الموضوع: هدية للأعضاء Digital RPM

أنا فهمت الكود ما عدا الجزء الخاص بالـ Interrupt

if(icounter == 8)
{
if(~counter%2 && counter) counter++;
rpm = counter * 2 * 60 * 2 /cylinders ;

انا مش فاهم حاجه من اللوغات ديه
معأنى غاوى اليكترونيات بس مش دارس

انا دايس معاكم اى حاجه

فكرة ممتازة
ودماغ عالية

المشاركة الأصلية كتبت بواسطة amrelsaqqa

counter ده اللى بيعد عدد النبضات

الفكرة اننا بنعد كذا عدة في فترة زمنية معينة ( في الثانية مثلا )


وفيه تايمر زيرو شغال بيعمل انتربت بحيث انه كل فترة يشوف العدات دى و يعوض في معادلة نحولها لعدد لفات في الدقيقة ويرجع يصفر الكاونتر ويعد من الاول و يرجع يحسب وهكذا ..

بس احنا بنكبر مدى التايمر عن طريق اننا بنصفر الكاونتر كل 8 انتربتات للتايمر فبنعمل عداد تانى icounter


if(~counter%2 && counter) counter++;

السطر ده عشان الاستابلتى بتاعت العداد
لأن انا في السميوليشن جربت انه حتى مع ثبات الموجة اللى داخلة بيكون العداد متذبذب بسبب عدم دقة التايمر تماما
فمثلا بيبقى الكاونتر
مرة يقرا
43 ومرة 42

ويعوض في المعادلة ويطلع مثلا مثلا 1300 و 1360 rpm وتفضل تتذبذب وانا مثبت رجلى على البنزين مع ان المفروض انها تكون ثابتة
فالفكرة انى بشوف لو الرقم زوجى و مش صفر بزوده 1 يخليه فردى ولو فردى يسيبه زي ماهو

يعنى لو 43 هيطلع 43
ولو 42 هيزيد واحد ويبقى 43 برضه فتفضل القراءة مستقرة الى حد ما وتدى مثلا 1360 rpm ثابتة وانا مثبت رجلى


rpm = counter * 2 * 60 * 2 /cylinders ;

دى اللى بتاخد بقى عدد النبضات وبتحولها لعدد لفات في الثانية وداخل فيها عدد السلندرات
انا مش متأكد من دقتها اوى بس هتبان مع التجربة العملية
مثلا لو لقيناه بيقرا ضعف القراية او نصفها ممكن نضبطها في الاخر

كده وصلت الحمد لله .. ربنا يجزيك خير ، ممكن بقى أرخم عليك وأقلك تحطلنا الـ Simulation

المشاركة الأصلية كتبت بواسطة newhansol

الشغل هايبقى باذن الله على ال بك 16f84
لان دة تقريبا اقل بك فى السوق ولو حد يعرف بك تانى احسن منة يا ريت يقولنا
مش فاكر يا ميسو كان فى حد فى موضوع عداد الحرارة الديجيتال الى انت كنت عايز تعملة كان فى حد مع الاخوة عمل الدايرة وبرمجها كمان وباعتلنا صورتها من برنامج بروتيس

بس مش فاكر مين
بس ماعتقدش ان الدايرة هاتبقى صعبة يعنى يا معلم السفن سيجمنت والبك والكريستالة وخلاص على كدة

طب ايه النظام احنا حنقعد نتفرج يا معلم ولا ايه

لازم نوريهم الشغل يا معلم حنبتدى منين دلوقتى بالتفصيل

يا رجالة أنا عملت عداد لفات موتور بلمبات LED و نجح من أول محاولة، زي السكينة في الحلاوة

[youtube]http://www.youtube.com/watch?v=Z5WAXkjszhw[/youtube]


http://www.nilemotors.net/Nile/16507...achometer.html

و بعده اتشجعت و عملت الدائرتين بتوع عداد RPM و عداد سرعة باستخدام السفن سيجمنت و متأكد أني وصلت كل حاجة صح لكن الدائرتين فيهم مشكلة ، , أنا مش فايق أبص فيهم تاني بصراحة. الظاهر أني هاكتفي بالليدات
لحد ما نشوف موضوع ال PIC يا حد يعمله لي يا إما أذاكره
(على فكرة أنا دكتور جراحة مش هندسة)