيادة السيارة الأوتوماتيك، بمعنى ان يتم تدوير السمحرك والفتيس على P او N ، ثم وضع القدم اليمنى على الفرامل ونقل العصا الى الوضع D للحركة اماما وR للحركة خلفا ، يتم رفع القدم اليمنى من على الفرامل فتبدا السيارة بالحركة البطيئة، ويتم استعمال دواسة البنزين بعد ذلك لتسريع السيارة والفرامل لتبطيئها، ولا تستعمل القدم اليسرى نهائيا فى اى عمل من اعمال قيادة السيارة فى اى وقت

لاستعمال الsteptronic ، بعد حركة السيارة يتم نقل العصا من D الى نقطة الاستقرار بين + و - اذا كانت السيارة مبنية بهذا النظام ، لتزويد النقلة يتم دفع العصا فى الاتجاه + ولتقليل النقلة يتم دفعها فى الاتجاه - توجد سيارات اخرى يتم التحكم فيها من ازرار فى عجلة القيادة بنفسة الطريقة + و- ، لا يحتاج الامر لايقاف السيارة للتغيير من نقلة لنقلة لكن يجب عدم النزول الى نقلة منخفضة على سرعة عالية حتى لا يتحطم الجيربوكس، وان كانت توجد سيارات مزودة بانظمة تمنع السيارة من النقل لسرعات منخفضة فى السرعات العالية، يعنى لو جيت تنزل للأولانى والعربية ماشية 100 مش هتستجيب لك نهائيا

لايقاف السيارة فى اى وقت استعمل الفرامل حتى تمام وقوف السيارة ثم انقل العصا الى الوضع P

[hamedo0]

معلش التكرار يعلم الشطار
ايه فايده الموجب والسالب مثلا" انا جايب 100كم العربيه الطبيعي علي الرابع
عاوز ازود التسارع يبقي في اتجاه السالب يجيب التالت مثلا" العربيه تبقي سرعه 110كم مش الناقل حينقل لوحده علي الرابع تاني ولا لازم احرك اعصايه في اتجاه الموجب وكده ماهو شبه الكيك دون

[bassem.naguib]

شكراً لأهتمامك يا أستاذ سبعاوي .. أنا بعرف أتوماتيك ومانيوال كويس جداً والحمد لله .. بس فيه نقطه مش فاهمها من كلامك .. ألا وهي أني لازم أحرك العربية الأول على الوضع D الأول (ابتدي أمش بيها الأول) وبعد كدة أستخدم الموجب والسالب لتزويد نقلة أو لتقليل نقلة .. ولا ممكن تكون العربية وهي واقفة تماما أجيب الفتيس على المنطقة اللي بين الموجب والسالب وأبتدي أجيب موجب علشان تمشي لقدام (الأول مثلاً) وبعد كدة أجيب التاني والتالت .. أو انقص حسب ظروف الطريق.
أه وفيه سؤال تاني أنت فكرتني بيه بخصوص نقل السرعات اللي في الدركسيون .. لأني كنت سايق عربية هوندا سيتي وكان فيها النظام ده .. وطبعاً معرفتش استخدمه وفضلت ماشي على الفتيس الأتومتيك بس .. وبرضه للأسف صاحب العربية مكنش عارف بالضبط الوظيفة دي أو مش عارف يفهمني على الأقل
وشكراً لاهتمامك

[khalid_adel]

انا اللي جربته وكان في استرا و اوكتافيا ايه 5
ممكن تنقل من الاول على الحاره بتاعت المانيوال وتجيب ضغطه + حتلاقي العربيه بقت على الاول وتمشي وتفضل تحرق لحد الاخر العربيه مش بتنقل تاني وحتفصل لحد ما تدوس ضغطه + حتلاقي اتكتب 2 وتكمل جري عادي
تاني حاجه لو ماشي بسرعه شويه قول 60 جيت تجيب على الحاره المانيوال حتلاقي جابلك رقم الغيار اللي هو مثلا 3 وساعتها انت ممكن تنزل درجه - وتبقى 2 وتحرق بقى لحد اخره وتنقل انت + براحتك
اخر حاجه انت بتنقل وانت دايس بنزين عادي ومش لازم تدوس فرامل مثلا ولا تشيل رجلك من البنزين يعني دوس واضغط عادي
ده عن تجربتي ليهم

[bassem.naguib]

يا مزاجو يا خالد باشا .. جبت اللي في بالي .. وطبعاً الشكر للأخ سبعاوي .. أنا كنت فعلاً حسأل لما أنقل بالموجب اشيل رجليمن على البنزين ولا اسيبها عادي .. وكمان مكنتش عارف أنه في عداد بيحدد ليا أنا ماشي على أنهي نقلة (1 أو 2 إلخ) .. شكراً لكم جميعاً .. ولو فيه حد عنده معلومة ما كنتش جاية في بالنا .. يا ريت يوضحها .

في الميجان الحرق على الاول ما ينفعش يعني لو انت فضلت قارص على الاول هيا اتوماتيك هتنقل على التاني عشان التحميل على الموتور في نفس الوقت لو انت ماشي على سرعة 120 وكانت العربية على الرابع وعملت شيفت داون العربية هتنزل على التالت وهتحرق معاك بس مش ممكن تنزل على التاني وده عشان يحافظ على الموتور والجيربوكس

أه وفيه سؤال تاني أنت فكرتني بيه بخصوص نقل السرعات اللي في الدركسيون .. لأني كنت سايق عربية هوندا سيتي وكان فيها النظام ده .. وطبعاً معرفتش استخدمه وفضلت ماشي على الفتيس الأتومتيك بس ..
وشكراً لاهتمامك

خلى بالكم ان ممكن يكون الموجب والسالب اللى فى الدركسيون ده بتاع تحكمات الكاسيت

[bassem.naguib]

خلى بالكم ان ممكن يكون الموجب والسالب اللى فى الدركسيون ده بتاع تحكمات الكاسيت

لآه في الهوندا سيتي .. في دراع كدة وراء الدركسيون .. بتاع النقل المانيوال .. بس مش عارف بيستخدم ازاي .

أنا فاهم قصدك .. أنت قصدك على زرار تعلية وتوطية صوت الكاسيت .. في الهوندا سيتي في (دراع تاني) وليس زرار .. لو فيه حد عنده الهوندا السيتي وفيها الأوبشن ده يرد علينا ويفهمنا العملية ماشية ازاي

في الميجان الحرق على الاول ما ينفعش يعني لو انت فضلت قارص على الاول هيا اتوماتيك هتنقل على التاني عشان التحميل على الموتور في نفس الوقت لو انت ماشي على سرعة 120 وكانت العربية على الرابع وعملت شيفت داون العربية هتنزل على التالت وهتحرق معاك بس مش ممكن تنزل على التاني وده عشان يحافظ على الموتور والجيربوكس

كلام مظبوط بس الميجان فى حالة النقل على المانيوال فى نظام الستيبترونيك بتنقل لوحدها على نقلة الأعلى قبل دخول الـRPM على المنطقة الحمراء للمحافظة على الموتور و الجير بوكس