الموضوع: البيكانتو اتخبطت ...والحمد لله قدر الله وماشاء فعل

السلام عليكم ورحمة الله وبركاته .........
امبارح كنت راجع على الدائري وماشي في الحارة اللي في النصف بسرعة 90 كلم /ساعة في اتجاه التجمع الخامس وعند منزل الدائري بتاع الاوتوستراد ببص في المرايا اللي في النصف فلاقيت جيب سواداء طلقة من وراء وكان على يميني نقل كبيرة والمسافة اللي بيني وبينه متعدييش الا غربية صغيرة ومحسيتش الا بالجيب ده خابطني بسرعته من الجنب اليمين بتاعي ومن قوة خبطته خدني للشمال بتاعي والعربية لفيت بيه وكانت هتتقلب المهم مسكت الطارة وكلبشت فيها وعدلت نفسي باعجوبة وستر ربنا ان الشمال مكنش في حد جاي وساعتها كنت هبقى ساندويتش المهم الافندي بعد ما خبطني راح رامي يميين فالامقطورة اللي كانت جنبنا استقبلته وعجنته المهم المقطورة كمل وكان مافيش حاجة واتفضل انا والافندي الجيب ......نزلت وبصيت عندي لاقيت الرفرف اليميين عندي اتعجن والمرايا اليميين عندي اتشرخت وطلع هو جيب فولفو لوح جمرك القاهرة (اول مرة اشوف جيب فولفو ) والخساير عنه كانت الجنب الشمال بتاعه الباب الخلفي والامامي عنده شمال اتطبقوا والجرايد بتاعت البابيين شمال عنه اتعجنه وبالنسبة لليميين عنده الاكصدام وقع وفانوس باشارة اليميين اتكسروا والباب اليميين وراء عنده ملهووش معالم وكمان المقص الامامي اليميين اتكسر او اتعوج لان لاقيت الكاوتش يميين قدام عنده فارش على الارض ومعوج بزاوية ميل 60 درجة يعني ماينفعش يتحرك بيها ........المهم لاقيته شكله محترم ببرود وكان صاعقة نزلت عليه وقعد يلطم على عربيته وقاللي النقل موسعلييش وانا اتفاجئت بيه .......قلتله يوسعلك ليه دا انت جاي من اليميين ....طبعا الاطفال معاي اصيبوا بخضة وهلع وعياط وانا بصراحة صعب عليا الغبي ده من الاثار اللي عنده وكمان فولفو .......وحمدت ربنا انها جات على قد كده .......وقدر الله وماشاء فعل وحفظكم الله بعنايته جميعا من شر الطرق والسيارات الطايشة والحمد لله رب العالميين ..........