محتار بين انى اجيب مكنسه للعربيه او اركب فرش جلد للأرضيه و محتاج رأيكوا

**Mohamed.Fawzy** · 26-05-2009 11:02 AM

انا عندى مشكله كبيره فى تنظيف ارضيه العربيه (دايو لانوس)
حبيبه بنتى (5 سنوات) ما بيحلالهاش الأكل و الشرب غير فى العربيه انا ساعات واالله بحس انها بتعمل كده عند فيا دى عملا الكنبه اللى ورا (كانتين) دا غير التراب و الرمل من كتر ما بتتنطط جوه دى محسسانى انى راكب عربيه كوبيه علشان هيا مش بتنزل او بتتطلع غير من الباب بتاعى و بعدين نتط من جوه ة تقعد على الكنبه وكأن العربيه ملهاش غير باب واحد بالنسبالها

اعمل ايه فى قلبى الطيب ده غير انها نقطه ضعفى و بنتى الوحيده

المهم كل اسبوع يطلع عينى فى تنظيف ارضيه العربيه بالفرشه يا اما اروح البنزينه اعمل هوفر و بياخد منى فى المره الواحده 10 جنيهات من كتر البلاوى اللى بيلاقيها ( فتافيت بسكوت على شيبسى على تراب على رمل) و من كتر عمل الأرضيه بالهوفر و الفورشه الموكيت طلع وبره طويله ومبقاش بنضف بسهوله

معلش طولت عليكوا

المهم نرجع لموضوعنا انا دلوقتى محتار بين انى اجيب مكنسه للعربيه تشتغل على الولاعه و ترحمنى من التنظيف اليدوى و من جشع البنزينات (شفتها فى كارفور بلاك ان ديكر و كانت بحوالى 230 جنيه تقريبا) و معرفش كفائتها ايه ؟ و بين انى اركب فرش جلد فوق الموكيت وده معرفش سعره هيكون كام و هل هيتلزق بماده ممكن تبوظ الموكيت لو حبيت اشيله بعد كده ؟؟ ده غير انى عارف الكراسى و الكنسوله لازم يتفكوا علشان الموضوع ده يتعمل

ياريت تساعدونى فى الأختيار احسن الموضوع ده عامللى هسهس فى دماغى

**AMIRB11S** · 26-05-2009 11:10 AM

اولا ربنا يخلياك بنتك يارب و تتربى فى عزك ان شاء الله

بالنسبة للمكنسة انا رأيي تجبها لانها بجد جامدة جدا و بتنفع فى وقت الزنقة

**zanativich** · 26-05-2009 11:18 AM

ركب فرش للارضية
ما تخفش على الموكيت الاصلى . الصنايعى بيحط بلاستيك و يلزق عليه
التكلفة 200 الى 300 حسب الخامة

**Mohamed.Fawzy** · 26-05-2009 11:26 AM

المشاركة الأصلية كتبت بواسطة amirb11s

اولا ربنا يخلياك بنتك يارب و تتربى فى عزك ان شاء الله

بالنسبة للمكنسة انا رأيي تجبها لانها بجد جامدة جدا و بتنفع فى وقت الزنقة

اولا شكرا لردك يا باشا و ثانيا ايه رأيك فى ماركه بلاك اند ديكر دى هل جربتها و هل كفائتها كويسه ؟

**Mohamed.Fawzy** · 26-05-2009 11:32 AM

المشاركة الأصلية كتبت بواسطة chimicozanati

ركب فرش للارضية
ما تخفش على الموكيت الاصلى . الصنايعى بيحط بلاستيك و يلزق عليه
التكلفة 200 الى 300 حسب الخامة

يعنى كده تقريبا التكلفه واحده فى الحالتين و الحيره زادت اكتر بس انا فيه حاجتين كنت عايز اسأل حضرتك عليهم:

1- انا مش فاهم ايه المقصود ب (الصنايعى بيحط بلاستيك و يلزق عليه) طب مهو كده اكنه ملزقوش حسب ما انا فاهم و هيبقى سايب لآنه هيبقى ماسك فى الفرش الجلد و مش ماسك فى الموكيت

2- هل الصانايعى هيعرف يفك الحاجات دى كلها (الكراسى و الكنبه و الكنسوله و العتب) و يرجع كل حاجه مكانها من غير خساير علشان انا بخاف قوى من الصنايعيه فة مصر لآن معظمهم غشيم و بيتعافى و خلاص

تحياتى

**KoDaK_Gti** · 26-05-2009 11:34 AM

طبعا تجيب مكنسة الاول
لأن حتى لو عملت ارضية جلد هتحتاج مكنسة بردو
ولو عرفت اسعارها ابقة بلغنا ياريت

**أبو عبدالله** · 26-05-2009 11:37 AM

المشاركة الأصلية كتبت بواسطة mohamedfawzyhassan

انا عندى مشكله كبيره فى تنظيف ارضيه العربيه (دايو لانوس)
حبيبه بنتى (5 سنوات) ما بيحلالهاش الأكل و الشرب غير فى العربيه انا ساعات واالله بحس انها بتعمل كده عند فيا :_alshmokh11::_alshmokh11: دى عملا الكنبه اللى ورا (كانتين) دا غير التراب و الرمل من كتر ما بتتنطط جوه دى محسسانى انى راكب عربيه كوبيه علشان هيا مش بتنزل او بتتطلع غير من الباب بتاعى و بعدين نتط من جوه ة تقعد على الكنبه وكأن العربيه ملهاش غير باب واحد بالنسبالها :_alshmokh11:

اعمل ايه فى قلبى الطيب ده غير انها نقطه ضعفى و بنتى الوحيده

المهم كل اسبوع يطلع عينى فى تنظيف ارضيه العربيه بالفرشه يا اما اروح البنزينه اعمل هوفر و بياخد منى فى المره الواحده 10 جنيهات من كتر البلاوى اللى بيلاقيها ( فتافيت بسكوت على شيبسى على تراب على رمل) و من كتر عمل الأرضيه بالهوفر و الفورشه الموكيت طلع وبره طويله ومبقاش بنضف بسهوله

معلش طولت عليكوا

المهم نرجع لموضوعنا انا دلوقتى محتار بين انى اجيب مكنسه للعربيه تشتغل على الولاعه و ترحمنى من التنظيف اليدوى و من جشع البنزينات (شفتها فى كارفور بلاك ان ديكر و كانت بحوالى 230 جنيه تقريبا) و معرفش كفائتها ايه ؟ و بين انى اركب فرش جلد فوق الموكيت وده معرفش سعره هيكون كام و هل هيتلزق بماده ممكن تبوظ الموكيت لو حبيت اشيله بعد كده ؟؟ ده غير انى عارف الكراسى و الكنسوله لازم يتفكوا علشان الموضوع ده يتعمل :_alshmokh11:

ياريت تساعدونى فى الأختيار احسن الموضوع ده عامللى هسهس فى دماغى :copy of majd(4):

ربنا يباركلك فيها
هما كل العيال كده
بس انا مبسكتشي بصراحه ابني حفظ خلاص الموضوع والحمد لله

المهم البلاك اند ديكر دي انا اشترتها وعندي وماشاء الله ممتازة طبعا ومحترمة جدا وهيا معايا بقالها دلوقتي حوالي سنتين ونص وشغاله كويس والحمد لله

اما موضوع انك تحط فرش بلاستيك
فانا كنت جربت الموضوع ده قبل كده في النوبيرا ولكن بصراحه بيخلي العربيه كلها محمله تراب وفي تركيبه بيفك كل الباكتات البلاستيك بتاعت العربيه وده شئ برفضه بصراحه

الموكيت ميزته انه بيمسك التراب مش بيخليه يطير جوه العربيه وبالمكنسة والموضوع ينتهي

طبعا مكنسة البيت ممتازة انا ساعات بعمل بها لما ببقى سيبت العربيه فتره كبيره من غير تنظيف علشان تشد اجمد
لو انت سهل عليك انك تعمل بمكنسة البيت يبقى بلاش تشتري بتاعت العربيه
لو مش هينفع يبقى اشتريها هيا ممتازة ماشاء الله

**Mohamed.Fawzy** · 26-05-2009 11:41 AM

المشاركة الأصلية كتبت بواسطة kodak_gti

طبعا تجيب مكنسة الاول
لأن حتى لو عملت ارضية جلد هتحتاج مكنسة بردو

فى ناس قالولى انى لو ركبت فرش جلد للأرضيه مش هحتاج مكنسه لآنه بقطعه من القماش تكون مبلوله قليلا اقدر الم بيها التراب و انضف الأرضيه و متهيألى الكلام ده ممكن يكون صح

المشاركة الأصلية كتبت بواسطة kodak_gti

ولو عرفت اسعارها ابقة بلغنا ياريت

ما انا قلت يا باشا انى شفتها فى كاريفور و كانت ماركيتها بلاك اند ديكر و كانت بحوالى 230 جنيه بس بصراحه مجربتش الماركه دى قبل كده و معرفش كفائتها ايه

**Mohamed.Fawzy** · 26-05-2009 11:52 AM

المشاركة الأصلية كتبت بواسطة أبو عبدالله

ربنا يباركلك فيها
هما كل العيال كده
بس انا مبسكتشي بصراحه ابني حفظ خلاص الموضوع والحمد لله

المهم البلاك اند ديكر دي انا اشترتها وعندي وماشاء الله ممتازة طبعا ومحترمة جدا وهيا معايا بقالها دلوقتي حوالي سنتين ونص وشغاله كويس والحمد لله

اما موضوع انك تحط فرش بلاستيك
فانا كنت جربت الموضوع ده قبل كده في النوبيرا ولكن بصراحه بيخلي العربيه كلها محمله تراب وفي تركيبه بيفك كل الباكتات البلاستيك بتاعت العربيه وده شئ برفضه بصراحه

الموكيت ميزته انه بيمسك التراب مش بيخليه يطير جوه العربيه وبالمكنسة والموضوع ينتهي

طبعا مكنسة البيت ممتازة انا ساعات بعمل بها لما ببقى سيبت العربيه فتره كبيره من غير تنظيف علشان تشد اجمد
لو انت سهل عليك انك تعمل بمكنسة البيت يبقى بلاش تشتري بتاعت العربيه
لو مش هينفع يبقى اشتريها هيا ممتازة ماشاء الله

ربنا يبارك فيك و يبارك لك فى عبد الله

على فكره كلامك منطقى جدا وانا برضه خايف قوى من موضوع الفرش الجلد ده

اما بالنسبه للمكنسه فصعب جدا استخدم مكنسه البيت لعده اسباب منها صعوبه التنقل بها و عدم توافر مصدر قريب للكهرباء فى المكان اللى بركن فيه لكن طالما انت شكرت فى بلاك اند ديكر بالنسبه للعربيات يبقى ممكن اتوكل على الله و اجيبها

بس عندى سؤال انا شفت فى كاريفور نوعين بلاك اند ديكر واحده زى اللى موجوده فى اللينك ده
http://www.blackanddecker.com/Produc...roductID=20364

و دى كانت غاليه بحوالى 350 جنيه

و فى واحده ثانيه زى اللى فى اللينك ده

http://www.blackanddecker.com/Produc...ProductID=6113

و دى اللى كانت ب 230 جنيه

فهل حضرتك جربت انهى واحده فيهم و ايه الأفضل من وجهه نظرك

تحياتى

**أبو عبدالله** · 26-05-2009 12:03 PM

هيا بتتقاس بقوة الفولت بتاعها انا بتاعتي 12 فولت وكانت ساعتها اعلى واحده فيهم واشترتها بــ 200 جنيه لأن كانت لسه نازله وكانت عليها خصم

وهيا زي اللي في اللنك التاني ولكن لونها برتقالي مش ابيض

بس طبعا اللي في اللنك الأول ميزتها انها هتدخل بمقدمتها في اي حته عكس التانيه
انا عندي خرطوم بيتوصل وله قطع بتركب فيه
ولكن دي غيرها انها لها مقدمة طويلة عالطول فيها

لقيتهالك دي اللي عندي بالظبط

http://blackanddecker.ae/en/homeprod...catno/ACV1205/

الموضوع: محتار بين انى اجيب مكنسه للعربيه او اركب فرش جلد للأرضيه و محتاج رأيكوا

LinkBack

أدوات الموضوع

عرض

محتار بين انى اجيب مكنسه للعربيه او اركب فرش جلد للأرضيه و محتاج رأيكوا - انشر الموضوع فى :

-

-

يبقى كده الحيره زادت -

-

-

-

-

-

المواضيع المتشابهه

عايز اركب عتب للعربيه ...نوبيرا

عاوز اركب ارضيه جلد للعربيه بنفسى

اركب كارتيرات للعربيه ولا ملهاش لازمة

عاوز اركب بلوتوث للعربيه اوكتافيا a5 ؟

عايز اركب فرش جلد للعربيه سكودا اوكتافيا a4

الكلمات الدلالية لهذا الموضوع

المفضلات

المفضلات

ضوابط المشاركة