قولنا سوقت ايه

**M.Osman** · 14-10-2009 03:09 AM

المشاركة الأصلية كتبت بواسطة evoo90

ياااااه الحمد لله انا كنت فاكر انى الوحيد اللى رأيه كده فى الفيرنا والناس كلها فاكرانى حمار
تعالا نعمل جروب لكارهى الفيرنا

في يا باشا جروب على الفيس بوك لكارهي الفيرنا .. اوعي يفوتك

(..............يا رب)

**evoo90** · 14-10-2009 06:31 AM

المشاركة الأصلية كتبت بواسطة SuccessCre8or

في يا باشا جروب على الفيس بوك لكارهي الفيرنا .. اوعي يفوتك

(..............يا رب)

ايييييه انت زعلت ولا ايه عادى جدا كل واحد مننا بيكره عربيه وانا بصراحه بكره الفيرنا والانسر لأسباب خاصه عندى فى دماغى ماقولتش بكره اللى راكبين فيرنا ولا حاجه

**A_H_M_A_D** · 14-10-2009 10:24 AM

هي الناس لحقت تركب العربيات دي كلها إزاي ؟؟
أنا حاقولك على العربيات اللي كانت عندنا و سوقتها فترة كبيرة

1) فيات 131 (ممتازة جدا في السحب بتاعها و موتور قوي 1600 )

2) فيليشيا كومبي (جبت بيها 160 في طريق المطار - سواقتها كانت اسهل بكتير من ال131 )

3) سيات ( كنت بحس و انا راكبها بالإحباط من العربيات اللي حواليه)

4) مرسيدس 230e (ضخمة قوي بالمقارنه باللي فاتوا وكنت لما باسوقها بابقى خايف قوي لتلطش في أي حاجه)

5) ماروتي (عربية خفيفة و عملية جدا خصوصا في وسط الزحمه وأثناء الركن)

6) وأخيرا فرنتي (الموتور الجبار اللي لازم يروض عشان مايتوحش و ربنا يسترها علينا)

**M.Osman** · 14-10-2009 05:40 PM

المشاركة الأصلية كتبت بواسطة evoo90

ايييييه انت زعلت ولا ايه عادى جدا كل واحد مننا بيكره عربيه وانا بصراحه بكره الفيرنا والانسر لأسباب خاصه عندى فى دماغى ماقولتش بكره اللى راكبين فيرنا ولا حاجه

لا يا باشا مزعلتش ولا حاجة :))
انا بس زهقت من كتر الكلام على عيوب العربية

بس برضه بحبها

..

حصل خير

**shamp** · 15-10-2009 06:43 PM

فيات 128_فيات 132 عربيتى_فيرنا_لادا1500_تويوتا كرولا 99_هيونداى اكسيل_شاهين 96

**amrico** · 15-10-2009 07:44 PM

انا هبدأ بالحاجات الغريبة
فورت بورج الماني شرقي 3 سيليندر والرايدياتير ورا الموتور 900 سي سي
فورك ليفت (رافع شوكة) كوماتسو (ممتع)
فورك ليفت (رافع شوكة) كاتر بيلر (ممتع برضه)
سيارة نقل (بيتر بيلت) لو حد مش عارفها دي العربية النقل الكبيرة جدا اللي كانت في فيلم ترمينيتور 1 لأرنولد لما كان بيطارد بيها الموتوسيكل
سيارة نقل انترناشيونال موديل 1981
ميتسوبيشي كانتر نصف نقل دوبل كابينة
شيفرولية جامبو نص نقل برضه
مرسيدس مايباخ (ركبتها بس وماسوقتهاش) وكانت في مرسى مطروح
دي الحاجات الغريبة اللي انا فاكرها
غير كدا العربيات العادية

برة مصر:

gmc يوكن دينالي 6100 سي سي (سحب مفتري)
بورش كايين (للتجربة مع واحد زميلي)
لاند كروزر (كل موديلاتها تقريبا) حتي الربع نقل بتاعتها
تويوتا برادو (معظم موديلاتها)
كرايزلر فويجر (واسعة جدا وجميلة)
فورد جالاكسي (2003) (دريكسيون يمين في بريطانيا)
فورد ترانزيت (تشبه المايكروباص) (برضه دريكسيون يمين في بريطانيا)
bmw m3 بتاعة واحد صاحبي بلجيكي كان جاي بيها من بلجيكا وكان دريكسيونها شمال وبنسوقها في بريطانيا (كانت حاجة تلخبط جدا)
bmw (فئات كتير بس مسوقتش السابعة وركبت بس x5) عموما BMW ثابتة بغباء اصلا متحسش ابدا بسرعتها
هوندا اكورد 1998 (ثابتة جدا وكويسة)
تويوتا هايلكس دوبل كابينة 4X4 كذا موديل
وكتيييير اوي كورولا وصني وايكو وياريس وعربيات الإيجار دي كلها

وبصراحة مش فاكر الباقي

في مصر:
بدأت على فولفو 240 موديل 81 كانت عندنا زمان واكثر من رائعة
127 (مرة واحدة بس)
128 (موديل 1975)
كورولا 2003 حمالة أسية (كنا طاحنينها مشاوير مرسى مطروح)
سوزوكي سويفت 1993 1300 سي سي (من اعظم العربيات اللي ركبتها (كانت بتاعتي) وبيعتها بالعافية لواحد قريبي)
BMW الفئة الخامسة موديل 2003 (جامدة طحن)
لانوس 1999 الشكل القديم
لانوس 2003 (لانوس 2)
كيا سبيكترا (سحبها جميل جدا)
مازدا 121 (عربية غلبانة أوي)
كيا سيفيا (مش فاكر موديل كام بس جراية أوي)
فورد ميركوري جراند ماركيز (كانت بتاعة خالي) 1996 4600 سي سي (سحبها مرعب)
مرسيدس زلموكة (كذا موديل بس احبهم الى قلبي كانت واحدة 1994 فيراني)
هوندا سيفيك 1994 1500 سي سي حلوة جدا بس واطية جدا على الأرض
شيروكي ليميتد 2000 4000 سي سي
اوكتافيا a5 موديل 2006 جبتها مستعملة استعمال خفيف وبعتها على طول لواحد قريبي برضه لأني لقيت نفسي مبستعملهاش وبسافر كتير بس حقا سيارة محترمة
شاهين (كذا واحدة)
فيرنا 2009 بتاعة اخويا
دايهاتسو سيريون 2008 GLX 1300cc بتاعة المدام وبنزل براشوت عليها وبستخدمها لما بكون في مصر لكن والله عربية حلوة ومش غلبانة على الطريق
ريجاتا 1988 كانت عندنا كان ليها وضع في زمانها
هيونداي إكسيل 2000 1500 سي سي تقريبا

ومش فاكر الباقي والله

اسف للإطالة

**hani945** · 16-10-2009 01:36 PM

الموضوع ده جميل قوى

**Youssef.Awad** · 16-10-2009 03:37 PM

بصراحة انا مش من هواة استعارة العربية من حد صاحبى او معرفة لأنى باعتبرها رخامة وسئالة ملهاش لازمة
عشان كده ماسوقتش عربيات كتير بس مش معنى كده انى ماعرفش احكم على العربية ايا كان نوعها لو ركبتها مع صاحبها اللى سايقها وممكن بسهولة جدا اقيمها من سواقة الغير ودى العربيات اللى ركبتها وسوقتها بنفسى:

1. سيتروين ax مو94 1400cc (فوريرة ورهيبة وصغيرة وعملية جدا فى الزحمة وموتورها عفى)

2. فيات 128 مو80 1100cc (بصراحة عربية تشل اللى راكبها مهما كان موديلها وصوت قرقرة كبالنها فى ودنى لحد دلوقت ومش عارف الناس بتحب فيها ايه)

3. بولونيز مو88 1500cc (حبيبة قلبى وأول عربية امتلكها فى حياتى وليها معايا ذكريات ما تتنسيش طول عمرى ودايما بأشتاق ليها وبأدعى على اى حد راكبها ومش مهتم بيها ومهما اتكلمت عنها مش هاقدر اوصفلكم شعورى ناحيتها)

4. بيجو 504 مو79 2000cc (عربية غير مريحة بالمرة فى قعدتها ولا سواقتها خاصة كرسى الحلاقين اللى قدام والدركسيون اللى خابط فى رجليك والكونتاكت اللى ناحية الشمال بس ما اقدر انكر انها بتمشى لوحدها من شعرة بنزين)

5. شيفروليه أفيو مو2008 اوتوماتيك 1500cc (لذيذة خفيفة وابرز عيوبها التابلوه الكبييييير ع الفاضى ومن رأيى انها ما تستاهلش الفلوس اللى تتدفع فيها وفى موتورها القديم بتاع اللانوس وطبعا الاوتوماتيك حريييييييقة بنزين)

6. ميتسوبيشى لانسر بومة مو2006-2008 1600cc اوتوماتيك (عربية بجد تحفة وسواقتها جميلة وممتعة جدا لدرجة تخلينى مش عاوز انزل منها مهما كانت حالتها بصراحة بأمووووووووت فيها)

**horas3000** · 17-10-2009 12:27 AM

شكرا يا رجالة علي المشاركات الحلوة

**Youssef.Awad** · 17-10-2009 01:21 AM

المشاركة الأصلية كتبت بواسطة horas3000

شكرا يا رجالة علي المشاركات الحلوة

العفو يا استاذنا
بس ماقولتلناش بقى ايه العربيات اللى حضرتك ركبتها قبل البورش كايين

الموضوع: قولنا سوقت ايه

LinkBack

أدوات الموضوع

عرض

-

-

-

-

المواضيع المتشابهه

افتراضي سوقت كام كيلو فى حياتك وفى كام سنه؟

سوقت السيريون

انا سوقت بروتون بيرسونا

يا جماعة انا النهاردة سوقت

انا سوقت سيريون

الكلمات الدلالية لهذا الموضوع

المفضلات

المفضلات

ضوابط المشاركة