أرجو المساعدة من اهل الخبرة

[anasr]

انا فعلا محتاج مساعدة عشان اقدر احدد اختيارى لشراء العربية الكورسا السيدان ارجو منكم المساعدة في تقييم شامل للسيارة من مزايا و عيوب و سعر للكورسا بحالة جيدة جدا تكون موديل 2004 او 2005 و اية اهم الحجات اللي لازم اخد بالي منها و انا بكشف عليها.

[Ahmad Allawy]

شوف اللينك دي يا باشا..

http://www.nilemotors.net/Nile/showthread.php?p=336706#post336706

فيها مناقشات و كلام من مالكين للعربية.. و مميزات و عيوب..
و الاسعار فيها مش مطابقة لحال السوق دلوقتي..
بيتهيألي النضيف جدا منها و النضيف دي يعني في رأيي ماشية اقل من 50 الف كم. و فبريكة برة.. هتكون في حدود سعر 58-60 الف بالكتير جدا.. ولو اني اشك في رقم 60 ده.. متوصلش لكده خالص..
و كل ما الحالة بتقل.. كل ما السعر بينزل..لحد 50 الف..
يعني المتوسط من 50-55 الف.. و الكويس من 55-58..
اهم حاجة لازم تعرفها.ز ان العربية دي فيها مشكلة دايما في اسطوانة الدبرياج و الديسك..
الطقم ده علي الاقل.ز بيتغير كل 40-50 الف كم.. مع سير الكاتينه .. تعمل حسابك في كده..و تمنه حوالي 1500 جنيه.. ولو انه في ناس معملش معاها اي مشاكل لأكتر من 100 الف كم.. و ناس غيروه في اقل من 70 الف كم..
بس عشان تبقي عامل حسابك..

[anasr]

ألف شكر يا باشا علي الرد السريع و انا شوفت اللينك بس عندي سؤال مفيش حل لموضوع الصوت العالي بتعها و سؤال تاني فيه اخ رد و قال ان موتورها موتور لانوس بس انا مش مقتنع طبعا

[Ahmad Allawy]

هي العربية صوتها مش عالي..
هو ممكن نقول ان عزل الكابينه بتاعها هو اللي مش كويس..
و ده موضوع نسبي..
يعني انت ممكن متحسش بيه.. وواحد غيرك يتضايق منه جدا..
دي حاجة مش هيحسكها غير ركوبك للعربية و التجربة..

اما بالنسبة لأن موتورها هو نفس موتور اللانوس..
فهو الكلام مش مظبوط تماما.. بس الي حد كبير الكلام صح
يعني نفس الديزاين تقريبا.. و نفس المكونات..
كامة واحدة 8 صباب.. تفرق السعه الليترية بس..
و علي فكرة كل الفرق بينهم هو السبيكة اللي المكونات بتاعت الموتور معمولة منها..
لأن دايو تبع جنرال موتورز.. و الاوبل دي اللي هي ف الاصل شيفروليه برضه نفس المجموعه.. و نفس التكنولوجي.
ودي حاجة مش وحشة.. لأنها بتنفع جدا ف قطع الغيار كمان.. ممكن تلاقي حاجات كتير منهم مشتركة.. تجيبها بتاعت دايو ارخص بكتير..
و مواتير الدايز عموما معمرة مش وحشة حالص.ز و عمرها الافتراضي كويس جدا.. و افضل من الهيونداي بكتير..