رينو لوجان Mcv سبعة راكب تاكسي أبيض وأسود (ربنا يبارك لصاحبها) (تقرير مصور)

[ahmed1981]

كنت بمدينة 6 أكتوبر اليوم
وبالصدفة في مدخل المدينة شاهدت هذا المنظر الجمييل

رينو لوجان MCV سبعة راكب تاكسي أبيض وأسود (ربنا يبارك لصاحبها)
أنا شفت تكاسي متغيره زيرو كثير في الفترة الأخيرة
لكن أول مرة أشوف رينو لوجان 7 راكب
أخيراً البيجو ال 7 راكب أصبح لها بديل إقتصادي في السوق المصري

عموماً أنا صورتها بالتدريج

أترككم مع الصور:
-*1*-

-*2*-

-*3*-

-*4*-

[islambana]

تسلم ايدك ع الصور ياباشمهندس احمد انا صوتت للاختيار التاني بس اللوجان مش هتحل مكان البيجو وده للاسباب دي :-
1- ان كل سواقين البيجو (بين المحافظات )بيقلبوا لميكروباص اما داخل المدينه هيجيبوا عربيات تاني غير اللوجان تكون الصنايعيه بتفهم فيها وقطع غيارها رخيصه و علي الرصيف زي (اللانوس -الفيرنا-اللادا ) وكده

[ouba2]

ربنا يبارك لصاحبها

[Lord of the flies]

تقرير رائع و اسئلة فى محلها
انا اعتقد ان الحكومة يجب ان تحاول احياء العداد ولكن بتسعيرة جديدة مرضية للطرفين.

[احمد عز]

سأدفع مثلما أدفع لأي تاكسي قديم

[mahamedaraby]

نفسى يبقى عندنا نظام عداد محترم يرضى الطرفين ويبقى عادل فى التسعريه زى بقيت الدول

وشكرا على التقرير المصور يا باشا

[mostafabakry]

اتوقع انتشار كبير للعربية دي خلال السنة القادمة
انا حجزت واحدة و ان شاء الله هستلم قريب
ادعوا لي بالتوفيق و ان شاء الله لما هستلم هعملكم تقارير عنها زي ما انتوا عاوزين

[roky]

نفسى يبقى عندنا نظام عداد محترم يرضى الطرفين ويبقى عادل فى التسعريه زى بقيت الدول

وشكرا على التقرير المصور يا باشا

عربية جميلة .. مباركه علي صاحبها .. و يحرس سايقها
بس
هو الفكرة مش نرجع تاني العداد أو نغير تسعيرة البنديرة .. حتي لو الحكومة عملت تعريفة جديدة متهيائلي الناس مش السواقين هما اللي هايشجعو السواقين ما يمشوش بالعداد ... تقولي أزي .. أقولك أزاي

أيحانا بيكون الواحد مستعجل و عاوز يروح مشوار قريب 2 او 3 كيلو بالكتير بعيد .. بس في طريقك في أشارة دايما واقفة و فيها نص ساعة علي ماتطلع منها ... أو مثلا عشان سواق التاكس يلف و برجع بعد ما يوصلك هايلف لفة بنت لذين عشان التخطيط المروري الرائع في بلدنا ...
فتفضل تشاور لنص تكسات البلد ماحدش منهم يرضي يوصلك لانه عارف ان المشوار ده في العداد مش هايعمل اكتر من 2لـ 3 جنيه ف مش هايرضي يوصلك
قولي بقي لو واحدة ست و مستعجلة مش هاتقول للسواق هادفع لك اللي انت عاوزة بس وصلني ...!
أهي هي النظرية دي "هادفعلك اللي انت عاوزه" هي دي اللي بتبوظ النظام ... مش من حقك يا أستاذي الفاضل تتدفع أكتر من المطلوب عشان تحصل علي اللي انت عايزة ... و ماينفعش تقولي أنا حر في مالي ... لان ده بيطمع البائعين - أو السواقين - و يعتبرو ان المبلغ ده هو حقهم الطبيعي، و أنت كده تيظلم اخوانك الاخرين لان دايما السواقين بيطلبو اكتر عشان عشان سيادتك دفعت اكتر.

ودي نظرية عامة هاتلاقوها في أي سلعة الناس في حاجة شديدة ليها... التاكسات ... و ظاهرة جدا في العقارات ... الخ

خدو عندكم مثال صغير ... التاكسات في محافظة اسيوط بتاخد جنيه و ربع بس .. ودي أجرة ثابتة محدداها المحافظة لاي مشوار داخل المدينة مهما كان بعيد او قريب .. لكن شعب اسيوط - مع كل الأحترام - لو كان هايموت و عاوز يروح مشوار ضروري و مستعجل لايمكن يدفع للسواق اكتر من جنيه و ربع عشان يوصله ،،، و ان شالله ما رحنا ولا اتنيلنا ... و أدي لكل ذي حق حقه و بس
وعشان كده الأجرة زي ماهي مابتتغيرش حتي بعد زيادة اسعار الوقود... ولافيش سواق يقول مارحش الحتة الفلانية ولا المشوار ده ماخدش فيه اقل من كذا ... و أذا في سواق عمل كده الراكب بياخد رقمه و يبلغ حتي لو ماستفدش حاجة لكن بيحافظ علي حقه و حق أخوانه اللي لايمكن التهاون فيه ...
مع مقارنة الحال في محافظات اخري

مجرد رأي

[Mostafa Taher]

عربية جميلة ..

..............
خدو عندكم مثال صغير ... التاكسات في محافظة اسيوط بتاخد جنيه و ربع بس .. ودي أجرة ثابتة محدداها المحافظة لاي مشوار داخل المدينة مهما كان بعيد او قريب .. لكن شعب اسيوط - مع كل الأحترام - لو كان هايموت و عاوز يروح مشوار ضروري و مستعجل لايمكن يدفع للسواق اكتر من جنيه و ربع عشان يوصله ،،، و ان شالله ما رحنا ولا اتنيلنا ... و أدي لكل ذي حق حقه و بس
وعشان كده الأجرة زي ماهي مابتتغيرش حتي بعد زيادة اسعار الوقود... ولافيش سواق يقول مارحش الحتة الفلانية ولا المشوار ده ماخدش فيه اقل من كذا ... و أذا في سواق عمل كده الراكب بياخد رقمه و يبلغ حتي لو ماستفدش حاجة لكن بيحافظ علي حقه و حق أخوانه اللي لايمكن التهاون فيه ...
مع مقارنة الحال في محافظات اخري

مجرد رأي

يا باشا اسيووط خارج كل النظريااات التى من الممكن ان تطبق فى اى مكااان

أسيوط دى حكاية بذاتهاااا مالناش دعوة بيهااا

[MohaMed_Refaat]

طب والله التاكسى شكلة حضارررررررى جدا وشيك بدل التاكسيات العجيبة الموجودة فى بلدنا اللى تلاقية حاطط كل انواع الاكسسوارات اللى فى السوق علشان يبان انة مروش وحضارى .