عايز اشتري ورق حائط ؟ منين يا تري ؟؟

**El.Hossieny** · 18-01-2009 12:52 PM

لو سمحت يا جماعة انا عايز اشتري ورق حائط عشان اعمل غرفة نوم مقاستها 3*3.5 ... يا تري منين و ايه الاسعار ؟ علما اني ساكن في مصر الجديدة
و هل في اشكال تنفع ل غرفة اطفال ؟ اعذروني عشان عمري ما استعملت ورق الحائط
.. و ممكن اشوف اشكال و نقشات الحاجات دي اذاي ؟؟

**El.Hossieny** · 18-01-2009 04:02 PM

يا جماعة هو الموضوع صعب اوي كدة ؟

6 مشاهدات و محدش رد

**askoda** · 18-01-2009 04:37 PM

بص يا باشا أنا كمان عايز أعمل زيك

في واحد أدم دار الدفاع الجوي إلي في شارع النزهة اسمو أنيس عندو مجموعة كبيرة

وفي شبانة إلي في شارع هارون الرشيد إلي في ميدان الجامع بردو عند حاجات كويسة

بس على فكرة هتطسدم في الاسعار شوية

بس عامةً أنا إلي عرفتو انك لو عايز الحاجة إلي هي حلوة أوي الأوضة ممكن تكلفك بتاع ٣٠٠٠ جنيه

**El.Hossieny** · 18-01-2009 05:17 PM

بص يا باشا أنا كمان عايز أعمل زيك

في واحد أدم دار الدفاع الجوي إلي في شارع النزهة اسمو أنيس عندو مجموعة كبيرة

وفي شبانة إلي في شارع هارون الرشيد إلي في ميدان الجامع بردو عند حاجات كويسة

بس على فكرة هتطسدم في الاسعار شوية

بس عامةً أنا إلي عرفتو انك لو عايز الحاجة إلي هي حلوة أوي الأوضة ممكن تكلفك بتاع ٣٠٠٠ جنيه
رد باقتباس

طبعا رقم كبير جدا .... طيب يا تري حد يعرف طريقة التركيب اذاي ؟؟ و مصنعية اللي هيركب بتبقي غالبا كام ؟؟

**mohmd76** · 18-01-2009 09:54 PM

اغلب بائعى هذه المنتجات اما جراج العتبة منطقة تسمى الرويعى
اذهب الى هناك ستجد كل ما تريدة انما الاماكن السابق ذكرها فهى غالية جدا لوقوعها فى مكان مرتفع المعيشة
والمناسب ايضا فى ميدان الجامع بمصر الجديدة

**Dr.A.Nabil** · 18-01-2009 11:36 PM

بص
ورق الحائط عموما غالي جدا لأن الانواع الحلوه اللي فيه ايطالي

عموما.... روح الرويعي وشوف هناك
ان ماكنش اي مركز يوتن او كيماويات البناء الحديث او داري هاتلاقي عنده...

تركيبه بيتعمل بماده وتقريبا المتر بيتلصق من 5 الى 10 ج مصنعيه

**HeMa_LanCeR** · 18-01-2009 11:47 PM

الرويعي مافيش غيره
وعلي فكره معظم المحلات دي اصلا بتجيب من الرويعي
وفي اشكال ورق حائط بارزه نازله جديد بس تحفه
ةطبعا في حاجات تنفع للأطفال وهاتعجبك قوووووي
لكن الاسعار ما اعرفش انا اخر مره اشتريت كان من 4 سنين وانا اللي لزقته بنفسي

**elzaradashty** · 19-01-2009 12:14 AM

الرويعى هتلاقى فى كل طلباتك وعموماً فى اشكال كتير واسعار كتير والروول عرضه 50 سم وطوله 10 متر يعنى كل رول بيعمل متر ونصف تقريباً على الحائط والاسعار هتلاقى من اول 15 للروول لغاية 100 و120 حسب الخامة والنوع والرسمة بس الاسعار الرخيصة بتبقى مصرى ونقشة عادية اما اللصق فبيتباع عند الراجل بتاع الورق نفسه او عند الموان وهو بيبقى بودر وبيتخفف بماء ساخن على العموم طرقة تحضيره مكتوبة عليه وطريقة اللصق تقطع الرول بأرتفاع الحائط وبالباقى توفق الرسمة او النقشة بنفس الطول لغاية لما يبقى الرول مقسم الى 3 اجزاء متوافقة وتبدأ تقلب الورق على ظهره وبفورشة مقاس 2.5 بوصة تدهنها باللصق ويفضل وجود شخص اخر معاك وبعدين تمسك الجزء الجاهز للصق من اعلى وتثبته على الحائط ويحرص الشخص الاخر على ابعاد اسفل الورق عن الحائط وتقوم بأستخدام فوطة جافة ونظيفة بتثبيت الورق من الاعلى الى الاسفل حتى يلصق تماما هكذا فى باقى الرول وحتى ينتهى الثلاث اجزاء ثم قم بتحضير رول اخر مع الحرص على توافق الرسومات او النقشة المرسومة.

**amr5500** · 19-01-2009 12:37 AM

المشاركة الأصلية كتبت بواسطة tashash

لو سمحت يا جماعة انا عايز اشتري ورق حائط عشان اعمل غرفة نوم مقاستها 3*3.5 ... يا تري منين و ايه الاسعار ؟ علما اني ساكن في مصر الجديدة
و هل في اشكال تنفع ل غرفة اطفال ؟ اعذروني عشان عمري ما استعملت ورق الحائط
.. و ممكن اشوف اشكال و نقشات الحاجات دي اذاي ؟؟

انا لقيت الاعلان ده علي موقع مصراوي ممكن بفيدك

http://www.masrawy.com/classfied/det...x?code=1727042

**Tmhami** · 19-01-2009 08:51 AM

ana lesa gayeb wara2 7a2et 3andy f el sha2a ,

there are two good places for that

el rewe3y w el as3ar henak mn mn 60 LE till 150 LE bs besara7a el azwa2 henak msh 7elwa

there is another place called up&down dah f mostafa el na7as 2abl takat3 m3 makrm 3ebed w anta rag3 mn el 3asher

dah kaman keways gedn bs el as3ar henak mn 275 LE till 295 LE w deh as3ar kol el ma7lat 2ly 7awaleh kaman
bs fe3ln 7agat 7elwa awy awy w kaman 2009

benlensba l el sena3a f howa 3andoh almany ,bs momken tela2y f el ma7lat el tanya chinese , italian , .....

kol el as3ar deh l el 5 m2 ( meter morab3)

howa 10 m X 0.5 M