مطلوب الافادة ضرورى جدا يا جماعة

**ahmedtoma** · 09-09-2008 10:56 AM

اية رايكوا فى العربية الفورد فوكس الجديدة حد شفها ؟ ولو حد شفها او عند حد يقولى راية فيها بصراحة ووضوح والمفاضلة بينها وبين الكرولا الجديدة والسيفيك الجديدة برجاء سرعة الرد :smile:

**AHMEDCAR** · 09-09-2008 01:01 PM

ابعد عن الفورد فى مشاركه لعضو هنا كان بيشتكى منها كتير و كمان الشكوى كانت مكرره

**Scent7104** · 09-09-2008 01:13 PM

رمضان كريم يا جماعة ...

الراجل بيسأل عن الفورد فوكس New shape و انا متهيألي فيها تغييرات كتيرة و لازم يكونوا تفادوا العيوب اللي فيها...

على فكرة أنا فاتحة موضوع بنفس السؤال في قسم فورد و برده كان فيه نفس الخلط ...

وانا مستغربة لأن العربية ده كانت بتتحجز قبل ما تنزل بشهرين و الدفعة الأولى و التانية كمان المفروض اتسلموا ومفيش أخبار في نايل موتورز و لسه بيتكلموا عن القديم!!!

**AHMEDCAR** · 09-09-2008 01:28 PM

احنا ليه لسه بتكلم على القديمه علشان مافيش فرق بين الاتنين غير فى الشكل الامامى فقط حتى الفوانيس الخلفيه و التابلوه يعتبر هوهو برضو تغيير بسيط بالتالى كل اللى غيروه شكل امامى فقط مش اكتر على ما اضن صح

يارب يكونوا ظبطوا المشكله اللى كانت فيها ياريت بجد علشان العربيه ده شكلها حلو اوى و عاجبنى

**Scent7104** · 09-09-2008 01:46 PM

هو ده اللي احنا بنسأل عليه و عايزين نتأكد منه عن تجربة لو فيه حد جربها ...

إنما الردود كلها جاية بالحكم على طول ان احنا نبعد عنها خالص!!!

طب ليه مش يمكن تكون اتعدلت و خصوصا" انها مش شركة كوري و لا صيني و لا مصري ده شركة كبيرة فأكيد عندها R&d و متابعة و لازم تحسن في العيوب اللي كانت فيها... علشان اسمها و سمعتها ... و انا أعتقد ان تغيير الشكل كان نتيجة لتغيير المضمون ( يعني علشان يفرقوا القديم عن الجديد و يقولوا انهم غيروا ) و لا ايه؟

و ياريت اللي يرد يبقى عن تجربة للعربية مش ذنب ناس يخلصوه ناس

**AHMEDCAR** · 09-09-2008 01:48 PM

شكرا و مش هارد تانى على الموضوع ده

**Adham** · 09-09-2008 02:03 PM

الفورد كلة مشكلتة عدم توفر قطع الغيار و ارتفاع سعرها جدا جدا و سوء الوكيل

مشكلة عامة, مش موضوع موديل معين

و الله أعلم

**Scent7104** · 09-09-2008 02:10 PM

المشاركة الأصلية كتبت بواسطة Adham

الفورد كلة مشكلتة عدم توفر قطع الغيار و ارتفاع سعرها جدا جدا و سوء الوكيل

مشكلة عامة, مش موضوع موديل معين

و الله أعلم

ممكن أعرف هو حضرتك أسعار قطع غيار الفورد فوكاس؟ و لا حضرتك بتقول على الفورد القديم؟ أصل اللي انا أعرفه (و ده من مصدرين : من موزع لها و من شركة تأمين) أن أسعار قطع غيار الفورد فوكاس (الشكل القديم) أرخص من الالنترا و التويوتا و اللانسر الجديد.

**Scent7104** · 09-09-2008 02:22 PM

المشاركة الأصلية كتبت بواسطة AHMEDCAR

شكرا و مش هارد تانى على الموضوع ده

معلش يا أستاذ أحمد أنا مقصدتش كده خالص أنا بس بحب المناقشة تبقى موضوعية و منطقية ... علسان أنا لما بأدخل في موضوع معين أو باتكلم فيه ده بيبقى أساس كلامي و لما بسأل على حاجة باكون عايزة أعرف بجد أو عايزة أفيد حد مش مجرد حوار و بس.

بس يمكن علشان ده أسلوبي فبأتمنى انه يكون ده أسلوبنا في المنتدى الهادف ده حتى تعم أكبر قدر من الفائدة و منعملش تشتيت للناس أكتر من كده ... كفاية الشركات و التوكيلات و الحكومة علينا

و كل سنة و حضرتك طيب:)

**AHMEDCAR** · 09-09-2008 02:25 PM

المشاركة الأصلية كتبت بواسطة Scent7104

معلش يا أستاذ أحمد أنا مقصدتش كده خالص أنا بس بحب المناقشة تبقى موضوعية و منطقية ... علسان أنا لما بأدخل في موضوع معين أو باتكلم فيه ده بيبقى أساس كلامي و لما بسأل على حاجة باكون عايزة أعرف بجد أو عايزة أفيد حد مش مجرد حوار و بس.

بس يمكن علشان ده أسلوبي فبأتمنى انه يكون ده أسلوبنا في المنتدى الهادف ده حتى تعم أكبر قدر من الفائدة و منعملش تشتيت للناس أكتر من كده ... كفاية الشركات و التوكيلات و الحكومة علينا

و كل سنة و حضرتك طيب:)

الحمد لله مافيش حاجه احنا هنا كلنا اخوات

الموضوع: مطلوب الافادة ضرورى جدا يا جماعة

LinkBack

أدوات الموضوع

عرض

-

-

-

-

المواضيع المتشابهه

لو سمحتم يا جماعة بعد اذنكم ارجو الافادة (ضرورى )

يا جماعة ارجو الافادة منكم ضرورى

الافادة ضرورى

الى كل مالكى الجيتا ارجو الافادة ضرورى ضرورى ضرورى

برجاء الافادة ضرورى جدا يا جماعة

الكلمات الدلالية لهذا الموضوع

المفضلات

المفضلات

ضوابط المشاركة