حصر مشاكل الدايو: استهلاك البنزين. (مشاكل-اسباب-حلول). والموضوع مفتوح للمناقشة.

[Drift_Lover]

حاولت أعرف رأيكم في فكرة الموضوع قبل البد فيه ولكن للأسف قام فقط 16 عضو بالتصويت. من أصل 160 مشاهده...
وإليكم أولي مشاركات الموضوع. مهداه لـ 13 عضو.وأتمني أن تنال تقدير أعضاء المنتدي.

[gdwl]

كثير من الاعضاء واجهوا مشكلة ان العربيه بتاكل بنزين.

ليه العربيه بدأت تاكل بنزين بعد تغيير ديسك واسطوانة ؟

بعد تغيير الرشاشات والحساسات والشكمان بالكامل العربيه لسه بتاكل بنزين
لانوس 2002 وبتعمل 140 كم/الصفيحه ومش عارف اعمل ايه ؟

وآخرون...

وعلشان مانتوهش كتير.

المفروض لما نفاجأ بان استهلاك البنزين اصبح فوق المعدل. ايه الاحتمالات اللي تكون مطروحه أمامنا :

ياريت نعرف رأي الخبراء. وكل واحد يقول تجربته...

[/gdwl]

وفيما يلي رأيي الشخصي... وفي انتظار رأي خبراء المنتدي.

- مع اعتبار ان فارق استهلاك البنزين كان فجائي ودون أعمال صيانه سابقه له.

- ومع التأكد ان العربيه مش مكتفه ( يعني لما تنور الفتيس وتنزل اليد. بيبقي سهل تحريكها) ومافيش تحميل للفرامل مكتف العربيه.

- ومع اعتبار ان اسلوب القياده عادي وليس رياضي (يعني بتحرق في الغيارات وبتشبعها زياده عن اللزوم.

-ومع التأكد من ضبط إطارات السيارة علي الضغط السليم. 32 زي ما الكتالوج بيقول.

1- الكشف عن السياره عن طريق الاسكانر لاختبار الحساسات. وربما يكون حساس الشكمان هو المتسبب في المشكلة حساس الشكمان ب 200 او 220.

و دة وظيفتة تحديد نسبة الاكسجين فى العادم و من خلالة ال كمبيوتر بيحدد كمية البنزين اللى المفروض تضخها الرشاشات. ومكانه اسفل فرن الشكمان

ودي صورته.

2- فلاتر البنزين والهواء وبالاخص فلتر الهوا ممكن يكون مستهلك وده بيأثر علي استهلاك البنزين. والتأثير علي الأداء العام علي السحب يكون أوضح من تأثير البنزين.

ودي صورة فلتر الهواء وسعره 35 جنيه تقريبآ.

ودي صورة فلتر الهواء وسعره 25 جنيه تقريبآ

3- لو الحساسات كلها سليمه ممكن تكون المشكله من الرشاشات (الرشاشات بتسيل) وفي الحاله دي مابيكونش تأثيرها فقط علي استهلاك البنزين ولكن علي سحب السيارة وبدء الدوارة وصوت الموتور بالاضافة الي دخنه سوداء مع بداية تدوير العربيه صباحآ...

وعادة ما تظهر عيوب الرشاشات بعد ال 100000 كم.

ولو حاكشف علي الرشاشات وانظفهم ده بيتكلف من 70 : 100 جنيه.

والموقع ده بيبين كيفية التنظيف بجهاز الألتراسونيك وشرح مبسط لتسييل الرشاشات
وممكن أستخدم منظف رشاشات مؤقتآ ( او لتأكيد عيب الرشاشات قبل الفك والكشف ). ودي صورة منظف الرشاشات.
وسعره من 12 : 65 جنيع حسب النوع. ولابد ان يكون مكتوب عليه Injector Cleaner

وهنا موضوع الخ توت عن منظف رشاشات مصري الصنع ويقال انه ممتاز

و لو حاغيرهم فاسعارها كالتالي:

رشاشات البى ام استيراد ب200

رشاشات هيونداى استيراد ب 300 تقريبا

رشاشات هيونداى جديد ب 700

رشاشات gm جديد ب 1000
رشاشات بى ام جديد ب 1800
mmamdouh

وفي منا اللي غير لرشاشات BMW M40 زي KoDak_Gti وزي الموضوع ده للأخ ahmedfra وبرده شريف خليفه في الموضوع ده

وفي اللي غير رشاشات اللانوس بهيونداي ومبسوط جدآ من استهلاك البنزين 354 ك/الصفيحة.

وفي اللي مبسوط جدآ من استهلاك البنزين في اللانوس. زييي و ابو ياسين وشريف محمد وآخرون.

وهنا طريقة تغيير الرشاشات لاسشاري المنتدي
وده طبعآ مع أخذ البوجيهات في الاعتبار.
وقد يختلط تحديد السبب في العطل مابين البوجيهات ولا الرشاشات... وهنا مشاركة لبيان تفاصيل تحديد أيهم

وطبعآ ده رأيي عن بحث في المنتدي والانترنت وقابل للصواب والخطأ والمناقشة والنقد من الآخرين...

ولا أحتاج أن أذكركم.

[info] [/info]

[info]

-الموضوع ده للنقاش والحوار الجاد والاستفاضه حول استهلاك البنزين.

- رجاء عدم وجود ردود من عينة (موضوع جميل-مشكور-مجهود متميز-الخ) ممكن تتفضل مشكورآ بالضغط علي أيقونة الشكر لو المشاكرة عجبتك. مادون ذلك ياريت تكون كل المشاركات في سياق النقاش في صلب الموضوع او تناول التفاصيل).

[/info]

وفي انتظار ردودكم ومناقشة الموضوع باستفاضة.... وكلنا إهتمام.

تم تعديل اللينكات

مشرف القسم

[khalid9411]

موضوع ممتاز جدا جدا

[waleedrahmy]

موضوع جيداااااااااااااااا جدا ..............شكلك كده ماشي علي درب م/محمدممدوح وم/سمير عياد................وقريبا حاتبقي من أستشاري المنتدي......................الله ينورررررررررررعليك

[Drift_Lover]

في انتظار ردود وإبداء رأي او تعليق او نقد كلآ من :

في انتظار ردود وإبداء رأي او تعليق او نقد كلآ من :

1- استشاري المنتدي "الاستاذ/ محمد ممدوح".
2- المهندس سمير عياد.
3- وثالثآ وأخص بالذكر: كل عضو كانت له تجربة مع استهلاك البنزين وتوصل لحل.

[samirayad]

توكل على الله ......وأمضى قدما .......ومشكور على هذا المجهود .............وثق دائما بأن تجميع الأسباب المحتمله نحو أى مشكلة ما .............بدون أدنى شك سيفيد ولن يضر .....بالعكس فسيسطيع أى زميل يمر بمشكلة ما من قراءة كل الجوانب المتعلقه بمشكلة ما تواجهه لهذه المراجع النابعه من فكر الجميع ............وبالتالى قد يكون هذا التجميع سببا فى حل مشكلته .................وبالتالى لايقوم بطرح المشكله كموضوع جديد ............ومن هنا فأنا أرى أن هذا النهج سيفيد جدا فى تقليص عدد المواضيع التى تطرح للنقاش من جديد .....................

_ وبناءا عليه فأنا أرجو من السيد مشرف القسم تثبيت هذه المواضيع ..........لكى تكون متواجده بأستمرار أعلى القسم ....لكى يتمكن أى زميل من الأطلاع عليها (سواء زميل جديد أو قديم ) ومن هنا فأن الزميل سيتروى ويقرأ الموضوع المثبت الذى تدور مشكلته حوله ......وقد يجد الشفاء فى هذا ............بدون أغراق القسم بمواضيع جديده .........وقد تكون مكرره فى بعض الأحيان ..................

[hon]

السلام عليكم ورحمه الله
تجربتى مع البنزين كالتالى
السيارة زيرو وبعد التللين 1000 كيلو عملت فى مشوار مفتوح 340 كيلو على الصفيحة
وبعد 3 سنوات أنخفض المعدل الى 270 كيلو على الصفيحة على المفتوح
وبعد أستخدام منظف رشاشات ب 53 من ان زا رن أرتفع المعدل الى 305 كيلو على الطريق المفتوح
نوعية البنزين المستخدم 92 وساعات كان 95 وجميع الصيانات فى التوكيلو العناية كاملة بالسيارة
وهى الام عمالة 55000 كيلو والحمد لله مستريح معاها بس المهم العناية فى الأستخدام وشكرا

[Drift_Lover]

مافيش حد تاني ناوي يشارك بتجربته...

[dr_mak]

انا كان عندي استهلاك البنزين ممتاز وبعدين فجأة لقيت الاسنهلاك فظيع والعربية مابتسحبش خالص وحاسس ان الماتور فية رعشة

الحل /غيرت طقم الفلاتر وسيور و بوجيهات وسلك البوجيهات ونظفت الرشاشات .....والنتيجة ان العربية رجعت تاني زي الاول واحسن في الاستهلاك والسحب وحسيت ان العربية جمدت

[Samah AbdAllah]

موضوع جميل درايفت متابعة بكل تركيز

[Drift_Lover]

رجاء من مشرف القسم تحويل روابط الموضوع من .com الي .net

[abzoabzo]

الله ينور موضو جامد جدا
ومجهود رائع

[maka]

موضوع جامد جدا

وتجربتى مع فلتر البنزين لانى قعدت بيه فترة بعد ما اشتريت العربية وكان مسدود اوى وبعد

التغيير بجديد لاحظت زيادة بسيطة بس محسوسة فى السحب

[ahmedfra]

انا بقة كان استهلاك البنزين عندى كويس جدا و فجأة بعد تغيير سير الكاتينة و طلمبة البنزين الأستهلاك بقة وحش جدا و مش عارف ليه علما بأن سحب العربية كويس جدا

[abouzaid555]

موضوع جامد جدا جدا و انا متابع باهتمام و اشكرك يا درافت

[khalid9411]

موضوع ممتاز الى الامام