دفعت مقدم سيراتو شرق أوسط أعلى فئة

**owahab** · 08-09-2011 01:33 AM

السلام عليكم .

باركولي ، دفعت مقدم سيراتو 2012 أعلى فئة - شرق أوسط من سمير ريان .
تحتوي على:

طارة مالتي
فتيس بدالات في الطارة
بلوتوث
تكييف تتش
باركينج سينسور
باركينج كاميرا
فرش مخملي
مفتاح بصمة
جنوط 17
فتحة سقف

سعرها 129 ألف .

العربية ماشاء الله تحفة .

بس لسه عندي الفرصة أقرر هاخدها واللا أغيرها بخليجي أو وكيل .

ايه اقتراحاتكم ؟

**ابو ليلى** · 08-09-2011 01:39 AM

الف مبروك وربنا يبارك فيها

يعنى ايه شرق اوسط ؟

وايه الفرق اللى بينها وبين الوكيل علشان نقدر نحكم

**ابو ليلى** · 08-09-2011 02:34 AM

المشاركة الأصلية كتبت بواسطة owahab

والله قالولي عفشة أحسن شوية ، بالنسبة للفرق ففيه كماليات مش عند الوكيل أصلا .

اولا متصدقش كلام البيعين لان كتير من كلامهم كله كدب علشان يبيع وخلاص العفشة واحدة سواء خليجى ولا وكيل ولا شرق اوسط دى
ثانيا برضه معرفش يعنى ايه شرق اوسط اى بلد يعنى
ثالثا ايه الفرق فى السعر بينها وبين الوكيل فى نفس الفئة السعرية اكيد سالت وعرفت ؟

**masterzmind** · 08-09-2011 02:51 AM

والله قالولي عفشة أحسن شوية ، بالنسبة للفرق ففيه كماليات مش عند الوكيل أصلا .

مفيش الكلام دة دة بيضحك عليك زى ما الاستاذ abouleila قالك ...

**AutoTycoon** · 08-09-2011 03:14 AM

هو اصلاً العفشة اتغيرت في الموديلات الجديدة ؟؟

**owahab** · 08-09-2011 03:27 AM

المشاركة الأصلية كتبت بواسطة masterzmind

بس انا شايف انك ممكن تجيبها بارخص من كدة دى الكوبية الى فيها كل الكلام دة ب 132 الف انت ب 129 دوور فى جابر عبد الشهيد واحسن خليجى خليجى السعودى انا معرف اة الشرق الاوسط دة ربنا يكرمك ويبعد عنك العين ومتنساش تدبح حاجة

نفس الكماليات بالظبط موديل 2011 سعودي ب 127 ألف (أقل 2000 جنيه) .

الفكرة اني مش شايف أي فرق بينها وبين الخليجي ومش لاقي خليجي سعودي أو كويتي 2011. حتي جابر عبد الشهيد اللي كل الناس بتشهدله مبقاش بينزل خليجي سعودي بقى بينزل حاجة اسمها مجلس التعاون الخليجي والبياع عنده بيقول انه مبقاش فيه فرق بين كويتي وسعودي وكلهم بينزلوا عنده باسم مجلس التعاون الخليجي .

يمكن عشان عايز يبيع ؟ مش عارف .

الواحد بيسأل ويدور وبيقرر حسب الخيارات المتاحة .
سمير ريان ممكن يبقى أغلى بس غالبا 1000 جنيه بس .

**owahab** · 08-09-2011 03:28 AM

المشاركة الأصلية كتبت بواسطة autotycoon

هو اصلاً العفشة اتغيرت في الموديلات الجديدة ؟؟

معتقدش . لسه مشكلة التعليق الخلفي موجودة غالبا .

**masterzmind** · 08-09-2011 03:38 AM

معتقدش . لسه مشكلة التعليق الخلفي موجودة غالبا

بص انا مش قصدى اهين العربية بس بقولك الصراحة العربية نفس العفشة يا باشا دة الانترا الجديدة نفس العفشة بتاعت السيراتو واستنى رائى الاعضاء هما هيقدرو يفيدوك اكثر .... انت تعرف سعر الكوبية الخليجى السعودى بيكام ( سعودى عشان هية الوحيدة الى بتنزل فيها esp )

-

الموضوع: دفعت مقدم سيراتو شرق أوسط أعلى فئة

LinkBack

أدوات الموضوع

عرض

-

-

-

-

-

المواضيع المتشابهه

دفعت مقدم كارينز خليجى

النهاردة الحمد لله دفعت مقدم السيتي......... سؤال مهم لو سمحتوا

سيراتو 2011 سعر أعلى تجهيزات أقل (شكرا كيا)

الحمد لله دفعت مقدم النترا 2010

الكلمات الدلالية لهذا الموضوع

المفضلات

المفضلات

ضوابط المشاركة