هل يوجد فروق ملحوظه بين سيراتو 2016 و 2017

[عمرو جيت]

ان شاد الله هشتري سيراتو زيرو وفي فرق بين موديل 2016 وموديل 2017 حوالي 10000 جنيه فهل يوجد فروق واضحه بينهم ؟ ارجو الافاده من اهل الخبره

[AHMEDJUDDY]

الكشاف الامامي بالكامل و اضائه و تقسيم الفانوس الخلفي و شويه كماليات زياده ، و لو معاك ادفع و هات موديل سنتها و دلع نفسك ...

[Omar Sarray]

جيب الفيس لفت 17 اعلا فئه لو تقدر واستمتع بشكل جديد هوا فيس لفت مش شكل جديد كلى يعنى ومبروك مقدما

[شريف حجازي]

جيب الفيس لفت 17 اعلا فئه لو تقدر واستمتع بشكل جديد هوا فيس لفت مش شكل جديد كلى يعنى ومبروك مقدما

بكام يا بلدينا

[Omar Sarray]

الشكل الجديد الاعلا فئه حاليا 245 الف فى التوكيل وفيها كماليات حلوه وزياده زى تلفزيون فيها شاشه مقاس 7 انش وحجات كتير احلا زى الكشاف الامامى اتغير بقى احلا زنون وانقى من القديمه والاكصدام الامامى اتغير كلو وشكل الخلفى شويه اتغير فى ليدات العربيه بقى شكلو انسيابى احلا من الشكل القديم بس الجنوط بتاع الشكل القديم 2016 الاعلا فئه احلا بكتير من جنوط شكل 2017 فى الاعلا فئه لان مصر طلبت امكانيات معينه ومجبتش الجنط الشكل 17 الجديد طلبت من شركه الام جنوط مقاس 15 او 16 ومعرفش ليه كده جنوط شكل جديد 17 فى سيراتو موديل 2017 اجمل والقرار قرارك انت

[AHMEDJUDDY]

الشكل الجديد الاعلا فئه حاليا 245 الف فى التوكيل وفيها كماليات حلوه وزياده زى تلفزيون فيها شاشه مقاس 7 انش وحجات كتير احلا زى الكشاف الامامى اتغير بقى احلا زنون وانقى من القديمه والاكصدام الامامى اتغير كلو وشكل الخلفى شويه اتغير فى ليدات العربيه بقى شكلو انسيابى احلا من الشكل القديم بس الجنوط بتاع الشكل القديم 2016 الاعلا فئه احلا بكتير من جنوط شكل 2017 فى الاعلا فئه لان مصر طلبت امكانيات معينه ومجبتش الجنط الشكل 17 الجديد طلبت من شركه الام جنوط مقاس 15 او 16 ومعرفش ليه كده جنوط شكل جديد 17 فى سيراتو موديل 2017 اجمل والقرار قرارك انت

انا مع الكلام ده ،، انا بحب ادلع نفسي لو الامكانيات تسمح اجيب اعلي فئه ،، ياعم احنا هنعيش مره واحده و الروح بتلطع من الجثه مبترجعش تاااني .. توكل علي الله و هات اعلي فئه في الفيس ليفت لو امكانياتك تسمح ،، وان شاء الله مش هتندم

[amr fathy 123]

اللي انا اعرفه ان الفرق بين الهايلاين 2016 و 2017 في ان ال 2016 فيها تغيير السرعه من الطاره و ال 2017 مفيهاش و الجنوط في ال 2016 مقاس 17 و في ال 2017 مقاس 16 وتغيير في اضاءه الفانوس الأمامي و الخلفي

[ahmedmohsen8]

الف مبروك ياباشا وياريت تقولنا تجربتك لو اشترتها

[ahmedmohsen8]

ممكن حد يقولنا سعر الفئات 2017 و 2016 ؟

[devil_storm]

الشكل القديم احلي و فوانيسه الليد من ورا وقدام اشيك من الفيس ليفت