بجد استني .... ومش عيب ولا حرام تتراجع في كلامك .. من الصعب والمستحيل تعرف ..... الاحترام انساه .. الطريق طويل ومكسر .... ولو زحمة بيكون اطول ومين يصبر ..... عربية تريح شوية وتيه يعني اوعي تتنقط ولا تزمر ( اقصد الكلاكس ) بجد مش نافع ... في المحروسة الا ال 128 ، يا جماعة لحظة وحده تعالوا نفكر براحة ... عشان ايه اجيب عربية غير ال 128 ولمين ؟؟؟؟ المبداء العام في مصر ان اي عربية ملك للشعب من بره ولوحة للمواهب الشابة سواء للنحت او للرسم وكمان ممكن طبلية للاكل ومفيش مانع عشان العيش ما يعجنش وكمان انت فاعل خير لو العربية جدية وبتنضفها كل يوم يبقي كتر خيرك عشان كل الناس هتسند عليها بدل محطات ودكك الاتوبيس هه ناهيك عن المطبات المقصودة والغير مقصودة اللي في نص الطريق او علي جنب ولا اقولك سيبك من المطبات فادي المصايب بالاولويات اولا البني ادمين وبعدين العربيات وبعدين المطبات وبعدين خلي بالك من نفسك وابقي حافظ علي عربيتك هههههههه يعني وعاوز اقولك كمان لما تروح مشوار اضمنلك تكون بتوصل حد واوعي تسيب عربيتك عشان لو الوحش قصدي الونش جه ومعجبوش ركنتك او لو عجبتة عربيتك اكيد ممكن يرفعها ومتقوليش بقي العربية دي اقوي وتتحمل ودي توكيلها تحفة وناوي مع الشعب يكمل احذر تشتري عربية جديدة لان العربية مبروكة مش عليك لوحدك لاء مبروكة عالشعب كلة لو انت قافل الازاز يبقي مؤقتا انت تملك ما بداخلها الي ان تتغير الظروف لكن وفي كل الاحوال يحعله عامر ومبروك علينا كلنا وانا عن نفسي مبسوط بالعقل والمنطق والظروف والمحروسة وشايف ان اخرها عندي 128 اللي زي الفلة يعني حضرتك لو ريحت عليها ممكن اكصدامك يقع او البوية تتجرح ..... وطبعا اكيد بتكون مسامح لما بتعرف مين اللي خبطك وليه وازاي عشان قدام عينك فبيبقي اريحلك تتنازل وتقول مبقبلش العوض ... واااااااااه عليه العوض ومنه العوض واكيد بتتنقط لما تلاقي حد غدر بيك وخبطك وانت يا عيني مش فاهم مين ولا ليه ولا ازاي !!!!!!!!!!! بس هتدزور عربيتك بعد ما تقف تنظر حولك والناس تبصلك وتستغرب هو ليه كده ماله بيدور علي ايه وتلاقي حد يقولك انت تايه يا بية هههههههههههههه المهم .... تعال بقي لموضوع الركن وتحمل تكمل الموضوع .... حضرتك معاك النترا التحفة اللي تمنها نط بقي 99000 او شيفروليه ابترا ولا ماتركس او دايو ولا تينوفاتا الحلوة وتيجي تركن قدام بيتك تلاقي واحد معاه 128 وركان مكانك عشان بيته قريب من المدرسة الابتدائية ولانه خاييف او علي عربيته بيركن مكانك وانت بقي يا حلو تروح تركن مكانة المهم ان كل الشارع بيفهم ان صاحب ال 128 ناصح وبقلدوه تلاقي بقي لادا و127 ومازدا وانت بقي يا تركن في ميدان يا تتصرف وترميها في اي مكان المهم يعني لما يجي حد من الناس دي يبيع بيتقال علية انه محافظ علي عربيته اوي وانت بقي معلش سي ييو ليتر ( هههههههههههههههه ) مش عاوز اطول بقي بس اللي بقوله لنفسي اه العربيات الجديدة اسرع واريح ومكيفة بس يعني لما بمشي ب 128 مش بعرف اجري زي الجديد لكن مع الوقت البسيط بفتح عالرابع وبحصل واضحك واقول ههههههههههه يلا طلعته اشد عشان يا عيني دافع 100000 عشان يوصل من 0 لل 100 ك في 5 ثواني وانا معايا العربية المكحكحة اللي بتحصله و ب 18000 الف بس بس يلا اهه كله بيجري في المحروسة بس معلش دي تقاليد البلد واللي يخالفها لازم يدفع ولو دفعت لازم تتسول رحمة الناس عشان يعبرو عن رائيهم بعيد عن عربيتك ويلا بقي كله يروح عشان النوم في العسل هيغلي كله ينام بقي وهوووووووووووش محدش يتكلم . ونتقابل في 2030 ان شاء الله لما يعملة عربيات بطير عشان المطبات والناس والركنه في الهوا يمكن تكون اامن عالعربية والسلام ختااااااااااااام هههههههههه مش عيب انك تكون معقد وجميل زيي... بس فاهم بس لو في حل لعقدتي بليز ساعدوني اقتنع بكلام غير ده
المفضلات