هل هناك لانسر بموصفات تسمى شرق أوسط ؟

[mohey]

أرجو من اصحاب الخبره إفادتى :
بالأمس السبت 1/9 ذهب لأحد المعارض بالأسكندريه "ألفا موتورز" موزع لشركة ناشونال موتورزبالقاهرة للسؤال عن سعر السياره الـ لانسر 1600 النازل عنها إعلان فى أهرام الجمعه وحسب معلوماتى بأن السيارة إما بمواصفات مصريه أو خليجى ولاكن الغريب أنه تم إفادتى بأن السيارة ليست خليجى أو مصرى وإنما موصفات شرق أوسط وأنها يبانى المنشاء !!!!!
أرجو الإفادة عن تلك المواصفه وهل الأسعار التالية مناسبه أم غير ذلك ؟
1-سعر الأتوماتيك بدون وسائد هوائية وبدون جنوط وبدون ABS وبدون كاسيت بـ 97000 جنيه
2-سعر المانيوال منها بنفس الموصفات السابقة بـ 94000 جنيه
3-سعر H.Sport بـ 104000

[معاذ الشرباصى]

اللى بيقولوا عليها مواصفات شرق اوسط بتبقى اردنى

[شريف]

الاسعار دى غالية قوى لية كدة؟ :shock:

[mohey]

معاذ باشا أنا شكيت فى ذلك أيضاً أنها أردنى فهل أنت متأكد من تلك المعلومه وما رأيك فى الأسعار؟
وشكرا على الإفادة

[mohey]

شريف باشا لو ممكن تخبرنا بالأسعارالمناسبة؟

[boody2]

معاذ باشا أنا شكيت فى ذلك أيضاً أنها أردنى فهل أنت متأكد من تلك المعلومه وما رأيك فى الأسعار؟
وشكرا على الإفادة

عزيزي محيي

اعتقد انها مواصفات اردني بس ايه المشكلة في الاردني؟؟؟؟؟ .السيارة معايا اردني وليس بها مشكلة و بعدين مش هيا في الاخر خارجة من المصنع في اليابان .عزيزي اهم حاجة سعر السيارة و الضمان اما اردني و كويتي و اماراتي و مصري فهي في الاخر ميتسوبيشي و ما هي الا اسماء سميتموها .

و لو عزت اي استفسار انا تحت امرك..

[eng_elnaggar]

مهاب باشا
يا ترى ايه اللي يفرق العربية الأردني عن الخليجي العادية في المواصفات او الكماليات؟؟؟
ويا ترى انت شاريها منين وبكام وهل فيه منها 1300 مانوال؟؟؟

وشكرا جزيلا

[boody2]

مهاب باشا
يا ترى ايه اللي يفرق العربية الأردني عن الخليجي العادية في المواصفات او الكماليات؟؟؟
ويا ترى انت شاريها منين وبكام وهل فيه منها 1300 مانوال؟؟؟

وشكرا جزيلا

عزيزي

انا شاري عربيتي من سنة فالاسعار مختلفة .شاريها من معرض ديلز في المعادي بضمان سنة و هما ناس امناء جدااا .

بالنسبة للاختلافات في الموتور لا يوجد اما سيارتي فكان فيها سبويلر خلفي و كاسيت اصلي و فارش عادي ولو عايز جنوط اصلي تزيد 2000 جنيه

لا يوجد بها اعتاب(غير مفيدة في مصر حتي لا تصدم بالرصيف) وايضا لا يوجد بها ابانوس و لا عصاية فتيس جلد .

و هذه هي الفروق فقط لا غير اما السيارة فهي كاي سيارة اخري خليجي او مصري ...

[mohey]

شكراً يا boodey2 على إفادتك وأنا شايف إن وجهة نظرك فى محلها
بس فى إستفسار بسيط بخصوص المساعدين فى الأردنىمن النوع الهوائى فى حين أن الأخريات مساعديين زيت . هل فعلاً تلك المعلومه صحيحه أم لا؟
وشكرا

وما رأيك فى الأسعار

[boody2]

شكراً يا boodey2 على إفادتك وأنا شايف إن وجهة نظرك فى محلها
بس فى إستفسار بسيط بخصوص المساعدين فى الأردنىمن النوع الهوائى فى حين أن الأخريات مساعديين زيت . هل فعلاً تلك المعلومه صحيحه أم لا؟
وشكرا

وما رأيك فى الأسعار

ستاذ محيي

السيارة هي السيارة لا مساعدين مختلفين و لا غيره و لا بوية مختلفة و لا غيرة .. بوية الخليجي هي بوية المصري هي بوية اللاردني هي بوية الايطالي هي الفرنساوي و المساعدين كذلك .. كل الاختلاف في الكماليات المطلوبة من كل بلد .مثلا الاماراتي بما اني عايش في دبي يشترط و جود طفاية حريق في السيارة و الكويتي فرش و عصاية جلد .و المصري لا يوجد فيه الكاسيت من اساسه و هكذا زو التكييف هو التكييف في كله الخليجي زي المصري ..
معلومة لحضرتك ::الخليجي كتير في مصر من المتسوبيشي بالذات علشان المتسوبيش مبيعاتها قليلة في الخليج و علي هذا بتصدر لمصر بينما مبيعات التويوتا عالية في الخليج فهما مش محتاجين يصدروا فائض عندهم في مصر

بالنسبة للاسعار هناك تفاوت كبير بس بصراحة معرض ديلز ناس محترمين و انا اعرفهم كويس و انا اشتريت من عندهم بعد ما سئلت في السوق و الحمد لله ممكن تسئل عندهم و علي فكرة هما يعرفوا ربنا كويس قوي قوي قوي ..