تغطية مقابلة شهر ديسمبر 2008

[Ahmed Selim]

لسه راجع من المقابلة دلوقتى.......

كانت ظريفة والحمد لله.......ناقشنا بعض الأمور ومن ضمنها التعديلات الفنية بالمنتدى......أتضحلنا أن رجالة الدعم الفنى عاملين شغل جامد وأنتظروا منهم تعديلات جديدة قريب أن شاء الله.

بعض السادة الحضور على قد ما تسعفنى الذاكرة......
1- كريم منير
2- د. أحمد سمير
3- سبعاوى
4- نادر
5- د. أحمد عبد الغنى
6- شاركى
7- محمد ممدوح
8- أبو عبد الله
9- أيمن مومو
10- العقيد خالد ( خالد لانوس )
11- رامى طنطاوى
12- عمرو عمارة
13- سومو
14- أحمد كار
15- مصطفى فاروق
16- محمد مصطفى
17- تامر سامى
18- محمد عادل أمين
19- هانى محمد
20- محمد نايل ستورم

وقام بعض الأعضاء بتجارب للسيارة ميجان وكذلك بعض السيارات الأخرى زى الفيكترا بتاعت سومو و الأسترا بتاعت مصطفى فاروق وكمان كورولا الجديد

بعض صور المقابلة ( كلها رينو عشان موضوع المقابلة كان موضوعها عن رينو مع أن أحنا متكلمناش كتير عنها )

[human]

والدتى جات من غير ماتقول
و قاعده معانا
و مش عارف انزل طبعا
خساره
بجد كنت مظبط نفسى
تانى مره الوحوش يتقالوا و ماعرفش اشوف حد
بجد حاجه تحزن
والدتى عامله كيكه حلوه بالشيكولاته ريحتها طالعه
هاروح اكلها لعل و عسى تنسينى :)

[human]

العربيات الميجان ماشاءالله و حووووش واقفه
الوحوش لازم يسوقوا وحوش طبعا

ياريت يا احمد تقولنا المناقشات دارت ازاى

[Ahmad Allawy]

لسه راجع من المقابلة دلوقتى.......

كانت ظريفة والحمد لله.......ناقشنا بعض الأمور ومن ضمنها التعديلات الفنية بالمنتدى......أتضحلنا أن رجالة الدعم الفنى عاملين شغل جامد وأنتظروا منهم تعديلات جديدة قريب أن شاء الله.

بعض السادة الحضور على قد ما تسعفنى الذاكرة......
1- كريم منير
2- د. أحمد سمير
3- سبعاوى
4- نادر
5- د. أحمد عبد الغنى
6- شاركى
7- محمد ممدوح
8- أبو عبد الله
9- أيمن مومو
10- العقيد خالد ( خالد لانوس )
11- رامى طنطاوى
12- عمرو عمارة
13- سومو
14- أحمد كار
15- مصطفى فاروق
16- محمد مصطفى
17- تامر سامى
18- محمد عادل أمين
19- هانى محمد
20- محمد نايل ستورم

وقام بعض الأعضاء بتجارب للسيارة ميجان وكذلك بعض السيارات الأخرى زى الفيكترا بتاعت سومو و الأسترا بتاعت مصطفى فاروق وكمان كورولا الجديد

بعض صور المقابلة ( كلها رينو عشان موضوع المقابلة كان موضوعها عن رينو مع أن أحنا متكلمناش كتير عنها )

ماشي ماشي..
انا غلطان اني جيبت معايا صديقي بالميجان بتاعته..
يا راجل ده الوحيد اللي معلق نمر جديدة.. :) :)
و صورة عربيته منورة في معظم الصور..

انا باهرج يا باشا.. مش زعلان طبعا ولا حاجة..

[Karim_Monir]

تغطية مقابلة شهر ديسمبر 2008

السلام عليكم ورحمه الله
لسه راجع من مقابلة شهر ديسمبر في البروة
بجد مقابلة هايلة جدا
ووحوش رينو كانو منورين وعاملين شو كالعادة بس ماخدتش ولا لفة
اصل بصراحة الجو كان برد جدا مش طبيعي
جاكت وتحتة بول اوفر وكوفية وكاب ومفيش فايدة
الجو تلج
بس الصحبة احلى دفا والله
معلش انا الذاكرة عندي خربانة ومش هاعرف اقول اسماء عشان محدش يزعل بس كل ماسال حدعن اسمه يقولي من رينو تيم
مش عارف ايه الاحتلال ده
يا ريت بقي اللي عندة اسماء او صور يحطها هنا
وي ريت نعمل تاج للصورتين اللي خدتهم

[Karim_Monir]

طارق باشا كان نفسنا نشوفك بس الكيكة احلى يا عم في الدفا ده
طب انا في اخر الشارع مش بعيد
حتة دليفري كدة ولا حاجة
الف هنا يا عم
يا جماعة موضوع تغطية المقبلة هنا
لان ده علان المقبلة مش التغطية
http://www.nilemotors.net/Nile/showthread.php?t=52025

[Ahmed Selim]

يا ريت لو حد من الأدارة ينقل المشاركة بتاعتى فى موضوع التغطية....أصلى شغال على مودم فودافون والحمار ( العداد ) بيعد

[Ahmed Selim]

ماشي ماشي..
انا غلطان اني جيبت معايا صديقي بالميجان بتاعته..
يا راجل ده الوحيد اللي معلق نمر جديدة.. :) :)
و صورة عربيته منورة في معظم الصور..

انا باهرج يا باشا.. مش زعلان طبعا ولا حاجة..

أحمد باشا...........أنا مقدرش طبعاً على زعلك....بس بجد أنا الزهايمر عندى عالى قوى

[Ahmad Allawy]

أحمد باشا...........أنا مقدرش طبعاً على زعلك....بس بجد أنا الزهايمر عندى عالى قوى

لا خالص يا باشا..
انا بارخم عليك بس.. و مش زعلان طبعا..
كفاية انها فرصة اني اتعرف علي حضراتكم..
و مكنتش فاكر ان الميجان كتير كده ف المنتدي..
(ما شاء الله.. ربنا يزيد و يبارك.. لا حد يفتكرني باحسدكم ولا حاجة.. :) :) )

[Ahmad Allawy]

انت اللي مشيت بدري بقي.. ذنبك علي جنبك..
التجارب كلها اشتغلت بعد ما مشيت طوالي..
(الظاهر كانوا خايفين علي عربياتهم منك يا كيمو. :) :) )
انا عن نفسي جربت عربية صديقي..
ميجان بس مانيوال.. (انا عارف انت بتحب الحاجات المانيوال دي..)
و جربت عربية سومو..
و المقارنات كانت شغالة علي اشدها بين الميجان الهاتش باك و الاسترا.. :) :)
و فاتتك الكورولا الجديدة كمان.. كانت منورة..
لكن هاقولك ايه بقي.. يلا معلش.. مالكش حظ المرة دي..
جرب حظك مرة اخري.. :) :)

[mixd99999]

الف شكر على الصور يا بشمهندس كريم:k10:
شكلها كده كانت مقابله جامده
(كان نفسي اروح واتعرف على الاعضاء بس للاسف مكنش معايا عربيةخصوصا اني مروحتش ولا مقابلة معاكم لحد دلوقتي)

ياريت بقى يا جماعة اللي حضر المقابلة يحكي لينا عليها بالتفصيل
واللي صور حاجة يرفعهلنا علشان نتفرج ونعرف ايه اللي حصل اكتر

واخيرا حمد لله بالسلامة لرجعوكم لاخواتكم في المنتدى بالسلامة

[brown-eyes]

انا زعلان اوي انا روحت متاخر وكان ناس كتير مشيت وانا ماعرفش حد اصلا وكله كان بيتكلم مع بعض ومعرفتش اندمج مع حد والجو كان سقعة انا دخلت شربت شاي ومشيت بم اني معرفش حد

[Samir Elshahawy]

شكرا لك ياكريم علي الصور و بجد كانت فرصة هايلة أني أتعرف علي الناس الحلوة دي و أن شاء الله تتكرر و يكون باقي أعضاء المنتدي موجودين

[ضيف]

كريم باشا الله ينور و تسلم الأيادي

[Sharky]

شكرا يا جماعة لكل من حضر المقابلة
و تحية كبيرة لوحوش رينو إللى نوروا المقابلة طبعا

و تحبة خاصة لماندو باشا لحضوره رغم تأخرة بالكرولا الجنوب أفريقى
و شكرا على التجربه و ربنا يبارك لك فيها

فاتك يا كريم بعد مامشيت العديد من التجارب اللى حصلت و منها المفاجاة الكبرى و هى تجربة ابو عبدالله للميجان !!!!

فى إنتظار صور تجربة ابو عبدالله للميجان يا عمرو
دا حدث تاريخى فى المنتدى يا جماعة ابوعبدالله بيسوق الميجان !!!