حوار دار بينى و بين صينيون فى الشات

[Hacker5]

السلام عليكم و رحمة الله و بركاته
يا رب يكونوا الاخوة الاعضاء بصحة وسلامة و كل عام و انتم بخير

كنت على موقع تعارف مشهور فا جيه فى بالى ادخل اشوف غرفة الشات الصينية
دخلت لقيتهم برضو بيتكلموا انجليزى قلت فرصة احتك بيهم شوية
و قلت اتكلم معاهم فى مجال السيارات و بدأت اسالهم عن سيارتهم الصينية و كانت الردود متشابهة تقريبا
و الشيق انهم مش معترفين ببعض شركات السيارات عندهم
و لكن حاولوا يفيدونى عن اكبر الشركات تطورا و متوقع لها نمو كبير
قلت اسال الاول عن اكتر السيارات الصينية انتشارا و كانت موديلات شيرى اللى هى الاسبيرانزا عندنا و قالو ان شيرى كيو كيو منتشرة فى الصين و لكن هناك بعض فئات المواطنون يحبون اقتناء السيارات اليابانية
و لكن انا حاول اعرف منه ايه احسن شركات و احسن جودة و هناك اقبال عليها من جانب الصينيون
كانت الاجابة بهذا الترتيب
Chery (Speranza) - BYD - Faw Beteng - Great Wall Motors - Biriliance

و هذا الترتيب من حيث الجودة و الانتشار و قالو ان بيريالنس بتحسن جودتها دلوقتى و عايز تبقى فى مكانة المرسيدس او البى ام فى الصين

يعنى اغلى الصينى و احسن الصينى
و لكن افادونى ان احسن شكرة بتنمو بسرعة البرق هيا شيرى اسبيرانزا و انها اكبر شركة تتدعمها الحكومة الصينية
لان هناك استثمارات كبيرة اشتركت فيها هذه الشركة و هناك تعاملات مع شيرى و كرايزلر و دودج تدل على ان الشركة تتطمح فى الوصول اللى اعلى مكانه و دخول جميع الاسواق الاوروبية و الامريكية
و كمان اتقالى حاجة غريبة
ان معظم الشركات بتبيع السيارة بتكلفتها !
و بيعوض الخسارة من بيع قطع الغيار
يعنى مثلا قطعة غيار تكلفة صناعتها 50 جنية بيعها بـ70 جنيه
و حظى السعيد وقعت فى واحد شغال فى شركة شيرى نفسها و قلت افترى و اعرف اللى انا عايزه
المهم بعد عدة محداثات و التعارف
افادنى ان الشركة دلوقتى فى مرحلة التكوين الاخيرة
انا مفهمتش قلتله ازاى؟
قالى احنا دلوقتى هنبطل نعمل موديلات جديدة و هنركز على الجودة فى السيارة و العمر الافتراضى لقطع الغيار و هانكتفى بتصميم موديلات جديدة كل فترة زاى بقيت الشركات العالمية
و قلتله احنا السوق المصرى عندنا ابتدى يتوجه للصينى
قالى و هايتوجه اكتر و اكتر و بل و كل العالم ايضا
و جميع ماركات العالم فى حالة قلق من الشركات الصينية
قلتله اكيد
و قولتله ان وكيلكوا المصرى ابو الفتوح متفرغ للشركة بعد ما كان معاه دايو و تم الانتهاء منها
قالى فعلا و دلوقتى فى مفاوضات بينهم على انشاء مصنع جديد بجانب مصنه ابو الفتوح لتصنيع اى تقفيل السيارات فى مصر بسبب ان الاقبال هايزيد على سيارتنا و ستزيد مدة الحجز و الاستلام و احنا مش عايزين حد ينتظر مدة كبيرة فى استلام سياراته حتر لا يمل
و قالى على فكرة وكيلكوا المصرى بيحاول يطلب اقل كماليات فى السيارة و احنا عن نفسنا عايزين ننزل احسن حاجة و لكن بسبب الضرائب و الجمارك المتخلفة التى تسببت فى غلاء السيارات و احنا كنا عايزين نخلى عربياتنا زاى الموبيلات يعنى فى مقدرة اى حد يشتريها
قلتله دة حال جميع التوكيلات فى بلدنا
و قالى فى موديلات لسة تحت الدراسة و التجربة و منهم الموديل A3
والذى يعد من اهم و افضل موديل انتجته الشركة حتى الان و اننا سوف ننافس السيارات الاسيوية جميعا و سوف نظل فوق القمة و انتظر ذلك قريبا
طبعا شكرته على الافادة ووجع الدماغ اللى سببتهوله
و رحب بيا جدا و قالى تحت امرك فى اى استفسار

و اظن دى بداية عصر السيارات الصينية خلاص
و لا ايه؟؟؟

[MegaDeth]

مممممممم انا عن نفسى مش ضد السيارات الصينيه
يعنى لو افتكرنا من 10 سنين كده ايام كا كانت الدايو لسه فأول ايامها و الهيونداى زمان اول ما الأكسيل نزل
كان كله تيولك ايه ده يا عم ؟!؟!؟!؟! كورى ؟
حد يشترى عربيه كورى ؟
وكلام قد كده اتقال
اتفرج دلؤتى بقت عامله ازى
الهبونداى اكتر من الناس فالشارع هههههه
انا بقول ان الصينى برضه لسه فأوله و اللى يقول ان الصينى مش هينتشر ده يبقى بيضحك على نفسه
تعالو كمان 5 سنين و اتفرجو الصينى ده هيبقى عامل ازاى

[momenhamdy]

طبعاً مجهود منك لازم تتشكر عليه بس فعلاً الناس دا عامله قلق في العالم مش بس في مجال السيارات لا في صناعات اخري كتير بس واضح انهم عايزين يدخلوا منافسة شرسة السنين الجاية في مجال السيارات

[salem]

bos ana a7'oya byro7 el seen ketir we bygeb sho3'l men henak we kda

el seen 3omoman fe kol haga bt3mlha 3yza tebatl som3tha el w7sha men na7yet el quality el zebala we da sababo el 7koma ba2et te3ml mora2ba gamda 3ala kol el masane3 3ashan kolo y3ml haga quality kowyesa awy we ye7asno som3t el hagat el seeny fe kol 7eta fel 3alam

fa a3takd mawdo3 seeny me3fan hayro7 orayeb sa7i7 mmken ya7'do w2t 3ala ma yewsalo lel kory aw el yapany bas akid hywsalo nas mo7tarma we bt3ml sho3'lha kowayes awy

[mostafabakry]

الصين دي دولة رهيبة و الناس دي عندها عزيمة وارادة تهد جبال
ناس عارفين هما عاوزين ايه بالظبط و ازاي يوصلوا له
الدور و الباقي علي خيبتنا احنا اللي موردتش علي حد

[Sharky]

أنا فى رأى السيارات الصينية لسه قدامها على الأقل من 5 إلى 7 سنوات علشان تبقى إعتمادية و تثبت إن سيارة ذات جودة و الدليل إنه هو نفسه قالك إنهم حيبدأو يركزوا لى جودة المنتج يعنى لسه حيبدأو و طبعا حتاخد الحكاية دى وقت لحد ما النس تقتنع بيها و دا مش حيحصل إلى بعد نزول موديل ممتاز الجودة و يقعد 5 سنوات من غير مشاكل

[blazer]

والله شركات تعتبر ليست بخبره اى شركه كوريه او يابانيه لما تقدر تبقى فى مستواهم و تنافسهم من دلوقتى
نحاول نقدر بقى بعد 5-7 سنين هتبقى عامله ازاى

[فادى]

الصين دي دولة رهيبة و الناس دي عندها عزيمة وارادة تهد جبال
ناس عارفين هما عاوزين ايه بالظبط و ازاي يوصلوا له
الدور و الباقي علي خيبتنا احنا اللي موردتش علي حد

لا مش حكاية عزيمة و لا حاجة,
الموضوع و ما فيه انو عددهم كبير, و الحكومة هناك معندهاش نقطة ضمير, و بتشغل الناس بالسخرة, و احنا شفنا من بضع سنوات ازاى اكتشفوا مصنع طوب فى الصين حابس شوية عمال و بيشغلهم مقابل الطعام!!
الصين دولة لها سجل سىء جدا فى حقوق الانسان, و العمال بيشتغلو بالكرباج و لازم يعملوا كده عشان يعيشوا, عشان كده منتجاتهم رخيصة و عددها كبير, و بعض الشركات معدومة الضمير بتستثمر هناك عشان تستفيد من نظام السخرة.

[Ahmed Anwer]

جيم بريس رئيس تويوتا - امريكا السابق ،، و رئيس كرايسلر حاليا

له تعليق رائع جدا و واقعي عن السيارات الصينية ،،

Press said it took the Japanese more than 25 years to crack the U.S. market, while Korean automakers had accomplished as much in half the time.
"It will take the Chinese about half the time it took the Koreans," he said. "You
have to take all of them seriously."


باختصار شديد ،، و ممكن تعملوا عليها سيرش علي الانترنت


"Japanese carmakers took 30 years. Koreans took 10 years. China will take five,"

[MedaSam]

و احنا نايميين في العسل الأبيض ........ و فتتح تعييش تاكل 2ara2eesh
و بعدين احنا لو عايزين ندخل السوق الأمريكي .... هاندخل بس مش فاضيين دلوقتي...... عايزيين نطلع كأس العالم الأول ..... تكون الصين طلعت المريخ ان شاء الله