الموضوع: هل يوجد فروق بين موديلات هوندا eg9 92-95

الفروق مش رهيبة طبعا للدرجة اللى فى دامغك هو الشاسيه واحد اما الاختلافات بتبقى فى الماتور و العفشة
اعلى حاجة هى ال EG9 ودى بتبقى SIR Original بتنزل كاملة ABS و Airbags و غالبا مانيوال و الطنابر بتاعت الفرامل اللى قدام مقاس 14 مش 13 زى ال SI
يليها ال EG6 دى المتداولة هنا بس بتنزل بره بمواتير vtec 1500 , 1600 اما هنا بينزل ماتور ال SI اللى هو JDM ZC second generation لأن كان فى منه الجيل الاول وكان بينزل فى ال CRX القشكل القديم

دى اهم حاجة لازم تعرفها غير كده بقى اختلافات فئات يعنى مثلا ال EL دى بتبقى اقل حاجة العدادات مفيهاش RPM والمكنة 1500 كاربراتير و فى منها اوتوماتيك و فى مانيوال وفى منها زجاج كهرباء و فى عادة

وفى ال EX وده بتبقى كاملة كل حاجة ماعدا فاتحة السقف و المكنة 1500 كاربراتير برده و كذلك فى مانيوال و فى اوتوماتيك

وفى ال SI ودى بتعرفها من فتحة السقف ودى اعلى حاجة هنا فى السوق المصرى بس مافيهاش ABS ولا AIRBAGS اخرك ممكن تلاقى فيها جنب كماليتها الكتير مرايتين كهرباء ضم بس كده و مكنتها بتبقى 1600 كامتين و بطلع 137 حصان

بص مفيش فى مصر SIR original نهاااااااائى الا بقى لو حد كان جابها من بره

اما اللى معايا فانا كان معايا واحدة كنت شاريها من اول مالك و كانت STOCK و كانت فبريقة بره و جوة و كان لونها كحلى فايامها حبيت العب على الهادى و كان واحد صاحبى جايب عربية eg9 كاملة من اليابان ههههههههه فكيتها حتة حتة و نقلت من هنا لهنا المسمار و الكليبس الحاجة الوحيدة اللى عدلت فيها الضفيرة و كنت مقصرها بس غير كده نووووو بس طبعا معرفتش اشغل ايرباج التابلوه لأن التابلوه اللى كان جاى يمين فيدوب شغلت بتاع الطارة فقط اما ABS شغلته وكله كان شغال وبعتها من حوالى 3 سنين ب 68 الف بس كانت stock يدوب كان فيها طقم جنط هوندا 15 فقط من غير اى تعديلات لا خارجية و لاداخلية

انا لو هنصحك اول حاجة الطلقة لأنها تحففففففففففففة كركوب و جرى و اداء رياضى اما لو بتسافر و بتركب ناس معاك فنفضلهاااا لأنها ضيقة وراء و كذلك الشنطة
ثانيا الكوبيه دى ملهاااااااااااااش حل فى التعديل لأنها اصلا نازلة رياضية فانت بتلعب و بتوضب فى حاجة مرنة معاك
ثالثا الSI سيدان دى لو انت اصلا ملكش فى الهوندا هات سيدان علشان ماتتعبش فى قطع غيارها لأنها متوفرة لأن الطلقة و الكوبيه مختلفين من جوه عن ال سيدان و كذلك الصاج الخارجى