احذر لحام الاطارات بالخوابير

**mr_kenawy** · 24-09-2008 06:05 PM

من كام شهر الكاوتش فش و لما رحت اصلحه الراجل سألنى هتلحمه خوابير و لا عادى (رقع) قلتله انا ما اعرفش أعمل الصح , المهم لحمهولى خوابير , الموقف اتكرر كذا مرة بعد كدة و لحمت خوابير , و النهاردة لما رحت اصلح الكاوتش تبين ان الكاوتش شبه منتهى و ما يصلحش و ان السبب هو لحام الخوابير لانها بتفتح تانى و مكانها بيوسع بعد كدة و مش ممكن طبعا تتلحم خوابير تانى , انا مخنوق جدا من قلة الضمير اللى عند بتوع الكاوتش ,و بحذر الجميع من لحام الخوابير , خلينا فى اللحام التقليدى اللى طول عمرنا متعودين عليه.

**Nour_Peugeot** · 24-09-2008 06:24 PM

مهو معروف يا شباب ان الخوابير بتاكل الكاوتش من الداخل كمان

هو اللحام الفرن هو الي لا يعلي عليه و عن تجربة انا لو العربية هتقف و الحم خوبير ابدا عندي تقف احسن

ه ما بيعملو خوابير علشان ارخص و اسرع بس كده و مكسبه حلو عندهم

و ربنا يعوض عليك

**ahmedezzat78** · 24-09-2008 08:04 PM

الخابور بيبوظ الفرده لو فى احد جانبى الفرده او فى نقطة التقاء الجوانب مع المداس لانه بيخلى السلك يضرب

لكن الخابور فى المداس شغال

**Strong** · 24-09-2008 08:17 PM

mr_kenawy
شكرا على النصيحة يا غالي

المشاركة الأصلية كتبت بواسطة mr_kenawy

لحام الخوابير بتفتح تانى و مكانها بيوسع بعد كدة و مش ممكن طبعا تتلحم خوابير تانى , .

أنا غيرت الكاويتشين وكانوا لسه جداد مكملوش 3 شهور بسبب الخوابير مكانهم وسع والكاويتش عمل بروز لبره وكل ده بسبب اني مشيت في مكان فيه مسامير ودخل مسمارين في الكاويتش

المشاركة الأصلية كتبت بواسطة Nour_Peugeot

هما بيعملو خوابير علشان ارخص و اسرع بس كده و مكسبه حلو عندهم

الكلام ده صح فعلالالالالالالالالالالال الالالالا

**symasyma** · 25-09-2008 01:26 AM

طيب ممكن حد يقولنا افضل كان نلحم فيه ولو ممكن يوضح لنا طريقة اللحام الصح.
وشكرا

**ahmedezzat78** · 25-09-2008 03:05 AM

اى مركز خدمة اطارات محترم زى بريدجستون (انا جربت فرع كالتكس عباس العقاد و فرع شرم الشيخ) ......... المهم يكون عنده جخاز فك الكاوتش عشان ما يقعدش يدق على الجنط لو بيفك بعتله

لحام بادج داخلى مع التسخين بالمكواه افضل لو خرم صغير

**Nader** · 25-09-2008 03:10 AM

لحام الخابور مش غلط، بس المهم الكاوتش يتلحم بحرفية، كتير جداً

من بتوع الكاوتش تلاقية بيوسع في الخرم جامد علشان يدخل الخابور

ودة غلط.

المشاركة الأصلية كتبت بواسطة ahmedezzat78

اى مركز خدمة اطارات محترم زى بريدجستون (انا جربت فرع كالتكس عباس العقاد و فرع شرم الشيخ) ......... المهم يكون عنده جخاز فك الكاوتش عشان ما يقعدش يدق على الجنط لو بيفك بعتله

لحام بادج داخلى مع التسخين بالمكواه افضل لو خرم صغير

فعلاُ انا مجرب فرع عباس العقاد .

**د.محمود صلاح** · 26-09-2008 03:51 AM

أنا جربت لحام بالخابور الأمريكى بدون فك العجل من الخارج وبالباتش العادى الأسود المدور أبو اطار برتقالى اللون ... لم تحدث معى مشاكل نهائي فى أى خابور لحمته , أما بالباتش كذا مرة يفك من الحرارة وأعيد تركيبه مرة أخرى