محتارة بين الافيو و رينو لوجان

[lilili]

انا يا جماعة محتارة بين الافيو الكورى واللوجان المغربية زوجى عاوز يجبيلى الافيو وانا مش مقتنعة بيها اصل مش معقول ادفع فى عربيو المفروض انها فول اوبشن 80000 وفلاخر مفيهاش غير تكيف وزجاج كهربائى امامى فقط دة حتى الكاسيت شرايط مشCD وفين الايرباج ومفتاح بريموت علما ان كل الكماليات دى موجودة فى عربيات ارخص من كدة زى اللوجان دا حتى فيها كميوتر رحلات انا عارفة ان الكماليات مش كل حاجة بس عاوزة ادفع المبلغ و اكون مرتاحة نفسيا وبعد كدة انا شوفت على الموقع افيو 2009 فيه كل حاجة ايرباج مفتاح ريموت سى دى مرايات كهرباء زجاج امامى و خلفى كهرباء وABC وبعد كدة قرأت الرد على العربية دى وقالو انها مش موجودة فى مصر دى موجودة برة بس طب لية يضحكو علينا او يعشمونا فهل فعلا العربية دى بالكماليات دى موجودة فى مصر ولابرة بس عشان كدة هشترى اللوجان وخلاص على فكرة اسمها افيو LT فيا ريت اللى يعرف حاجة عن الموضوع يدلنى معلش طولت عليكم

[Michael_Lanos]

الافيو طبعا شركه عربيه محترمه بس كده غاليه واللو جان لسه جديده ومش عارفين ايه نظامها

ممكن تفكرى برده فى لانوس هي هي الافيو على فكره فى كل حاجه، يعنى لو شركه دايو مازالت مستمره كانت سميت الافيو لانوس، وطبعا اللانوس غنيه عن التعريف عربيه ممتازه

[mido_919]

انا بصراحة اقول لوجان رينو عربية محترمة وانا بصراحة مبحبش الافيو مع احترامي لكل الي راكبينها بس دي واخدة نجمة ونصف في اختبار الامان الاوروبي ومبالغ اوي في سعرها فانا بصراحة مش بنصح بالافيو خالص

[أبو عبدالله]

طيب هو ليه الاختيارات محدده في الأتنين دول بس ؟

عالعموم من الصعب الحكم حاليا على اللوجان لأنها لسه جديده في السوق

[best2010]

معاك حق طبعاً فى تفضيلك اللوجان .. لان فرق السعر كبير جداً بدون داعى .. اللوجان احرزت 3 نجوم من 5 فى اختبارات السلامة والأمان وهو الغير متوفر فى السيارات بنفس الفءة بل والاعلى من الماركات الأخرى وانا ارى ان الأمان لا يقدر بمال ..كما انها منتشرة فى اوروبا محققة مبيعات خيالية .. وهى مصممة لتلائم الاجواء مثل المصرية .. توكلى على الله واشترى اللوجان السيارة مجربة فى كل انحاء العالم واثبتت نجاحها

[Hosam_Optrawy]

مفيش الافيو الفل اوبشنز دى فى مصر
ال LT دى مبتنزلش
ممكن تفكرى كمان فى النيو اكسنت

لو حضرتك عايزه كماليات مقابل السعر وشكلها شيك وcd واوبشن ممتاز يبقي شوفي الجين2 او بولو سيدان ويمتازو بالثبات والموتور القوي
من وجه نظري الشخصيه افضل بمراحل من الافيو ال ب 80

[طارق ابراهيم]

متهيقلي انا لو اتحصرت فعلا بين الماركتين دول هختار اللوجان لأن سيارات الرينو دايما بتبهر العالم بتكنولوجيتها وتطويرها والصانع الاوروبي له بصمته من نواحي عديده منها الشكل والراحة والتحمل والقوه ويارب نبقى زيهم واحسن كمان

[Rembrandt]

اللوجان يا جماعة شكلها وحش جدا ومش مناسبة لانثى خالص كفاية صوتها اللى عامل زى الكراكة لو خيرتنى هختار افيو طبعا

[Samah AbdAllah]

انا راى تاخدى لفة كده هتلاقى حاجات احسن من الاختيارين دول
وهتلاقى هنا فى المنتدى معلومات كتير عن انواع مختلفة فى نفس حدود المبلغ اللى عاوزة تشترى بيه